英雄救美（粵音：jing1 hung4 gau3 mei5）係世界各地嘅文學裏面都有嘅經典橋段或者表現手法。故事講一個後生靚女（美人）俾奸角捉咗，困埋，等英雄去救佢，而呢位英雄多數係男性，奸角就可以係壞人或怪獸。打敗奸角救出靚女，就謂之贏得美人歸，可以同靚女成婚。喺小說、漫畫、電影、電視劇、舞台劇、廣播劇同視像遊戲等嘅創作之中成日出現呢種橋段。
呢條橋一早已經喺古希臘嘅劇本出現，古印度嘅《羅摩衍那》有悉多美女等人救。波斯嘅《天方夜談》裏頭《黑馬》古仔，波斯王子就去救公主。近代嘅童話《長髮姑娘》嘅最為人熟悉，長髮妹 Rapunzel 俾個女人困喺個塔度，畀白馬王子救出嚟。而到咗電影、電視、漫畫、網絡遊戲嘅年代，好多都覺得呢條橋用到爛，大把人話老套。
