Movatterモバイル変換

2020年

出自維基百科，自由嘅百科全書

世紀：	20世紀21世紀22世紀
年代：	1990年代 2000年代 2010年代2020年代2030年代 2040年代 2050年代
年：	2015年 2016年 2017年 2018年 2019年2020年2021年 2022年 2023年 2024年 2025年
干支年：	1月1號到1月24號係己亥年（豬年） 1月25號開始係庚子年（鼠年）
年號：	民國一百九年

2020年係閏年，元旦係禮拜三。

其他紀年

下面係維基百科有關年份紀年嘅凡例說明。

凡例

紀年分類中嘅「中國」、「中國週邊」、「越南」、「朝鮮半島」、「日本」等，係地域概念，唔係特指某個國家或者政權，所以會有模糊嘅外延。喺呢啲地域概念之下會分項列出喺呢個地域內嘅各政權同各種紀年，包括年號、以及同創立呢個年號嘅王朝對抗嘅私年號。

「中國週邊」係指廣義上嘅北亞、中亞、以及同中國接壤嘅部分地域，大約相當於亞歐大陸中央地區。

農曆、佛曆、回曆、猶太曆有自己嘅曆法，佢哋嘅新年同西曆唔重合。所以西曆年份唔完全就係呢幾種曆嘅年份。

傳統上東亞地區嘅年號用嘅係農曆，所以年號對應嘅西曆年份係指當年農曆新年過後嘅時期，未過年嘅時期算做呢個年號紀年嘅上一年。

皇紀係日本喺1873年採用西曆嘅同時施行嘅。

檀紀係大韓民國喺1948年到1961年間正式使用嘅。

主體曆係朝鮮民主主義人民共和國自1997年開始正式使用嘅。

佛曆係以西元前543年做元年，呢個係泰國、柬埔寨、老撾佛曆嘅標準。另有斯里蘭卡、緬甸佛曆，佢以西元前544年做元年，喺泰柬老佛曆度加多一年就係。

中國
- 中華民國：民國一百零九年
朝鮮半島
- 北朝鮮：主體一百零九年
- 南韓：檀紀4353年
日本
- 皇紀：2680年
- 令和二年

大件事

1月1號：克羅地亞做歐盟理事會主席國。
1月1號：德國北萊茵－西法倫一個動物園火燭，卅幾隻動物被監生燒死，得兩隻黑猩猩生還。
1月2號：臺灣軍方一架載住13人嘅黑鷹直升機喺新北市山區墜毀，包括參謀總長沈一鳴等8死，5人生還。
1月2號：美國股市三項主要指數喺2020年第一個交易日都創即市同收市新高：道瓊斯工業平均指數高見28,872.80點，收市報28,868.80點；標準普爾500指數高見3,258.14點，收市報3,257.85點；納斯達克綜合指數高見9,093.43點，收市報9,092.19點。
1月3號：美軍向伊拉克首都巴格達機場發動空襲，伊朗革命衞隊聖城旅指揮官卡西姆·蘇萊曼尼在內最少7人死。
1月4號：中華人民共和國國務院免去香港中聯辦主任王志民（中文：王志民 (1957年)）職務，由駱惠寧接任。
1月5號：珠江口發生地震。
1月5號：第77屆金球獎頒獎典禮喺美國洛杉磯比華利山比華利希爾頓酒店舉行。
1月8號：伊朗革命衞隊向美軍駐伊拉克基地發射十幾枚彈道導彈，報復指揮官蘇萊曼尼被暗殺。
1月8號：烏克蘭國際航空一客機由伊朗德黑蘭飛去烏克蘭基輔期間被擊落（英文：Ukraine International Airlines Flight 752），機上176人咸不剌死晒。
1月11號：2020年中華民國總統副總統同立法委員選舉，包括第15屆中華民國總統選舉同‎2020年中華民國立法委員選舉。
1月21號：武漢肺炎美國疫情開始爆發。
1月24號：為應對武漢肺炎嘅擴散，中華人民共和國湖北省內包括省會武漢市等十幾個城市實施「封城」措施。
1月24號：土耳其艾拉齊省發生地震，最少22死千幾人傷。
1月25號：NBA常規賽，洛杉磯湖人隊作客以91比108不敵費城76人隊，湖人隊球員勒邦占士攞29分，NBA生涯累積得分達到33,655分，超越高比拜仁成為史上得分第三，巧合嘅係費城正正就係高比拜仁嘅出生地，而唔夠一日高比拜仁就死於空難。
1月27號：中國國務院總理、應對肺炎疫情工作領導小組組長李克強親自前往湖北省武漢市，考察指導武漢肺炎嘅防控工作。
1月31號：英國正式退出歐盟，英歐關係進入11個月長嘅過渡期。
2月1號：一名44歲武漢男人因武漢肺炎喺菲律賓死，成為該病喺中國境外頭一單死亡病例。
2月8號：泰國一名軍人喺呵叻一個軍營同一間商場亂槍掃射，最少29死，約莫60傷。槍手喺第二日朝早俾警察開槍打死。
2月14號：香港港鐵屯馬綫一期通車，係本來嘅馬鞍山綫再加埋新開通嘅沙中綫大圍到啟德站一段。
2月19號：韓國前總統李明博被二審判處有期徒刑17年，當庭收押^[1]，六日後保釋。
2月24號：馬來西亞首相馬哈迪辭職^[2]。
3月1號：慕尤丁上任馬來西亞首相。
3月11號：武漢肺炎疫情爆發多個月後，世界衛生組織終於宣佈當時狀況可以定性為「全球大流行」（pandemic），係世界衛生組織之前一直極力避免用嘅講法。
4月20號：紐約5月原油期貨臨近結算，價格破天荒跌至負數，即市跌過落負40.32美元，收市報每桶負37.63美元。
5月4號：日本人喺靖國神社揚言「殺死所有中國武漢人」。
5月15號：中華人民共和國吉林省舒蘭市出現武漢肺炎疫情，舒蘭市委書記李鵬飛被免職。同日香港政治人物李鵬飛過身。堪稱叫李鵬飛嘅人最衰運嘅一日。
