關係代名詞（參見英文：relative pronoun）係一種用嚟引入關係子句嘅代名詞，喺好多語言中，關係代名詞可以用嚟連接名詞同一個附加解釋或者描述。關係代名詞通常會指返前面講過嘅某樣嘢，而且同時喺關係子句入面擔任句子成分（例如主語、受詞、所有格等）。唔同語言有唔同嘅關係代名詞系統，有啲語言（例如英文）會根據格或者物人分別，改變代名詞嘅形式。
關係子句[e 1]係一種子句，主要功能係用嚟補充說明一隻名詞或者代名詞。喺現代粵語入面，呢種子句一般會擺喺名詞前面，然後用嘅字，或者由指示詞加量詞（例如嗰個、嗰隻等）組成嘅結構去連接返嗰隻名詞。以下係幾個例子[1]：
| 例短語 | 主要名詞 | 關係子句 | 連接法 | 全句例句 |
|---|---|---|---|---|
| 阿明養嘅貓仔 | 貓仔 | 阿明養 | 嘅 | 阿明養嘅貓仔好得意。 |
| 食緊嘢嗰隻貓仔 | 貓仔 | 食緊嘢 | 指示詞加量詞 | 食緊嘢嗰隻貓仔好得意。 |
| 我識嘅嗰個女仔 | 女仔 | 我識 | 嘅、指示詞加量詞 | 我識嘅嗰個女仔做咗香港小姐。 |
粵語以外嘅語言，都可以有關係子句嘅現象。例如英文噉，英文最常見嘅做法，係將關係子句擺喺佢褦住嘅名詞後，並且以that（泛用）同who（個重點名詞係指人先用得）等嘅字眼嚟連接。例句[2]：
— who 係關係代名詞，指返前面嘅 the person（大致粵譯：嗰個人）並且喺子句 who called me 入面做主語。
文中用咗嘅詞彙嘅外語版：