自由主義 （英文 ：Liberalism ）係一種思想流派，存在喺政治 、經濟 等領域。喺政治同社會生活方面，佢主張通過法律 賦予嘅權利 系統令個人自由最大化；喺經濟領域，佢主張喺一定嘅框架裏面令到經濟同埋商業自由競爭最大化。
自由主義嘅基本信條係：
所有人喺法律面前都享有平等嘅權利。 唔係依法律規定，任何人都唔可以俾人剝奪生命或者財產。 個人自由唔可以隨便縮減。 政府跟住人民嘅意願行事。（睇下民主 ） 自由主義喺18世紀 嘅歐洲 產生，可以喺哲學家 約翰洛克 及法國 啟蒙運動 思想家嘅巨著之中睇到。當時歐洲社會嘅意識形態畀咗君主 、貴族 、教會 等特權 ，而自由主義係為咗抗爭呢種意識形態而興起。後來，自由主義亦都係集權主義 嘅對立者，集權主義包括社會主義 同埋法西斯主義 。
18世紀末以嚟，自由主義同埋民族主義 一道，深深咁刻劃咗西方 文明 。自由民主 同有競爭嘅多黨政治 ，喺坎坷嘅歷程後，已經散佈到世界嘅很多地方。自由主義嘅原則，譬如言論自由 、宗教自由 ，而家成為咗好多國家嘅憲法 同聯合國 憲章、歐盟 憲法所明確規定嘅崇高原則。
自由主義嘅西班牙語「Liberales」最早出現喺1812年 嘅西班牙 ，當時西班牙自由黨 用呢個詞嚟標榜佢哋促進立憲政府嘅決心。1816年 英國 嘅托利黨 人首先用帶有蔑視嘅口吻用「自由主義」一詞嚟貶低對手。1822年 ，英國文學家同詩人拜倫 同埋雪萊 等創辦咗《自由主義》雜誌，但係影響好細。直到19世紀 三十年代 ，「自由主義」先至俾人廣泛應用。雖然「自由主義」一詞直到19世紀初先至出現，到19世紀將近中葉先至俾公眾廣泛接納，但係自由主義作為一種人類思想同埋理論，就有更長嘅歷史。
哈耶克 喺為意大利 《新世紀百科全書》寫嘅「自由主義」詞條裏面，開門見山咁指出：「自由主義一詞係喺以各種不同嘅含義使用著，而呢啲含義，除咗描述它對新觀念嘅開放性之外，幾乎冇任何相似之處。喺呢啲新觀念裏面，包含住一啲同自由主義喺19世紀同埋20世紀初所表示嘅本來含義截然相反嘅嘢」。說明「自由主義」實際上並唔係一種單一嘅一成不變嘅思想，亦唔係一種可以精確定義嘅理論。但哈耶克嘅呢段話裏面，明確咁指出咗自由主義嘅一個根本原則：「對新觀念嘅開放性」，亦即係對新觀念嘅寬容 態度。
中國現在嘅自由主義學者朱學勤 就定義道：「『自由主義』首先係一種學理，然後係一種現實要求。它嘅哲學觀 係經驗主義 ，同先驗主義 相對而立；佢嘅歷史觀 係試錯演進理論，同各種形式嘅歷史決定論相對而立；佢嘅變革觀 係漸進主義嘅擴展演化，同激進主義嘅人為建構相對而立。佢喺經濟上要求市場機制 ，同計劃體制 相對而立；佢喺政治上要求代議民主制 同埋憲政 法治 ，既反對個人或少數人專制 ，亦反對多數人以「公」嘅名義實行群眾專政；喺倫理 上它要求保障個人價值，認為各種價值化約到最後，個人唔可以化約、唔可以被犧牲為任何抽象目的嘅工具。」咁樣表現咗中國一啲學者對自由主義嘅認定。
約翰·格雷 就對自由主義有比較簡單嘅解釋。佢認為自由主義傳統嘅基本特點係：個人主義 、平等主義 、普遍主義、改良主義 ，而其落實就包括保障消極意義下嘅個人自由 、私有財產 、市場經濟 、代議制政府 。
大衛·斯匹茲 喺佢臨終之前，幫自由派人士寫低咗「信條」，更能反映一個自由主義者嘅理想：
尊崇自由 多過其他價值，就算係超過平等 同埋正義。 尊重「人」而唔係尊重「財產 」；但係又唔能夠忽略財產喺促進人類福祉上嘅積極角色。 唔好信任權力 ，就算權力出自多數都係咁話。 唔好相信權威 。 要寬容 。 堅信民主政治 。 尊重真理 同埋理性 。 接受變革嘅必然性。 唔好以妥協 為恥。 最重要嘅係，要保持批判精神 。 有啲學者將自由主義追溯到古希臘 時期。比如話有學者認為蘇格拉底 係自由主義嘅鼻祖，因為佢一貫秉承理性主義 ，以懷疑精神不斷反省批判未經檢驗嘅概念同信仰，最後重以身殉道，成為捍衛個人思想自由唔俾人侵犯嘅典範。而另有學者就認為，德謨克利特 首創咗原子論同埋政府契約論 ，安提芬 就以知識份子嘅良知對民俗習慣進行批判，普羅塔哥拉 就發現咗實用主義 ，經驗主義 同埋價值多元主義等現代自由主義嘅核心價值，佢哋先至係古典自由主義嘅代表。
但絕大多數學者就認為自由主義發源於近代經歷咗光榮革命 後嘅英國。洛克就係自由主義嘅鼻祖。洛克率先提出咗自由主義嘅主要原則，例如社會契約論 ，人嘅自然權利論（又稱作天賦權利），重喺呢個理論引伸出人嘅生存權利，自由權利，私有財產嘅擁有權利（財產權），同時重提出咗現代三權分立 原則嘅雛形。呢啲思想都構成咗後代自由主義嘅根本原則。
