Movatterモバイル変換

2021年

出自維基百科，自由嘅百科全書

世紀：	20世紀21世紀22世紀
年代：	1990年代 2000年代 2010年代2020年代2030年代 2040年代 2050年代
年：	2016年 2017年 2018年 2019年 2020年2021年2022年 2023年 2024年 2025年 2026年
干支年：	1月1號到2月11號係庚子年（鼠年） 2月12號開始係辛丑年（牛年）
年號：	民國一百一十年

2021年係平年，元旦係禮拜五。

其他紀年

下面係維基百科有關年份紀年嘅凡例說明。

凡例

紀年分類中嘅「中國」、「中國週邊」、「越南」、「朝鮮半島」、「日本」等，係地域概念，唔係特指某個國家或者政權，所以會有模糊嘅外延。喺呢啲地域概念之下會分項列出喺呢個地域內嘅各政權同各種紀年，包括年號、以及同創立呢個年號嘅王朝對抗嘅私年號。

「中國週邊」係指廣義上嘅北亞、中亞、以及同中國接壤嘅部分地域，大約相當於亞歐大陸中央地區。

農曆、佛曆、回曆、猶太曆有自己嘅曆法，佢哋嘅新年同西曆唔重合。所以西曆年份唔完全就係呢幾種曆嘅年份。

傳統上東亞地區嘅年號用嘅係農曆，所以年號對應嘅西曆年份係指當年農曆新年過後嘅時期，未過年嘅時期算做呢個年號紀年嘅上一年。

皇紀係日本喺1873年採用西曆嘅同時施行嘅。

檀紀係大韓民國喺1948年到1961年間正式使用嘅。

主體曆係朝鮮民主主義人民共和國自1997年開始正式使用嘅。

佛曆係以西元前543年做元年，呢個係泰國、柬埔寨、老撾佛曆嘅標準。另有斯里蘭卡、緬甸佛曆，佢以西元前544年做元年，喺泰柬老佛曆度加多一年就係。

中國
- 中華民國：民國一百一十年
朝鮮半島
- 北朝鮮：主體一百一十年
- 南韓：檀紀4354年
日本
- 皇紀：2681年
- 令和三年

大件事

1月1號：星加坡開始停印1千蚊紙，以降低洗黑錢風險。
1月6號：2021年美國國會大廈衝突，5死。
1月7號：伊隆馬斯克以1,850億美金身家躍居全球首富。
1月11號：香港終審法院首席法官（中文：香港終審法院首席法官）馬道立卸任，由張舉能接任。
1月13號：美國眾議院表決第二次當勞侵彈劾案，指控總統當勞侵煽動叛亂，係首次有總統喺任內兩度被彈劾。議案最終以232票贊成對197票反對通過，10名共和黨眾議員倒戈支持。議案將提交參議院審理。
1月16號：快意佳士拿汽車同標緻雪鐵龍合併爲Stellantis（荷蘭文：Stellantis）。
1月20號：祖拜登宣誓就任美國總統，成為歷嚟最大年紀同埋繼約翰甘迺迪之後第二位信天主教嘅美國總統。
1月21號：祖拜登宣誓就任美國總統後唔夠半個鐘頭，中華人民共和國外交部宣佈制裁喺涉華問題上嚴重侵犯中國主權、負有主要責任嘅28名前侵政府高層，包括國務卿龐比奧同白宮國家貿易委員會主任納瓦羅等等。
1月22號：《禁止核武器條約（英文：Treaty on the Prohibition of Nuclear Weapons）》生效。
1月23號：香港錄得81宗武漢肺炎確診個案，累積個案破萬，增至10,010宗。
1月26號：意大利總理孔特向總統馬塔雷拉提出辭職。
1月28號：勝安航空全面併入星加坡航空。
2月1號：緬甸軍方話大選有舞弊問題而發動咗政變，扣押咗昂山素姬等政府官員，宣佈喺全國實施一年嘅緊急狀態。
2月13號：德拉吉上任意大利總理。
2月13號：美國參議院以57票有罪對43票無罪結束第二次當勞侵彈劾案。因爲支持票數未過有效票數嘅三分之二，裁定當勞侵無罪。
2月15號：尼日利亞籍嘅伊韋拉當選世界貿易組織總幹事，係該組織首位女總幹事，同埋首位來自非洲大陸嘅總幹事，3月1號上任。
2月18號：美國火星探測器「毅力號」喺火星耶澤羅隕石坑安全着陸，並將首張火星表面嘅影像傳返地球。
2月19號：美國喺退出《巴黎協定》107日之後重返該協定。
3月1號：巴黎刑事法庭判決法國前總統薩爾科齊有期徒刑三年，緩期兩年執行^[1]。
3月5號：莊凌芸事件，莊凌芸死。
