軟件開發 係軟件工程 嘅範疇，根據用戶去開發軟件 系統嘅過程，涉及到程式設計 、軟件文件 、軟件測試 、除Bug 等過程。
可行性研究 （feasibility study）係指諗清楚啲軟件嘅需求 之後，首先決定個項目係咪真係有得搞：好多時，啲客對於電腦軟件方面嘅嘢都唔係咁熟，會提出一啲冇可能達得到嘅要求；又或者係位軟件工程師想整一啲有返咁上下嶄新嘅功能，同時又因為呢啲功能嶄新得滯，唔肯定係咪真係有可能整到出嚟；可行性研究就係指
攞住手上嗰啲已知嘅軟件需求（input：軟件需求）， 做一大輪嘅分析，再決定隻軟件係咪真係有可能整得成（output：去 定唔去 ）。 可行性研究嘅過程會同時用到技術同經濟 方面嘅考量－一個軟件開發計劃如果過唔到可行性研究，可以係因為現有嘅軟件技術做唔到啲需求，亦都可以係因為現時嘅技術係就係做到啲需求，但要用嘅成本 極高，負責做呢個開發計劃嘅單位唔肯揼咁多本去做[ 1] [ 2]
大細估計 （sizing）通常係喺呢個階段做嘅。大細估計係指估計最後整出嚟嗰隻軟件會有幾大。大細估計喺軟件工程上係一個幾大嘅課題，到咗廿一世紀初都仲未有完全標準化嘅大細估計做法，不過軟件工程師可以憑經驗同幅圖則估算吓隻軟件會有幾多行碼，又或者係搵啲類似嘅軟件，睇吓佢哋係幾大左右... 呀噉[ 3] 運算複雜性理論 。
可行性研究最常會考慮嘅因素有以下呢啲，英文興嗌呢五大考量做TELOS （嚟自嗰五個因素分別嘅開頭英文字母 ）[ 1] [ 4]
T －Technical（技術）：隻預想中嘅軟件用現時嘅技術有冇可能整到出嚟？E －Economic（經濟）：隻預想中嘅軟件要使幾多成本？會唔會帶嚟利潤 ？L －Legal（法律 ）：隻預想中嘅軟件會唔會犯法 [ 註 1] O －Operational（運作）：預想中隻軟件有幾能夠配合到周圍嘅商業 環境[ 5] S －Scheduling（時程 ）：預想中隻軟件可唔可以喺限時之內搞掂？度好嗮覺得個軟件計劃整得過，啲軟件工程師先會郁手做設計 。
可行性研究等嘅設計前工序基本上實會涉及「估隻軟件要用揼幾多本先可以整到出嚟」噉嘅工作。成本估計有好多方法，例如構造性成本模型 （COCOMO）就係廿一世紀初最常用嘅成本估計法之一，建基於對前人做軟件開發得到嘅數據嘅迴歸分析 ：迴歸分析 （regression analysis）係一種統計學 技術，喺最簡單嗰種情況 下，攞若干個自變數 x 1 , x 2 , x 3 . . . {\displaystyle x_{1},x_{2},x_{3}...} 應變數 y {\displaystyle y}
y = β 0 + β 1 x 1 + β 2 x 2 + β 3 x 3 + . . . + ε i , i = 1 , … , n . {\displaystyle y=\beta _{0}+\beta _{1}x_{1}+\beta _{2}x_{2}+\beta _{3}x_{3}+...+\varepsilon _{i},\quad i=1,\dots ,n.\!} 迴歸分析做嘅就係攞一柞過往嘅數據 ，估算出啲參數 －柞β {\displaystyle \beta } 迴歸模型 。於是第時研究者就可以攞住個迴歸模型（知道咗柞β {\displaystyle \beta } x 1 , x 2 , x 3 . . . {\displaystyle x_{1},x_{2},x_{3}...} y {\displaystyle y} [ 6] 美國 嘅軟件工程研究者搵咗一大柞軟件工程師嘅開發項目嘅數據返嚟，每個項目做一個個案做迴歸分析，個項目啲特徵（例如係個項目嘅複雜度 噉）做x 1 , x 2 , x 3 . . . {\displaystyle x_{1},x_{2},x_{3}...} y {\displaystyle y} [ 7] [ 8]