喺洛克之前，另外一啲思想家就為自由主義嘅其他原則提供咗思想源泉。譬如話，英國嘅霍布斯 提出嘅個人主義 ，荷蘭史賓諾沙 嘅理性主義 同埋對個人自由嘅擴展。呢啲思想家雖然唔能夠當係「自由主義」者，但卻係自由主義嘅先驅。
1776年北美殖民地嘅《獨立宣言》同埋1789年嘅《美利堅合眾國憲法》同佢嘅修正案（權力法案），首先喺建國綱領裏面體現咗自由主義嘅原則。而喺法國大革命 期間誕生嘅《人權宣言》，就進一步闡明咗對自由主義嘅追求。隨住法國大革命嘅發展，《人權宣言》將自由主義嘅思想，由英美，普及到咗歐洲大陸，並由此逐漸形成咗同英美自由主義相區別嘅歐陸自由主義。到咗19世紀之後，自由主義喺北美同埋歐洲逐漸迎嚟咗自己嘅黃金時期。
到咗20世紀，自由主義逐漸俾社會民主主義取代，但係自由主義重係有一定嘅支持基礎。1980年代多咗一種叫新自由主義 ，係由自由主義同保守主義發展出來。
中國自由主義嘅代表人物，有胡適 、張君勱 、傅斯年 、殷海光 、顧准 、李慎之 、李敖 、羅永浩 等人。但係有啲人並唔同意呢啲其中部分自我宣稱為自由主義者嘅人真正理解「自由主義」嘅精神要義。
所謂偽自由主義，係指嗰啲根本違背自由主義精神但又話自己係「自由主義者」所謂嘅自由主義。比如一個專制嘅當權者「自由」咁處置事情而置法律於不顧，又或者一個人為咗一己嘅私利「自由」咁發表言論但係就故意歪曲事實，又或者一個自稱「自由主義者」嘅人但又唔尊重人哋嘅自由，呢種自由主義就係偽自由主義。
自由主義，呢度嘅自由（Liberty）有佢嘅價值取向，佢源於對「人」嘅尊重、對「自然準則」嘅尊重。中國現代人文主義嘅先驅劉伯明 曾經講過：「蓋所謂自由之心，實古今新理發現必要之條件也。」，但同時「惟負責而後有真正的自由」。
Execution of José María de Torrijos y Uriarte and his men 喺1831年，當時西班牙國王費迪南七世 採取咗針對本國自由派嘅鎮壓措施 Raif Badawi ，一位Saudi Arabia 作家同「Free Saudi Liberals」網站嘅創辦人，因2014年「侮辱伊斯蘭」而被判十年監禁同一千鞭自由主義喺歷史上吸引咗唔同意識形態團體嘅批評同支持。儘管關係複雜，有啲學者認為自由主義根本就「拒絕意識形態思考」，大部分係因為咁嘅思想會令對人類社會產生唔切實際嘅期望。[ 1]
保守派批評佢哋認為係咁魯莽嘅自由主義追求進步同物質利益，認為呢啲追求破壞咗根植於社群同連續性嘅傳統社會價值。[ 2] 自由保守主義 ，亦闡述咗同古典自由主義所提倡嘅理念同原則，包括「細政府同繁榮嘅資本主義」。[ 3] 埃德蒙·伯克 ，以猛烈嘅批評抨擊法國大革命，指責自由主義虛有其表嘅理性權威同所有人天然平等嘅主張。[ 3] [ 4]
喺2018年出版嘅書籍Why Liberalism Failed Patrick Deneen 主張自由主義導致咗income inequality 、文化衰退、個人分散、nihilism 、自由嘅侵蝕，同埋強大集中嘅官僚體制崛起。[ 5] [ 6] [ 6]
俄羅斯總統弗拉基米爾·普京 相信「自由主義已經過時」，並且話全世界絕大部分人都反對多元文化、移民，同埋民事及政治權利 俾LGBTQ 人士。[ 7]
其中一個最直言不諱早期批評自由主義嘅機構就係羅馬天主教會 ，呢件事引致國家政府同教會之間長期嘅權力鬥爭。[ 8] 基督教民主 ，希望推廣天主教社會思想 ，喺部分歐洲國家攞到唔少支持。[ 9] 放任自由 自由主義相關嘅工業化 同城市化 嘅反應。[ 10]
無政府主義者批評自由主義嘅社會契約 ，佢哋話呢份契約整出咗一個「壓迫、暴力、貪污同對自由充滿敵意」嘅國家。[ 11]
卡爾·馬克思 拒絕咗自由主義理論嘅根本觀念，佢希望摧毀國家同自由主義所謂嘅社會與個人之間嘅分別，將兩者融合成一個集體整體，以推翻19世紀逐步發展嘅資本主義秩序。[ 12] 弗拉基米爾·列寧 表示——同馬克思主義 相對比——自由科學係捍衛工資奴隸制 嘅。[ 13] [ 14] 湯瑪斯·佩恩 、喬治·亨利·埃文斯 同西爾維奧·蓋塞爾 ，都係工資奴隸制嘅批評者。[ 15] [ 16] 鄧小平 相信自由化會破壞中華人民共和國 同中國共產黨 嘅政治穩定，令發展變得困難，而且本質上屬於資本主義。佢稱之為「資產階級自由化 」。[ 17] 個人經濟自由 ，導致咗佢哋所認為嘅剝削制度，違反自由主義嘅民主原則；同時亦有啲自由主義者反對資本主義經濟學說所容許嘅工資奴隸制。[ 18]
