想搵第二個意思嘅話，請睇香港腳 (搞清楚)。
香港腳（拉丁文學名叫tinea pedis，中文學名叫足癬，英文叫athlete's foot）[1][2]係一種由真菌感染得嚟嘅皮膚病，中醫稱為腳氣[3][4]。
香港腳一名的確有跟據出自香港歷史上誤傳，源自洋名叫Hong Kong foot。本身個病係常見，傳染唔係得香港人先有。二戰時，英國到香港等地作戰，部分英兵成日著皮靴又因為濕熱地區，搞到生咗好多細小嘅水泡，有啲重紅腫化濃，奇癢無比。由於歐洲醫生未見過呢種病，就誤會下叫「香港腳」（Hong Kong foot）就此誕生。有書話如果新加坡染上就叫「新加坡腳」（Singapore foot），上海染上叫「上海腳」（Shanghai foot）[2]。事實上，病腳唔「香」，嚴重反而「臭」。[5]。
平等機會委員會無反應。香港傳媒《蘋果日報》係長期叫「武漢肺炎」無改口。2021年4月，平機會點名強烈譴責係「污名化標籤」。但係平機會一直都無正視香港腳「標籤」。其他國家如英台[6]星馬[7]都係用中文叫過「香港腳」重有中國[8]。中文用家終誤會曲解。[9]政治諷刺引申「中國香港特別行政區腳」[10]、中國香港腳[11][12]、中國腳[13][14][15]。「你有中國香港腳...辱華！」[16][17]社評陳德銘「香港模式」、「馬英九洗腳（ＣＥＣＡ）」係洗「中國香港腳」！[18]演員黃秋生話「想要人唔要用武漢肺炎，除非香港腳唔叫香港腳，叫大陸腳。日本腦炎叫中國腦炎，西班牙流感叫強國流感，德國麻疹叫新中國麻疹。咁武漢肺炎就叫『全世界多得你唔少肺炎』」。[19]
香港腳嘅主要原因係濕氣入侵腳底，令腳趾間好快加速新陳代謝嘅情況。輕微嘅腳板底會係噉甩皮，嚴重一啲會覺得痕、生水泡，甚至腳趾之間嘅位出現潰爛現象。
除咗要有香港腳嘅病徵，重要將皮膚樣本拎去做培養同顯微鏡觀察，至可以確定係香港腳，開藥醫治。
醫香港腳嘅藥相當多，包括外用同口服藥[20]。
中醫認為脾主運化、主升清、主統血、主肌肉，五行方位屬土。因此需要健脾利濕、清熱解毒；內外兼治、裏應外合。先至可以達到「兵來將擋，水來土掩」嘅效果。除咗內服中藥之外，仲有食療湯水[21]、按摩同洗腳[22]。
{{cite journal}}:Cite journal requires|journal= (help);Unknown parameter|dead-url= ignored (|url-status= suggested) (help)