Movatterモバイル変換

2005年

出自維基百科，自由嘅百科全書

世紀：	20世紀21世紀22世紀
年代：	1970年代 1980年代 1990年代2000年代2010年代 2020年代 2030年代
年：	2000年 2001年 2002年 2003年 2004年2005年2006年 2007年 2008年 2009年 2010年
干支年：	1月1號到2月8號係甲申年（猴年） 2月9號開始係乙酉年（雞年）
年號：	民國九十四年

2005年係平年，元旦係禮拜六。2005年又係：

世界物理年
國際體育運動年
愛因斯坦年（德國），紀念相對論誕生100週年同愛因斯坦逝世50週年
安徒生年（丹麥）

其他紀年

下面係維基百科有關年份紀年嘅凡例說明。

凡例

紀年分類中嘅「中國」、「中國週邊」、「越南」、「朝鮮半島」、「日本」等，係地域概念，唔係特指某個國家或者政權，所以會有模糊嘅外延。喺呢啲地域概念之下會分項列出喺呢個地域內嘅各政權同各種紀年，包括年號、以及同創立呢個年號嘅王朝對抗嘅私年號。

「中國週邊」係指廣義上嘅北亞、中亞、以及同中國接壤嘅部分地域，大約相當於亞歐大陸中央地區。

農曆、佛曆、回曆、猶太曆有自己嘅曆法，佢哋嘅新年同西曆唔重合。所以西曆年份唔完全就係呢幾種曆嘅年份。

傳統上東亞地區嘅年號用嘅係農曆，所以年號對應嘅西曆年份係指當年農曆新年過後嘅時期，未過年嘅時期算做呢個年號紀年嘅上一年。

皇紀係日本喺1873年採用西曆嘅同時施行嘅。

檀紀係大韓民國喺1948年到1961年間正式使用嘅。

主體曆係朝鮮民主主義人民共和國自1997年開始正式使用嘅。

佛曆係以西元前543年做元年，呢個係泰國、柬埔寨、老撾佛曆嘅標準。另有斯里蘭卡、緬甸佛曆，佢以西元前544年做元年，喺泰柬老佛曆度加多一年就係。

中國
- 中華民國：民國九十四年
朝鮮半島
- 北朝鮮：主體九十四年
- 南韓：檀紀4338年
日本
- 平成十七年
- 皇紀：2665年
佛曆：2547年閏9月6號~2548年10月1號
回曆：1425年11月20號~1426年11月30號
猶太曆：5765年4月20號~5766年3月30號
UNIX時間：1104537600 - 1136073599
修正儒略日（MJD）：53371 - 53735

大事記

1月

1月1號：土耳其出新貨幣新土耳其里拉。
1月3號：伊拉克暴力事件持續，巴格達省省長阿里·海德里（Alial-Haidri）遭暗殺。
1月6號：2005年國際消費電子展喺美國拉斯維加斯舉行。
1月6號：中國人口達到13億。
1月9號：巴勒斯坦民族解放運動（法塔赫）提名嘅候選人阿巴斯宣佈贏咗巴勒斯坦大選，當選巴勒斯坦民族權力機構主席。
1月10號：烏克蘭中央選舉委員會宣佈，反對派總統候選人尤先科喺總統選舉第二輪重新投票中勝出，當選烏克蘭總統。
1月12號：歐洲議會通過歐盟憲法。
1月13號：英國哈里王子一張着住納粹軍裝出席一場派對嘅相被公開，引起英國公眾同埋國際社會譁然。
1月14號：惠更斯號進入土衛六大氣層。
1月16號：一名66歲羅馬尼亞婦女生咗一個女，成為世界最高齡產婦。

空中巴士 A380喺法國面世。

1月18號：全球最大客機空中巴士 A380喺法國面世。
1月18號：澳洲工黨阿頭馬克·萊瑟姆（Mark Latham）宣佈辭職，同時唔再擔任眾議員職務。
1月19號：漢城中文名改為首爾。
1月20號：格林納達同中華人民共和國復交。
1月20號：喬治布殊宣誓就任美國總統。
1月20號：愛爾蘭共和國改道路限速標誌，將原本以英里每小時嘅單位全部改為公里每小時。
1月21號：伯利茲騷亂喺首都貝爾莫潘演變成暴動。
1月23號：尤先科宣誓就任烏克蘭總統。
1月25號：印度一場宗教活動發生人踩人事件，至少215人死。
1月26號：駐伊拉克美軍一架直升機喺伊拉克東部地區墜毀，造成至少31名美軍士兵死亡。
1月26號：康多莉紮·賴斯宣誓就任喬治布殊新內閣嘅國務卿。
1月30號：伊拉克舉行推翻薩達姆政權以嚟首次全國大選。

