社會民主連線 League of Social Democrats | |
| 創辦人 | 黃毓民 |
| 主席 | 陳寶瑩（末代） |
| 副主席 | 周嘉發 余煒彬（末代） |
| 創立 | 2006年10月1號 |
| 解散 | 2025年6月29號 |
| 總部 |  香港九龍長沙灣永明街3號泰昌工廠大廈4樓B2室 |
| 黨員人數 | 300幾人 |
| 象徵顏色 | 紅色 |
| 立法會議席 | 0 / 90 （0%） |
| 區議會議席 | 0 / 479 （0%） [1] |
| 政治派系 | 激進民主派 |
| 政治立場 | 中間偏左至左翼 |
| 網站 | www |
社會民主連線（簡稱社民連線，英文：League of Social Democrats, LSD），係香港泛民主派左翼建立嘅政治組織。宗旨係「旗幟鮮明咁捍衛基層利益」，宣揚社會民主主義，做「旗幟鮮明嘅反對派」。
2006年4月17號，籌組社民連嘅骨幹響烏溪沙青年新村舉行路向營，表示該組織將以香港泛民主派左翼光譜為號召，輔以基層路線，反對私有化。10月1號，社民連正式成立。
陶君行響2006年4月17號網路電台節目《風波裏的龍門陣》節目中透露，該組織曾經響年前接觸政見偏左嘅民主派立法會議員張超雄，但佢喺2006年初已經應承加入主要由中產階級同專業人士組成嘅公民黨，重做埋副主席。
社會民主連線響2006年10月29號選舉第一屆行政委員會，時事評論員黃毓民當選主席，兩名來自醫療衞生界別嘅香港立法會前議員麥國風同勞永樂當選副主席。而黨秘書長就由黃大仙區議會議員陶君行出任，副秘書長就係前香港大學學生會會長、公民黨黨魁余若薇前助理鄧徐中出任；司庫係堪輿學家馬禮華。行政委員會常委包括：立法會議員梁國雄、陳偉業，香港職工會聯盟副主席鍾松輝、香港浸會大學宗哲系教授陳士齊、東區區議會議員曾健成以及民運人士劉山青等。
2007年9月，勞永樂代表社會民主連線參加2007年香港立法會港島選區補選泛民主派初選，重同陳方安生辯論，最後陳方安生勝出。
2025年6月29號，正式摺埋。
 |
社民連有五個工作小組，推動以上目標：
社民連喺立法會冇任何議席：
佢哋喺2010年嘅政改方案諮詢之中決定加入五區總辭，辭職後重返立法會。
上面三個人統稱「社民連三子」，以激進同出位作風出名。目前衹剩返梁國雄仍然留喺社民連。
無
無
| 選舉 | 民選票數 | 得票率 | 總議席 | 領袖 |
| 2008 | 153,390 | 10.1% | 3 / 60 | 黃毓民 |
| 2012 | 87,997 | 4.86% | 1 / 70 | 梁國雄 |
| 2016 | 70,935 | 3.27% | 1 / 70 | 梁國雄 |
| 選舉 | 得票 | 得票率 | 總議席 | 領袖 |
| 2007 | 29,714 | 2.59% | 6 / 534 | 黃毓民 |
| 2011 | 21,833 | 1.85% | 0 / 507 | 陶君行 |
| 2015 | 6,526 | 0.45% | 0 / 458 | 梁國雄 |
| 2019 | 8,384 | 0.29% | 2 / 479 | 吳文遠 |
基於唔同原因，每一屆區議會選舉入面，社民連都會有啲成員唔會打正旗號去參選，例如2007年嘅盧海鵬、劉美谷因為違反泛民區選聯盟嘅協調規則被取消黨籍，2011年都有類似情況。另外，有啲黨員唔止會以社民連名義出選，重會用土地正義聯盟、民間電台同社會主義運動呢啲同社民連好有關係嘅組織出嚟選，不過選舉成績入面只會計正式用社民連牌頭選嘅候選人（2019年嘅黃永志唔計）。
