| 莊思明 | |||||
|---|---|---|---|---|---|
 | |||||
| 女藝人 | |||||
| 英文名 | Lisa | ||||
| 別名 | 莊晴 | ||||
| 國籍 |  馬來西亞 | ||||
| 永久居留權 |  香港 | ||||
| 出世 | (1987-02-15)1987年2月15號（39歲） 英屬香港 | ||||
| 職業 | 演員、食肆老闆 | ||||
| 語言 | 英文、粵語、普通話、馬來語、日文、閩南話 | ||||
| 教育程度 | 香港理工大學設計學（榮譽）文學士 | ||||
| 母校 | 瑪利曼小學 西島中學 | ||||
| 父母 | 父：莊寶 | ||||
| 屋企人 | 胞姐：莊思敏，另有1姐1兄 | ||||
| 代表作品 | 《愛·回家》 《潮流教主》 《是咁的，法官閣下》 《福爾摩師奶》 | ||||
| 活躍年代 | 2007年至今 | ||||
| 經紀公司 | 無綫電視（2010年–） 帝皇娛樂（2017至2018年） | ||||
| |||||
莊思明（英文：Lisa Ch'ng，1987年2月15號—）用過藝名莊晴，喺香港出世，係香港模特兒同電影演員，2010年度香港小姐競選季軍，2017年曾經同帝皇娛樂簽約，而家係無綫電視經理人合約女藝員[1][2][3]。政治上係建制派嘅支持者。
佢讀過瑪利曼小學[註 1]同西島中學（佢嘅阿姐莊思華係同校學生），之後讀香港理工大學設計學系[4]。佢係「明輝發展」（中國光大控股(0165.HK)前身）創辦人同前主席莊寶嘅三女，亦係莊思敏嘅妹妹同莊思華嘅孖生妹妹。
佢同莊思華報名加入驕陽電影公司（有線寬頻集團成員），成為《雙子神偷》演員之一。佢喺2010年參選香港小姐並進入決賽，最終攞到季軍。
2011年同陳慧琳細佬陳司翰拍拖[7]，兩人不時發生衝突，感情離離合合[8]。
2016年，莊思明承認同楊明熱戀，近年更公開認定對方做結婚嘅對象[9]。
2019年11月23號，即係2019年香港區議會選舉前一日，中華人民共和國外交部駐香港特別行政區特派員公署Facebook專頁上載咗一條由40幾位藝人拍攝嘅片段，內容主要係為咗呼籲用選票「向暴力說不」。莊思明同佢家姐莊思敏係其中一員[10][11]。
莊思明曾經有份參與一份聯署，支持北京未經諮詢或香港人同意，強行訂立嘅《港版國安法》[12][13][14]，但有關聯署之後被揭發做假，其中名單上嘅張寶華、徐熙媛、李巧靈同蔣志光之後否認有份參與，而陳汝騫就一早離世[15]。
喺愛國電影《時代》入面，許芯悅同楊明飾演情侶，拍攝時要拖手兼挨心口。不過，許芯悅指控身為楊明女友嘅莊思明，場場戲都「近距離監視」，自己被佢嘅「氣場」嚇窒，事件報道後更有人要求許收聲。許又話好驚再被人身攻擊同詛咒，人與人之間要互相尊重，有錢唔係高人一等。其後莊思明反揶揄對方係小丑博見報[16]。
喺2019年12月，有網民喺莊思明男友楊明開設嘅燉湯店Facebook留言，批評湯料唔足，令人覺得價錢相對太貴，莊思明唔禮貌噉回應，引來大批網民不滿[17][18]。
喺2020年1月8號，莊思明喺社交媒體表示，當日佢坐國泰航空CX619航班（該航班由空中巴士A350-900執飛，飛機註冊編號：B-LRB）前往曼谷期間，本來想向空姐借筆填寫入境表，但就被空姐無視，又提到「如果國泰嘅高層想了解更多關於這次事件嘅詳情，我絕對歡迎你哋同我聯絡！」。但佢公開嗰班機所有機艙服務員嘅資料，就被網民批評公審同洩露他人私隱，又話佢多次提及國泰高層，似乎唔係淨係想反映意見，而係想航空公司有其他行動對嗰個服務員提出處分，網上討論亦演變成對香港相關政見嘅罵戰，親中派網民拉扯事件涉及「黄絲空姐」，亦有網民反駁莊當時戴上口罩，服務員唔一定認得莊[19][20][21][22]。面對部份親中派網民將事件拉扯上「黃絲空姐玩針對」，就連莊思明都回應指同空認唔認得佢無關[23]。
事件之後發酵，台灣同馬來西亞媒體都有報道事件[24][23]，國泰航空公司空中服務員工會同私隱專員公署回應事件，指有關行為涉嫌觸犯私隱條例[25][26]。藝人王喜就媒體唔點名指莊思明為『類恐怖分子』，又表示拒絕同佢坐同一班機。國泰航空嘅本地主要競爭對手香港航空亦喺社交媒體揶揄事件，舉行送筆活動，並溫馨提示乘客搭飛機嘅時候，要帶筆填寫入境紙[27]。
去到1月11號，莊思明嘅家姐，同樣係藝人嘅莊思敏亦回應事件，指莊思明一時衝動，又批評網民嘅言論激進。雖然私隱專員公署亦批評呢種做法，莊思敏就聲稱莊思明公開嘅機組成員名單唔屬私隱[28][29][30]。
因應香港航空喺社交媒體嘅言論，喺1月12號，莊思明嘅男友楊明未有回應莊思明洩漏機組人員名單嘅爭議同私隱專員公署嘅回應，只係質疑香港航空，係咪乘客有需要都唔可以向服務員求助。朱庭萱就指責香港航空以『黃絲角度揶揄撐警藝人』，『跟支持祖國的人作對』，又祝香港航空早日結業[31]。
去到2021年11月，學術期刊Journal of Organizational Computing and Electronic Commerce喺2021年11月刊登咗一篇文章討論網上捍衛品牌行為，其中就攞咗呢次莊思明同楊明攻擊網民引來大批反駁嘅例子，作為呢種行為嘅其中一個案例[32]。
{{cite web}}: CS1 maint: url-status (link){{cite web}}: CS1 maint: url-status (link)| 前任： 熊穎詩 | 香港小姐季軍 2010年 | 繼任： 許亦妮 |