5月22號：全國人大宣佈開始審議香港國安法，有人批評疑似打壓人權。
5月25號：美國白人警員德里克·沙文（Derek Chauvin）喺明尼亞波利斯想逮捕黑人佐治弗萊嘅時候，單膝跪喺佐治弗萊頸處8分鐘46秒，佐治弗萊當場窒息而死。
5月28號：第十三屆全國人民代表大會第三次會議（中文：第十三届全国人民代表大会第三次会议）以2,878贊成、1票反對、6票棄權通過《全國人民代表大會關於建立健全香港特別行政區維護國家安全的法律制度和執行機制的決定草案》。
6月6號：高雄市市長韓國瑜被罷免，成為中華民國史上第一個被罷免嘅公職人員同直轄市首長。
6月10號：納斯達克綜合指數收市首次突破10,000點，報10,020.35點，即市高見10,086.89點。
6月16號：北韓喺當地時間下晝2點49分炸毀位於離南韓邊境唔夠5公里嘅開城工業地區嘅兩韓聯絡辦公室。
6月23號：星加坡總統哈莉瑪喺星加坡總理李顯龍建議下解散國會，頒佈選舉令。
6月25號：2019年至2020年英格蘭超級足球聯賽第31輪，曼城以1-2輸畀車路士，令利物浦提前七輪聯賽封王，係利物浦首座英格蘭超級足球聯賽（英超）冠軍，亦係時隔30年再奪頂級聯賽冠軍，而提前七輪聯賽奪冠亦係英超史上最快奪冠紀錄。
7月7號：美國國務院官員證實華府決定退出世界衞生組織，已經知會國會同聯合國，第二年7月生效。
7月7號：巴西總統波索拿諾證實自己2019年冠狀病毒病測試呈陽性。
7月24號：美國要求中國關閉駐侯斯頓總領事館（中文：中国驻休斯敦总领事馆）嘅限期屆滿，中方人員撤離。美方人員無視《維也納領事關係公約（英文：Vienna Convention on Consular Relations）》同《中美領事條約》，強行爆入總領館館舍。
7月25號：日本散貨船若潮號途經毛厘士大港區外海時觸礁漏油，其後毛厘士政府宣佈進入環境緊急狀態。
7月27號：中國要求美國關閉駐成都總領事館（英文：Consulate General of the United States, Chengdu）嘅限期屆滿，美方人員撤離。
7月28號：香港大學校務委員會通過即時解僱因佔中案判囚16個月嘅法律學院副教授戴耀廷。
7月28號：馬來西亞前首相納吉阿都拉薩涉及一馬醜聞嘅SRC洗黑錢案嘅7項指罪全部成立，被判坐監12年同罰款2億1000萬令吉^[3]。
7月30號：12名第7屆香港立法會選舉參選人畀選舉主任取消資格。
7月30號：美國火星探測器「毅力號」發射。
7月31號：香港特別行政區行政長官林鄭月娥宣佈，因爲武漢肺炎香港疫情肆虐影響公眾安全，所以引用《香港法例》第241章《緊急情況規例條例》訂立附屬法例第241L章《緊急情況（換屆選舉日期）（第七屆立法會）規例》，將原訂喺9月6號舉行嘅第7屆香港立法會選舉褪遲一年至2021年9月5號舉行。
8月3號：有50年歷史嘅赫特河省公國亡國，係2020年頭一個因為武漢肺炎疫情而滅亡嘅國^[4]。
8月4號：黎巴嫩首都貝魯特貝魯特港一個貨倉挨晚發生大爆炸。黎巴嫩政府話可能係有成三千噸易爆嘢冇跟安全守則亂咁擺。
8月7號：美國財政部公佈咗制裁11名損害香港自治嘅中港官員名單，包括咗特首林鄭月娥等人，華盛頓政府指呢班官員損害咗香港嘅自治重有香港人表達、集會嘅自由。
8月9號：2020年白俄羅斯總統選舉，由盧卡申科連任。
8月10號：香港警務處國家安全處以涉嫌觸犯《香港國安法》等罪名，向壹傳媒創辦人黎智英等人展開拘捕同搜查行動。
9月14號：馬來西亞前首相納吉阿都拉薩登上馬來西亞反貪污委員會嘅貪污罪犯資料名單，成為馬來西亞首名上榜嘅前首相，以及該貪污罪犯名單中嘅最高前公職人員^[5]。
10月1號：日本東京證券交易所因爲系統故障，全日停止所有股票交易。
10月2號：香港將軍澳隧道收費廣場去將軍澳方向巴士轉乘站啟用，有25條巴士線途經該站。
10月2號：美國總統當勞侵同第一夫人美蘭妮亞侵證實武漢肺炎病毒測試呈陽性。
10月4號：2020年新喀里多尼亞獨立公投（法文：Référendum de 2020 sur l'indépendance de la Nouvelle-Calédonie），53.26%唔同意新喀里多尼亞由法國獨立。
10月21號：香港國泰航空喺武漢肺炎疫情嚴重打擊下宣佈重組，旗下35年歷史嘅國泰港龍航空即日起停運，並會喺幾星期內裁減5,300名香港員工同600名非駐香港員工。
10月24號：中國企業家馬雲喺上海舉行嘅《2020第二屆外灘金融峯會》演講^[6]。
10月29號：韓國最高法院進行終審宣判，維持二審判決結果，判處前總統李明博17年有期徒刑^[7]。
11月3號：第59屆美國總統選舉，由祖拜登當選。2020年美國參議院選舉、2020年加利福尼亞州參議員選舉等各級選舉亦同步舉行。
11月9號：秘魯國會通過對總統維茲卡拉嘅彈劾，維茲卡拉被免職。
11月11號：香港政府宣佈香港立法會議員楊岳橋、郭家麒、郭榮鏗同梁繼昌即時喪失議員資格。
11月24號：道瓊斯工業平均指數首次突破30,000點，當日收報30,046.24點。
12月1號：香港免費電視廣播全面數碼化，5條模擬頻道終止廣播。
12月27號：香港屯門-赤鱲角隧道通車，屯門至赤鱲角連接路全綫通車。