2月

2月1號：尼泊爾國王賈南德拉突然解除首相職務，並建立以自己為首嘅新內閣。聯合國秘書長戈菲安南促請尼泊爾盡快恢復民主自由。
2月9號：朝鮮中央通訊社首次承認朝鮮擁有核武器，並聲稱無限期推遲六方會談。
2月13號：伊拉克佔大多數嘅什葉派宣稱喺選舉中獲勝。

京都議定書試圖減少全球溫室氣體排放。

2月16號：限制全球溫室氣體排放量嘅「京都議定書」經過近8年爭拗之後，終於得到120幾國確認正式生效。
2月17號：美國總統喬治布殊提名美駐伊拉克大使約翰·內格羅蓬特擔任首任美國國家情報局局長。
2月20號：西班牙以絕對多數贊成票通過歐盟憲法。
2月26號：日本自行研製嘅H-IIA運載火箭載住一個多功能衛星喺鹿兒島縣種子島宇宙中心發射升空。
2月27號：《煙草控制框架公約》喺最早批准該條約嘅40國生效。
2月28號：第77屆奧斯卡金像獎頒獎典禮喺洛杉磯舉行。

3月

3月3號：美國冒險家史蒂夫·福塞特駕駛試驗性嘅「環球飛行者」號噴氣式飛機完成世界上第一次一個人揸飛機完成無間斷環球飛行。
3月8號：由於受到海牙國際刑事法庭的起訴，科索沃總理拉穆什・哈拉迪納伊宣佈辭職。
3月9號：泰國總理丘達新喺國會下議院舉行嘅總理推選選舉中當選下屆總理。
3月10號：香港特別行政區行政長官董建華喺香港時間下晝五點半發表電視講話，表示自己因身體問題正式宣佈辭職，行政長官職位由曾蔭權代理，為期最長六個月。
3月10號：馬德里反恐國際峰會發表「馬德里日程」反恐計劃，提出全球反恐計劃同埋政治建議。
3月13號：中華人民共和國全國人民代表大會公告（第1號）胡錦濤當選中華人民共和國中央軍事委員會主席。
3月14號：中華人民共和國第十屆全國人民代表大會第三次會議以2896票贊成，0票反對，2票棄權的懸殊比例通過備受關注嘅《反分裂國家法》。
3月14號：旨在資助最唔發達國家互聯網發展嘅世界數碼團結基金喺日內瓦正式啟動。
3月15號：中國、菲律賓同埋越南喺菲律賓首都馬尼拉正式簽署《在南中國海協定區三方聯合海洋地震工作協定》。
3月16號：日本島根縣議會表決通過《竹島日條例》提案，正式將2月22號定為「竹島日」。
3月17號：澳洲中場球員、目前效力英超愛華頓嘅添·卡希爾當選大洋洲足球先生。
3月17號：水木清華BBS等中國大陸BBS開始依照有關方面嘅指示更改服務對象範圍，將由開放型轉為校內型，限制校外IP訪問。
3月23號：澳洲加入亞洲足球協會。
3月25號：吉爾吉斯議會任命反對派領導人巴基耶夫做代總統兼代總理。
3月25號：2005年日本國際博覽會喺愛知縣舉行。
3月26號：臺灣近百萬人聚集臺北市，舉行三二六護台灣大遊行，抗議中華人民共和國通過《反分裂國家法》。