3月11號：全國人民代表大會通過《關於完善香港特別行政區選舉制度嘅決定》，有觀點認為香港嘅一國兩制正式玩完。
3月22號：廣州番禺發生咗針對村幹部嘅自殺式襲擊，造成包括襲擊者在內5死5傷。
4月2號：臺灣花蓮火車出軌，49死247傷。
4月5號：馬來西亞上訴庭就馬來西亞前首相納吉阿都拉薩所涉SRC國際公司4200萬令吉案提出嘅上訴舉行聆訊^[2]。同日，由於納吉拖欠近17億令吉所得稅，內陸稅收局向佢發出破產通知書^[3]，納吉直言，隨住接獲破產通知書，佢將失去國會議員資格，以及失去喺全國大選競選嘅資格^[4]。
4月18號：香港西餐廚師石樂蕎嘅遺體喺飛鵝山俗稱「自殺崖」嘅山崖下被發現。
5月1號：2021年塔斯曼尼亞州選舉。
5月23號：一架由雅典飛去維爾紐斯嘅賴恩航空客機畀白俄羅斯軍方強逼降落明斯克機場，而且捉咗機上面嘅白俄羅斯異見人士，導致歐洲聯盟同白俄羅斯關係急速惡化。
5月26號：2021年敘利亞總統選舉，由巴沙爾·阿薩德連任。
6月4號：2021年英國女王因病去世謠言。
6月11號至7月11號：2020年歐洲國家盃喺歐洲11國舉行，決賽意大利足球代表隊喺英倫溫布萊球場以互射十二碼3:2贏東道主英格蘭足球代表隊，繼1968年之後第二度捧盃。
6月13號至7月10號：2021年美洲國家盃（英文：2021 Copa America）喺巴西舉行，決賽阿根廷足球代表隊以1:0贏東道主兼衞冕冠軍巴西足球代表隊，第15度捧盃。
6月20號：港鐵紅磡站新月台啟用。
6月24號：壹傳媒旗下三間公司畀香港政府保安局凍結資產之後，蘋果日報同壹週刊宣佈停刊。
6月24號：邁亞美公寓冧樓事件，98死11傷。
6月27號：港鐵屯馬綫　全綫開通，宋皇臺站、土瓜灣站兩個新車站，同埋位於紅磡站同何文田站嘅新月台一併啟用。
6月28號：香港迎來當年首次黑色暴雨，多區交通受阻。
6月28號至7月11號：2021年溫布頓網球公開賽（英文：2021 Wimbledon Championships），祖高域同艾殊莉芭迪分別攞男女子單打冠軍。其中祖高域贏到個人第20項網球大滿貫賽事單打冠軍，追平費達拿同拿度嘅紀錄，亦係佢嘅歷嚟第6個同連續第3個溫布頓單打冠軍。
7月起：2021年中西歐大水。
7月1號：慶祝中國共產黨成立100週年大會（中文：庆祝中国共产党成立100周年大会）喺北京天安門廣場舉行。
7月1號：香港銅鑼灣刺警案，刺客自殘而死。
7月7號：2021年海地總統遇刺（法文：Assassinat de Jovenel Moïse），最少28名鎗手半夜攻入時任海地總統嘅住所，總統身中12鎗31道傷口當場死亡。
7月17號起：2021年河南大水。
7月23號至8月8號：2020年夏季奧林匹克運動會喺日本東京舉行，美國喺獎牌榜以39金、41銀、33銅排第一。
7月30號：頭一單涉及香港國家安全法嘅唐英傑案，被告唐英傑被控「煽動他人分裂國家罪」同「恐怖活動罪」罪名成立，判監9年。
8月1號：香港嘅股票印花稅率由0.1%上調至0.13%。
8月14號：加勒比島國海地發生黎克特制7.2級地震。
8月15號：塔利班攻陷阿富汗首都喀布爾，阿富汗總統艾哈邁德扎伊逃離喀布爾。
8月16號：馬來西亞首相慕尤丁辭職，獲元首委任爲過渡首相。
8月24號至9月5號：2020年夏季傷殘奧林匹克運動會（英文：2020 Summer Paralympics）喺日本東京舉行，中華人民共和國喺獎牌榜以96金、60銀、51銅排第一。
9月1號：香港公開大學改名為香港都會大學。
9月3號：北京證券交易所（中文：北京證券交易所）註冊成立，同年11月15號正式開市。
9月10號：配合《香港國家安全法》而安排嘅香港區議員宣誓正式展開。
9月12號：第7屆澳門立法會選舉。
9月12號：2021年度香港小姐競選決賽，由宋宛穎攞冠軍。
9月15號至9月27號：中華人民共和國第十四屆全國運動會喺陝西舉行。
9月15號：澳洲、英國同美國聯合宣佈成立軍事安全合作夥伴聯盟AUKUS（英文：AUKUS），英國同美國會幫澳洲起一支核潛艇艦隊。澳洲亦宣佈取消向法國買潛艇嘅合約；法國喺兩日後分別召回駐澳洲同駐美國大使。
