Movatterモバイル変換

[0]ホーム

跳去內容

短倉

改拎

出自維基百科，自由嘅百科全書

短倉（英文：short）泛指一啲「預件資產價值會跌，跌咗就會有利可圖」嘅投資做法。

短倉最常見嘅做法係賣空－想像依家位投資者借一件資產返嚟，再賣咗件資產佢，等到遲啲佢就要買返件資產返嚟還畀債主，如果期間件資產嘅價跌咗，噉呢位投資者就有賺^[1]。

概論

[編輯]

内文：金融市場

沽空

[編輯]

沽空（英文：Short Selling），又叫做借貨沽空或者賣空係指投資者賣出佢借返嚟既股票，希望係到期還啲股票俾人嗰日或者之前，用較低既價錢買入股票，然後將買到既股票還返俾借股票俾佢既人。

操作方法

[編輯]

沽空既投資者睇淡某隻股票，相信呢隻股票既價錢會跌。咁佢就去股票經紀行開個沽空戶口，向經紀行借入想沽空嗰隻股票（呢個做法叫做借貨沽空，股票行要佢存入一定比例既按金），然後將借返嚟既股票賣出套現。喺借貨既合約期滿前，喺市場買入同一隻股票，將啱啱買返嚟既股票還俾經紀行，呢個動作叫做平倉（英文：covering the position，或者就咁叫covering），而一賣一買既差價，扣除借貨成本同埋手續費，就係投資者既利潤。