貝葉斯博弈（Bayesian game），又或者叫貝氏博弈，係博弈論上嘅一種博弈。技術性啲噉講，貝葉斯博弈定義係噉嘅：喺一場貝葉斯博弈裏面，每位博弈者都屬某一個類型（type；指個博弈者有個報償函數）；博弈者都唔具有完全資訊；是但搵位博弈者嚟睇，佢做唔到確實知道每個對手「屬邊個類型」，但心目中都會對自己每個對手「屬邊個類型」有概率分佈[1]。
用日常用語嚟講即係話，喺一場貝葉斯博弈裏面，每位博弈者都唔能夠確實噉知道對手嘅偏好，但能夠估每個對手嘅偏好係點。
喺一場貝葉斯博弈當中，如果話一套博弈策略處於貝葉斯拿殊均衡點（Bayesian Nash equilibrium），即係話對於個博弈者嚟講，假設佢對博弈形勢嘅判斷完全正確，嗰套策略能夠做到「無論對手揀乜，都令自己嘅預期報償有咁大得咁大」。
 |