4月

4月3號：阿卡耶夫喺莫斯科簽署關於辭去吉爾吉斯總統職務嘅文件。
4月4號：2005年台灣團結聯盟參拜靖國神社事件，引起爭議。
4月8號：教宗若望保祿二世舉行葬禮，多國元首、政要及眾多信徒參與，其中包括中華民國（台灣）總統陳水扁。
4月9號：當時係英國王儲嘅查理斯三世同卡米拉結婚。
4月13號：IBM 同國家地理聯合啟動人類基因資料庫工程。
4月16號：首屆亞洲足協女子 17 歲以下錦標賽喺南韓慶尚南道南海郡舉行，至4月27號。
4月18號：Adobe系統公司用 34 億美金收購Macromedia 公司。
4月19號：梵蒂岡西斯庭小教堂煙囪冒出白煙，隨後響起鐘聲，證實新教宗已經被選出。新教宗係德國籍嘅約瑟夫·拉辛格，聖號係本篤十六世。
4月19號：聯合國機構宣佈，印度已經取代南非，成為愛滋病感染人數最多嘅國。
4月20號：巴西發表公報宣佈，當日被炒嘅厄瓜多爾總統盧西奧·古鐵雷斯目前喺在巴西駐基多大使館避難。
4月25號：日本JR福知山線出軌事故
4月26號：中國國民黨展開2005年中國國民黨和平之旅。
4月29號：蘋果電腦公司推出新版作業系統Mac OS X v10.4 Tiger

5月

5月5號：2005年英國大選
5月5號：臺灣親民黨展開2005年親民黨搭橋之旅
5月9號：俄羅斯舉行儀式，紀念第二次世界大戰暨衛國戰爭勝利六十周年。
5月12號：烏茲別克東部大城安集延，爆發大規模民眾聚集及劫獄事件。
5月14號：中華民國（臺灣）同瑙魯建交。
5月18號：臺灣台中市爆發毒蠻牛事件，造成一死三傷。
5月22號：第4屆蒙古國總統選舉，由那木巴爾當選。
5月25號：利物浦喺6分鐘內連入三球追和AC米蘭，最後憑互射十二碼奇蹟反勝攞到歐洲聯賽冠軍盃。
5月29號：法國舉行歐憲公投，結果反對票佔54.87%，成為首個否決歐盟憲法嘅歐盟國家。
5月31號：美國水門事件嘅深喉身分曝光，證實係當時嘅聯邦調查局副局長馬克·費爾特。

6月

6月1號：繼法國之後，荷蘭亦以 61.6% 嘅反對票，否決歐盟憲法。
6月2號：拉脫維亞國會以 71 票贊成、5 票反對、6 票棄權，通過歐盟憲法。
6月6號：蘋果電腦公司宣佈 Macintosh 系列電腦將改用英特爾處理器。
6月7號：中華民國（臺灣）國民大會複決通過修憲案，廢除國民大會，國民大會正式走入歷史。
6月9號：Google超越時代華納，成為全球最有價值嘅媒體公司。
6月15號：曾蔭權當選新任香港特別行政區行政長官。
6月17號：中華民國（臺灣）最高法院駁回中國國民黨所提出嘅2004年台灣總統大選陳水扁、呂秀蓮當選無效訴訟。
6月20號：越南總理潘文凱展開歷史性訪美行程。
6月25號：2005年伊朗總統選舉第二輪投票結果揭曉，由極端保守派嘅前德黑蘭市市長艾哈邁迪內賈德當選。
6月30號：中華人民共和國國務院根據香港特別行政區行政長官曾蔭權提名，任命許仕仁為政務司司長。

7月

7月1號：香港回歸八週年，民間人權陣線第三次舉行七一遊行，人數大幅減至21000人。
7月1號：西班牙國會通過同性婚姻合法化法案，成為第三個承認同性婚姻合法嘅國家。
7月4號：NASA發射嘅人類第一個同彗星直接接觸嘅深度撞擊號撞擊器成功撞擊坦普爾1號彗星。
7月6號：倫敦獲得2012年夏季奧林匹克運動會舉辦權。