響呢年出世嘅人

響呢年死嘅人

内文：2020年死

節慶、風俗習慣

參考資料

↑〈南韩前总统李明博涉贪受贿二审判刑17年 – 法国国际广播电台 - RFI〉。《RFI - 法国国际广播电台》 (簡體中文)。2020-02-19。喺2021-05-13搵到。
↑CNN, Helen Regan and Ushar Daniele."Malaysia's Mahathir Mohamad resigns as Prime Minister".CNN. 喺2021-06-04搵到.
↑〈马来西亚前总理纳吉布被判12年其人其案四个看点〉。《BBC News 中文》 (簡體中文)。喺2021-04-11搵到。
↑"Australia's oldest micronation, Hutt River is no more thanks to Covid-19".CNN Travel.
↑〈反贪会"贪污罪犯名单"· 纳吉成首位登榜前首相〉。www.sinchew.com.my。喺2021-03-27搵到。
↑〈新浪直播间〉。 2:51:52-3:13:24
↑〈韓前總統李明博涉貪終囚17年｜蘋果新聞網｜蘋果日報〉。《蘋果新聞網》 (臺灣中文)。原著喺2021-08-26歸檔。喺2021-06-27搵到。

由「https://zh-yue.wikipedia.org/w/index.php?title=2020年&oldid=2323122」收

2020年

屬於3隱類：

[8]ページ先頭

©2009-2025 Movatter.jp