E = a i ( KLoC ) b i ( EAF ) {\displaystyle E=a_{i}({\text{KLoC}})^{b_{i}}({\text{EAF}})} D = 2.5 E c i {\displaystyle D=2.5E^{c_{i}}} 設計 （design）係「知想要啲乜」（軟件需求）同埋「知隻軟件整得過」（可行性研究）之後嘅第一個工序，指軟件工程師喺度計劃 隻軟件要點樣整。喺呢個階段，軟件工程師仲未郁手整隻軟件，不過都已經大把嘢要做[ 9]
介面設計 ：即係要知隻軟件同周圍嘅環境會有邊啲互動；喺呢個階段，位軟件工程師可以當隻軟件係個黑盒 ，即係唔使諗「隻軟件啲源碼 係點」住，淨係諗清楚隻軟件有邊啲用家 、每一位用家會俾啲乜嘢輸入 俾隻軟件、同埋每位用家需要隻軟件俾咩輸出 佢。架構設計 模塊化編程 ），同埋每個部份負責做乜同有乜特徵，而且仲需要講明唔同部份之間要互傳乜嘢數據 （架構），所以喺呢個階段，隻軟件唔 應該再會係一個黑盒。喺做架構設計嗰陣，軟件工程師好多時都會畫返幅圖則 ，將自己嘅諗頭視覺化。詳細設計 ：軟件設計嘅最後階段，軟件工程師攞住隻軟件嘅架構，就要開始詳細噉諗啲可以實際寫出嚟嘅細節，包括咗諗每個主要部份要包含啲乜嘢程式 、啲程式要用乜嘢演算法 同數據結構 、以及係做用家介面設計 （UI design）呀噉，最後得出一個可以跟住嚟郁手寫源碼 嘅計劃。
一隻軟件嘅圖則 ；幅圖入面每個多邊形 表示隻軟件嘅一個部份，而啲箭咀就係啲部份之間傳達嘅數據 。 而建造 （construction）就係指郁手（跟住軟件設計得出嗰個計劃）寫隻軟件嘅源碼。喺呢個過程當中，軟件工程師要一路寫一路做小型測試、debug 同埋配置管理 （包括一路睇實隻軟件「喺邊個時間點改過嚟」同埋每次改咗之後「隻軟件嘅表現有咩變化」等嘅資訊[ 10] [ 11] 原型 （prototype；指隻行得嘅軟件，但要測試所以仲未出街住）。有關寫程式嘅詳情，可以睇吓電腦程式編寫 嘅嘢。
一位軟件工程師喺度測試緊一隻佢有份設計嘅軟件。佢要試吓隻軟件有幾易用。 測試 （testing）係指做一啲特定嘅程序嚟睇吓隻軟件係咪去到出得街嘅質素：最簡單嘅方法係工程師自己試吓行吓隻軟件，睇吓有冇乜嘢bug ；再唔係佢哋又可以索性搵班人返嚟試吓用隻軟件，並且收集場測試嘅數據，用數據嚟評估隻軟件掂唔掂，例如觀察吓班測試者平均 要用幾耐先至用隻軟件用得上手－呢樣數據會反映隻軟件夠唔夠易用 [ 12] :p. 2 。
响廿一世紀初嘅軟件工程界，測試呢家嘢有好多技巧。以下係軟件工程師傾有關做測試嘅心得嗰陣成日會提到嘅要點[ 13] [ 14] [ 15]
「要完全徹底噉測試嗮所有可能性」係冇可能嘅：測試當中搵到錯處能夠證明隻軟件有錯，但測試搵唔到錯處唔能夠證明隻軟件完美無誤；現實應用上嘅軟件都會頗為複雜，閒閒哋會有成幾萬行源碼，所以「隻軟件行嗰陣有可能處於嘅狀態」呢個數值極之大，現實世界嘅軟件工程師唔會有咁多時間試嗮呢啲可能情況，做大量嘅測試都頂櫳只係能夠減低隻軟件有意外甩漏嘅機率 。軟件工程師通常淨係會揀最有可能出現嗰啲情況，再試吓呢啲情況下會唔會有 bug，如果冇，佢哋就會假設隻軟件喺其餘嘅情況下都唔會有問題。睇埋歸納 。 要盡早做測試：軟件工程師通常會有咁早得咁早開始做測試，喺寫隻軟件嘅源碼嗰時就經已喺度做啲小型嘅測試，行吓隻軟件啲細部份睇吓有冇問題；一般認為，bug 呢家嘢係愈早發現愈好嘅，遲發現嘅 bug 好多時都會搞到工程師損失慘重。 錯誤聚埋一齊：有啲軟件工程師指「80% 嘅錯處都係由 20% 嘅模塊嗰度嚟嘅 」；現實嘅經驗表明咗，好多時一隻軟件嘅錯誤都係源自其中一兩個部份嘅錯，而同時淨低嗰啲部份查實冚唪唥都冇問題。 農藥悖論 （pesticide paradox）：重複噉用同一個個案嚟做測試係唔會搵到新嘅 bug 嘅，做測試嗰陣有必要用一大堆唔同樣嘅個案嚟做測試，先至可以全面噉搵到唔同嘅 bug。無錯謬論 （absence of errors fallacy）：如果一隻軟件係 99% 冇 bug 但滿足唔到啲功能性需求 ，噉隻軟件係完全冇用嘅；「測試冇 bug」只不過係一隻軟件要出街嘅必要條件 ，唔係出得街嘅充分條件 。... 呀噉。