倫敦遭到連環炸彈爆炸恐怖攻擊，啲人被困喺地鐵嘅情景。

7月7號：倫敦遭到連環炸彈爆炸恐怖攻擊，造成嚴重死傷。
7月8號：國際奧委會會議通過，批准香港協辦2008年夏季奧林匹克運動會馬術項目。
7月10號：盧森堡舉行歐憲公投，結果以56.52%嘅贊成票通過歐盟憲法。
7月18號：颱風海棠侵襲臺灣，造成幾十人死，多處水浸同交通中斷。
7月19號：加拿大成為繼荷蘭、比利時、西班牙之後第四個承認同性婚姻完全合法嘅國家。
7月21號：中國解除人民幣同美金嘅聯繫匯率。
7月22號：微軟公佈開發緊，原代號Longhorn嘅下一代Windows作業系統，正式命名為Windows Vista。
7月23號：埃及紅海度假勝地沙姆沙伊赫發生連環炸彈襲擊，幾百人死傷。
7月24號：2005年環法單車賽結束，美國車手蘭斯岩士唐獲得破紀錄的七連霸之後宣佈退休。
7月25號：喺中國四川省爆發嘅不明怪病，證實係豬鏈球菌所造成嘅「人－豬鏈球菌感染」。
7月26號：美國發現號太空穿梭機喺甘迺迪航太中心發射升空。
7月28號：愛爾蘭共和軍發表正式聲明，將以民主和平嘅方式，結束同英國長達30年嘅武裝衝突。
7月28號：中國新嘅國家歌舞團——中國東方歌舞團，整合咗中國歌舞團同埋東方歌舞團，正式掛牌成立。
7月29號：印度孟買同佢週邊地區豪雨成災，造成超過800人死。
7月30號：蘇丹第一副總統兼南方政府主席約翰·加朗由烏干達首都坎帕拉返蘇丹南部途中，佢坐嘅直升機喺蘇丹南部一個山坡墜毀，佢同6名隨行人員、7名機組人員全部遇難。

8月

8月1號：沙地阿剌伯國王法赫德·本·阿卜杜勒-阿齊茲因病逝世，佢細佬阿卜杜拉·本·阿卜杜勒-阿齊茲親王繼承王位。
8月1號：香港地鐵迪士尼綫　（Disneyland）通車。
8月2號：中國第21個返回式科學與技術試驗衛星發射升空。
8月3號：西非國家毛里塔尼亞軍人發動軍事政變，控制咗首都努瓦克肖特嘅重要部門，取代已執政21年的塔亞政權。
8月3號：法國航空358號班機喺多倫多國際機場因天氣惡劣墬毀，機上309人全部生還。
8月4號：俄羅斯海軍一艘潛艇進行例行訓練期間因推進器俾魚網纏住，被困喺堪察加半島附近海域190米深嘅海底。
8月5號：日本參議院通過台灣觀光客免簽證特別條例法案，將自愛知國際博覽會結束後第二日（9月26號）起正式生效。
8月6號：中度颱風馬莎掃過台灣北部後，登陸中國浙江省。
8月6號：日本廣島市舉行原子彈爆炸60週年紀念儀式。
8月7號：六方會談第四輪第一階段會議宣佈休會。
8月7號：中國廣東省梅州市大興煤礦發生特大滲水事故，124人遇難。
8月8號：日本參議院否決郵政民營化法案，首相小泉純一郎宣佈解散眾議院。眾議院改選將會喺9月11號舉行。
8月9號：美國發現號太空穿梭機安全返到地球，成功完成STS-114任務。
8月9號：日本長崎市舉行原子彈爆炸60週年紀念儀式。
8月9號：程及畫展喺中國美術館隆重開幕。
8月11號：巴基斯坦試射可以攜帶核彈頭嘅巡航導彈。
8月14號：民主太平洋聯盟喺台灣臺北市圓山飯店成立。
8月14號：塞浦路斯太陽神航空522號班機喺雅典附近撞山墬毀，121人罹難。
8月15號：以色列軍隊及移民開始撤出加沙地帶，結束長達38年統治。
8月15號：印尼政府同亞齊分離運動組織「自由亞齊運動」喺芬蘭赫爾辛基簽署和平協議。
8月15號：全球紀念世界反法西斯戰爭勝利60周年。
8月16號：日本宮城縣外海發生黎克特制7.2級強烈地震，幾十人傷。
8月16號：一架哥倫比亞客機喺委內瑞拉邊遠嘅西部地區墜毀，機上160人全數罹難。
8月19號：馬英九接任中國國民黨主席。
8月20號：香港八二零雨災
8月26號：土庫曼宣佈計劃放棄獨聯體正式成員資格。
8月28號：福州市民56歲嘅鄭振通同65歲嘅高其光19時30分喺福建省游泳跳水館舉行嘅靜浮記錄挑戰賽中，同時創造咗11個鐘個人水中直立靜漂健力士世界紀錄。
8月29號：中國第21個返回式科學與技術試驗衛星按計劃喺太空運行27日後，喺四川中部安全著陸。
8月29號：颶風卡特里娜侵襲美國路易斯安那州、密西西比州，新奧爾良八成被浸喺水度，造成重大經濟損失。
8月30號：紐約原油價格衝上每桶 70.85美元歷史新高。
8月31號：伊拉克首都巴格達喺舉行宗教儀式嗰陣，謠傳有自殺式襲擊發生，喺底格裏斯河上一條橋嘅民眾爭相走避而發生人踩人慘劇，造成965人死、475人受傷。
8月31號：德國懸賞全力搜捕91歲臭名昭彰嘅納粹軍醫阿利伯特·赫伊姆。