有啲女權主義 者主張，自由主義過份強調分隔私領域同公領域，導致私領域得以滋長偏見同不寬容，而只喺公領域要求平等尊重，令自由主義易受右翼民粹攻擊。政治自由主義拒絕咗女權主義者提出嘅「私事即係政治」嘅呼籲，反而依賴政治制度同流程作為防範反自由主義嘅屏障。[ 19]
伊斯蘭內嘅自由主義 受到部分Islamic schools and branches 嘅支持。[ 20] [ 21] 古蘭經 入面嘅Al-Baqara 256 經文支持自由主義，講到「宗教上冇強迫」。[ 22] 伊斯蘭至上主義 ，包括對apostasy in Islam 施以刑罰直至capital punishment ，係堅決反對自由主義嘅。[ 23]
社會民主 係一種主張以進步方式改革資本主義嘅意識形態，喺20世紀出現，同時受咗社會主義影響。社會民主旨在透過政府改革解決佢認為資本主義內在嘅缺陷，並重點致力減少不平等。[ 24] [邊個？ ] 美國自由主義 係「黑市社會民主」，因為美國冇真正嘅社會民主傳統。[ 25]
法西斯主義者指責自由主義 係物質主義同缺乏靈性價值。[ 26] 物質主義 、理性主義 、個人主義 同功利主義 而反對佢。[ 27] [ 26] 私有財產權 同市場經濟 方面同自由主義者意見一致。[ 27]
↑ Wolfe, p. 116. ↑ Koerner, p. 14. ↑3.0 3.1 Grigsby, p. 108. ↑ O'Keeffe, Dennis (2009). Meadowcroft, John (編).Edmund Burke ISBN 978-0826429780 ↑ Damon Linker,An ominous prophecy for liberalism ,The Week , January 22, 2018. ↑6.0 6.1 Burns, Nick (2020-04-08)."The new intellectuals of the American right" .New Statesman (美國英文). 喺2023-08-10 搵到 . ↑ Tiounine, Margot; Hannen, Tom, 編 (27 June 2019)."Liberalism 'has outlived its purpose' — President Putin speaks exclusively to the Financial Times" .Financial Times . 喺23 August 2019搵到 . ↑ Grew, Raymond (1997)."Liberty and the Catholic Church in 19th century Europe" . 出自 Helmstadter, Richard (編).Freedom and Religion in the 19th Century . Stanford University Press. p. 201 .ISBN 978-0-8047-3087-7 ↑ Riff, pp. 34–36. ↑ Riff, p. 34. ↑ Fiala, Andrew (2021),"Anarchism" , 出自 Zalta, Edward N. (編),The Stanford Encyclopedia of Philosophy (第Winter 2021版), Metaphysics Research Lab, Stanford University, 喺2023-06-17 搵到 ↑ Koerner, pp. 9–12. ↑ Selsam, Howard ; Martel, Harry (1963).Reader in Marxist Philosophy International Publishers . p. 37 .ISBN 978-0-7178-0167-1 . 喺1 June 2017搵到 .↑ Lenin, Vladimir (2008).On Culture and Cultural Revolution ISBN 978-1-4344-6352-4 . 喺1 June 2017搵到 .↑ "Social Security Online History Pages" . 原先內容歸檔 喺15 March 2015. 喺1 June 2017搵到 .