↑1.0 1.1 James Hall (23 August 2010).Information Technology Auditing . Cengage Learning. p. 188. ↑ P. M. Heathcote (April 2005). 'A' Level Computing . Payne Gallway. p. 176. ↑ Guidelines on how to choose an FSM Method (PDF).↑ McLeod, S. (2021).Interrelated Attributes of Project Feasibility: Visualizing the TELOS Framework . ScienceOpen Posters. ↑ Bentley, L & Whitten, J (2007).System Analysis & Design for the Global Enterprise . 7th ed. (p. 417). ↑ Krämer, W., & Sonnberger, H. (2012).The linear regression model under test . Springer Science & Business Media. ↑ Kemerer, Chris F. (May 1987). "An Empirical Validation of Software Cost Estimation Models " (PDF).Communications of the ACM . 30 (5): 416–42. ↑ Boehm, B., Clark, B., Horowitz, E., Westland, C., Madachy, R., & Selby, R. (1995). Cost models for future software life cycle processes: COCOMO 2.0.Annals of software engineering , 1(1), 57-94. ↑ Software Engineering | Software Design Process .GeeksforGeeks .↑ Software Configuration Management in Software Engineering .Guru99 .↑ 引用錯誤 無效嘅<ref>標籤；無文字提供畀叫做abran2004嘅參照 ↑ Kainda, R., Flechais, I., & Roscoe, A. W. (2010, February).Security and usability: Analysis and evaluation (PDF). In2010 International Conference on Availability, Reliability and Security (pp. 275-282). IEEE. ↑ Software Engineering | Seven Principles of software testing .GeeksforGeeks .↑ Seven Principles of Software Testing | Software Testing Material .Software Testing Material .↑ 7 Principles Of Software Testing: Defect Clustering And Pareto Principle .Software Testing Help' .
_-_The_Noun_Project.svg)