9月

遭受颶風卡特里娜吹襲後俾湖水淹沒嘅新奧爾良。

9月1號：喺遭受颶風卡特里娜重創後，新奧爾良市長宣佈「棄城」，居民將全部撤出。
9月3號：北京舉行儀式，紀念中國抗日戰爭勝利60周年。上午九時，中國黨政軍領導人喺天安門廣場向人民英雄紀念碑致送花籃；其後喺人民大會堂舉行抗戰勝利紀念大會，中共中央總書記、國家主席胡錦濤發表重要講話。
9月11號：2005年日本大選投票，自民黨囊括過半數嘅296席，聯合執政嘅公明黨亦取得31席，首相小泉純一郎成功連任。
9月12號：香港迪士尼樂園開幕。
9月12號：eBay決定以13億美元現金加13億美元股權再加有條件嘅未來15億美元方式收購Skype。
9月13號：朝鮮半島核危機第四輪六方會談喺中國北京重開。
9月25號：2005年澳門立法會選舉投票日。
9月25號：2005年日本國際博覽會閉幕。
9月27號：埃及總統穆巴拉克正式宣誓就任新一屆總統，任期六年。
9月30號：日本大阪高等法院就臺灣原住民控告日本首相小泉純一郎參拜靖國神社訴訟案作出二審判決，認定小泉參拜“相當於規定政教分離嘅憲法所禁止嘅宗教活動”，屬於公職行為，違反憲法。

10月

10月1號︰印度尼西亞旅遊勝地峇里島南部庫塔和金巴蘭海灘發生連環自殺式襲擊，至少25人死亡。
10月7號：南京長江三橋通車。
10月8號：巴基斯坦北部發生黎克特制7.6級地震，至少2.5萬人喺地震中罹難。
10月11號：中共第十六屆五中全會閉幕，會議審議通過咗《中共中央關於制定國民經濟和社會發展第十一個五年規劃的建議》。
10月12號︰中國神舟六號載人飛船升空，載有兩名宇航員，將會喺預定軌道停留5天。
10月12號：中華人民共和國第十屆運動會喺江蘇南京開幕，直到當月23號閉幕。
10月15號：世界海拔最高嘅青藏鐵路全線貫通，預計2006年7月開始運作，屆時將結束西藏無鐵路嘅歷史。
10月17號：中國神舟六號載人飛船回航，宇航員費俊龍同聶海勝安全返回地面，中國第二次載人航天取得成功。
10月19號：中國政府第三次封鎖維基百科。
10月20號：中國國務院根據香港特區行政長官曾蔭權提名，黃仁龍接替梁愛詩出任香港特別行政區律政司司長。
10月26號︰中華人民共和國同塞內加爾共和國恢復邦交，中華民國宣佈同塞內加爾斷交。
10月26號︰梵蒂岡國務卿聲明，教廷已經做好重新同中國建立外交關係嘅準備。
10月29號︰第四屆東亞運動會喺澳門開幕

11月

11月6號︰第四屆東亞運動會喺澳門閉幕。
11月7號：秘魯前總統藤森謙也由日本前往智利，俾智利警方拘捕。
11月7號：香港明報收到恐嚇信同爆炸品，兩名職員受輕傷。
11月8號：法國巴黎動亂持續，法國政府採取緊急法令，喺發生暴亂嘅地方實施宵禁。
11月8號：瑞士正式將「拉法葉艦」軍售弊案相關文件資料交畀台灣、法國同列支敦士登三國嘅司法檢調機構。
11月9號：約旦首都安曼發生三次自殺式炸彈爆炸事件，至少造成57人死亡，過百人受傷。
11月11號：沙地阿剌伯獲准加入世界貿易組織。
11月13號：中國吉林省一間化工廠發生爆炸，對松花江造成嚴重嘅苯污染，令哈爾濱停水。污染順河而下影響到俄羅斯遠東地區，流入鄂霍次克海後對當地漁業造成惡劣影響。
11月15號：日皇明仁大女紀宮清子出嫁，放棄皇族身分。
11月17號：日本國土交通省發表姐齒建築設計事務所偽造公寓大樓同埋賓館嘅構造計算書，嗰個作為構造計算書偽造問題成為社會問題。
11月22號：安格拉·默克爾宣誓成為德國首位女總理。
11月25號：經濟部智慧財產局特許衛生署自即日起可自行生產特敏福，令臺灣成為第一個獲得強制授權、自製特敏福同成份藥物嘅國家。
11月26號：巴勒斯坦自治政府接管加沙地帶同埃及之間唯一嘅邊境通道拉法赫。