9月18號：《培生擂台：無敵盃》喺香港九龍灣國際展貿中心匯星搞，由鍾培生以大熱姿態打贏咗。
9月25號：香港水警（中文：水警總區）林婉儀墮海案，1死。
9月26號：第20屆德國聯邦國會選舉。
9月29號：2021年自由民主黨總裁選舉，由岸田文雄當選。
10月1號：2020年世界博覽會（英文：Expo 2020）喺阿拉伯聯合酋長國杜拜開幕，會期至2022年3月31號。
10月2號：第1屆卡塔爾國會選舉。
10月4號：岸田文雄上任日本首相。
10月5號：Windows 11推出。
10月6號：香港特別行政區行政長官林鄭月娥發表第五份施政報告，主題係「齊心同行開創未來」。
10月9號：伊斯蘭國分支喺阿富汗北部一間清真寺發動自殺式炸彈襲擊，造成最少55死90傷。
10月11號：2021年河北大巴墜河事故（中文：2021年河北大巴坠河事故），14死。
10月12號：香港一名48歲姓韋的士司機喺西環畀搭客用利器鎅頸而死。
10月13號：挪威孔斯貝格襲擊（書面挪威文：Massedrapet på Kongsberg），5死3傷。
10月14號：2021年高雄城中城大樓火災（中文：2021年高雄城中城大樓火災），46死41傷。
10月14號：意大利航空中止營運。
10月15號：意大利航空嘅營運同資產轉移去ITA航空（意大利文：ITA Airways）。
10月15號：英國保守黨嘅下議院議員顏敏時被刺殺（英文：Killing of David Amess），25歲疑兇被捕。
10月16號：神舟十三號搭載三名航天員喺酒泉衛星發射中心發射升空，展開爲期半年嘅任務。
10月23號：臺灣陳柏惟罷免案投票，陳柏惟被罷免。
10月25號：蘇丹軍方發動政變，拉咗過渡政府總理阿卜杜拉·咸都，並鎮壓反政變示威。
10月26號：日本真子公主同大學同學小室圭結婚，脫離日本皇室。
10月26號：默克爾卸任德國總理，但係會繼續以總理身份領導看守政府直至12月8號新總理就任。
10月30號到10月31號：2021年二十國集團羅馬峰會（英文：2021 G20 Rome summit）喺意大利羅馬舉行。
10月31號：第49屆日本眾議院議員總選舉。
10月31號：東京地鐵京王線一列特快列車上面有人攞刀襲擊搭客同縱火，最少17傷。24歲嘅疑犯服部恭太案發時打扮成《蝙蝠俠》嘅反派角色小丑噉樣，被捕時冇反抗。
11月15號：北京證券交易所（中文：北京證券交易所）正式開市，頭一批上市公司一共81間，全日成交額95.73億緡人民幣。
11月18號：香港小濠灣污水處理廠有4名工人被困沙井，其中一名女工送院後不治，其餘3名傷者有一個係女工嘅老公。
11月18號：香港大埔公路大圍段有巴士翻側，1死11傷。58歲巴士司機涉嫌危險駕駛導致他人死亡被捕。
12月17號：堂島北大廈火燭，27死1傷。
12月19號：第7屆香港立法會選舉。
12月19號：香港免費乘車日。

響呢年出世嘅人

響呢年死嘅人

内文：2021年死

節慶、風俗習慣

↑〈贪腐以权谋私罪成法国前总统萨尔科齐坐牢 - 国际新闻带你看世界 - 星洲网 Sin Chew Daily〉。amp.sinchew.com.my。原著喺2021-04-23歸檔。喺2021-06-09搵到。
↑〈纳吉SRC案上诉今聆审国内〉。《東方網馬來西亞東方日報》 (簡體中文)。喺2021-04-12搵到。
↑〈纳吉证实收到破产通知书国内〉。《東方網馬來西亞東方日報》 (簡體中文)。喺2021-04-12搵到。
↑〈【接获破产通知书】纳吉将面对4个结果国内〉。《東方網馬來西亞東方日報》 (簡體中文)。喺2021-04-12搵到。

由「https://zh-yue.wikipedia.org/w/index.php?title=2021年&oldid=2244063」收

2021年

屬於1隱類：

CS1簡體中文語言來源 (zh-hans)

[8]ページ先頭

©2009-2026 Movatter.jp