↑ Rodriguez, Junius P. (2007).Slavery in the United States: A Social, Political, and Historical Encyclopedia ABC-CLIO . p. 500.ISBN 978-1-85109-544-5 . 喺1 June 2017搵到 .↑ 〈 《 邓小平文选第三卷 》 《在 党的十二届六中全会上的讲话 》 〉 原著 喺2022-02-27歸檔。喺2022-02-27 搵到 。｢大家可以回想一下，粉碎“四人帮"以後，全國人大喺一九八○年通過一個議案，取消憲法中關於“大鳴、大放、大辯論、大字報”呢一條。點解要咁做？因為有一股自由化思潮。搞自由化，就會破壞我哋安定團結嘅政治局面。冇咗安定團結嘅政治局面，就唔可能搞建設。自由化本身就係資產階級嘅，冇乜無產階級、社會主義嘅自由化，自由化本身就係對我哋現行政策、現行制度嘅對抗，或者叫反對，或者叫修改。實際情況係，搞自由化就係要將我哋引向資本主義道路，所以我哋用反對資產階級自由化呢個講法。管佢係邊度用過、邊度用過，都唔緊要，現實政治要求我哋喺決議中寫呢個。我主張用。｣↑ Beauchamp, Zack (2019-09-09)."The anti-liberal moment" .Vox . 喺2021-05-06 搵到 . ↑ Stopler, Gila (May 8, 2021)."The personal is political: The feminist critique of liberalism and the challenge of right-wing populism" .International Journal of Constitutional Law 19 (2): 393–402.doi :10.1093/icon/moab032 . 喺2023-07-13 搵到 . ↑ Kurzman, Charles (1998)."Liberal Islam and Its Islamic Context" . 出自 Kurzman, Charles (編).Liberal Islam: A Sourcebook .Oxford andNew York :Oxford University Press . pp. 1–26.ISBN 9780195116229 OCLC 37368975 .↑ Safi, Omid , 編 (2003).Progressive Muslims: on justice, gender and pluralism Oneworld Publications .ISBN 9781851683161 OCLC 52380025 .↑ Template:Qref ↑ Kumar H. M., Sanjeev (10 October 2018). "Islam and the Question of Confessional Religious Identity: The Islamic State, Apostasy, and the Making of a Theology of Violence".Contemporary Review of the Middle East . SAGE Publications.5 (4): 327–348.doi :10.1177/2347798918806415 .ISSN 2347-7989 . ↑ Lightfoot, p. 17. ↑ Susser, p. 110. ↑26.0 26.1 Perry, Marvin; Chase, Myrna; Jacob, Margaret; Jacob, James R. (2009).Western Civilization: Ideas, Politics, and Society – From 1600 .第2卷 (第9版). Boston, Massachusetts:Houghton Mifflin Harcourt Publishing Company . p. 760. ↑27.0 27.1 Sternhell, Zeev; Sznajder, Mario; Ashéri, Maia (1994).The Birth of Fascist Ideology: From Cultural Rebellion to Political Revolution Princeton University Press . p. 7.ISBN 0691044864 原著 喺6 December 2022歸檔. 
.jpg)