12月

一批反對世界貿易組織嘅示威者於香港部長級會議期間喺香港維多利亞公園集合準備開始遊行。

12月2號：澳籍越南裔毒販阮祥雲，上晝喺新加坡樟宜監獄被施以絞刑，澳洲民間發動抵制新加坡商品，影響新、澳兩國關係。
12月3號：2005年中華民國地方公職人員選舉（三合一選舉）。
12月6號：中國廣東省汕尾市發生警民衝突，有多名村民遭槍擊身亡。
12月13號至12月18號：世界貿易組織香港部長級會議。
12月20號：紐約市捷運局所屬地下鐵同埋巴士因運輸工會決意罷工而停駛，超過700萬乘客受影響。華爾街交易商同銀行人員因通勤受阻，衝擊全球最大股市紐約證券交易所，當日成交量萎縮12%，美股亦受影響。
12月20號：香港地鐵機鐵延綫博覽館站啟用。
12月23號：乍得向蘇丹宣戰。
12月25號：JR羽越本線出軌事故
12月29號：印尼政府撤離最後一批駐守亞齊省嘅非當地部隊，蹂躪亞齊近三十年嘅內戰宣告結束。
12月31號：澳門主題公園澳門漁人碼頭開幕。
2005年智利總統選舉

出世

1月6號，中國第十三億人喺北京出世
1月11號：羅沙娜·維奇爾，波蘭歌手
1月14號：曾家瑩，香港藝人，組合Strayz成員
1月20號：趙旴燦，南韓歌手
1月26號：蘇宇亮，中華人民共和國足球員，外號「中國麥巴比」
2月19號：阿爾瑪·多伊徹，英國音樂家
2月25號：艾達古拿，土耳其足球員
3月20號：基比奧米尼，意大利賽車手
3月28號：安·瓊提洽，泰國演員同歌手
4月9號：炎明熹，香港歌手，組合After Class成員，原名王佳恩、王爖熹
4月29號：李海仁 (運動員)，南韓花式溜冰運動員
4月29號：提邦功王子，泰國王室，全名提邦功·拉沙米觸
10月4號：遠藤璃菜，日本細路配音員
10月15號：丹麥王儲基斯頓，丹麥王室
10月31號：阿斯圖里亞斯女親王莉安諾，西班牙王室，全名萬聖嘅莉安諾·德波旁－柯蒂斯
12月2號：查理獲斯，奧地利賽車手
Nela，波蘭社會活動家同環保主義者

死

内文：2005年死

節氣

由於節氣喺中國大陸、香港、澳門及台灣地區特有的農業時間表示法，因此以下時間以世界標準時UTC+8時區描述

小寒：1月5號14時02分56秒
大寒：1月20號07時21分31秒
立春：2月4號01時43分01秒
雨水：2月18號21時31分55秒
驚蟄：3月5號19時45分10秒
春分：3月20號20時33分24秒
清明：4月5號00時34分16秒
穀雨：4月20號07時37分14秒
立夏：5月5號17時52分50秒
小滿：5月21號06時47分24秒
芒種：6月5號22時01分52秒
夏至：6月21號14時46分08秒
小暑：7月7號08時16分34秒
大暑：7月23號01時40分41秒
立秋：8月7號18時03分21秒
處暑：8月23號08時45分24秒
白露：9月7號20時56分35秒
秋分：9月23號06時23分05秒
寒露：10月8號12時33分12秒
霜降：10月23號15時42分14秒
立冬：11月7號15時42分21秒
小雪：11月22號13時14分54秒
大雪：12月7號08時32分39秒
冬至：12月22號02時34分54秒

維基同享有多媒體嘅嘢：
2005年

由「https://zh-yue.wikipedia.org/w/index.php?title=2005年&oldid=2259646」收

2005年

[8]ページ先頭

©2009-2026 Movatter.jp