1.漢藏語系基本上學界都同意分成漢、藏緬兩個語族，但國際上習慣將壯侗、苗瑤獨立爲語系。有學者認爲藏語同漢語關係更近，反而同緬語無噉近，認爲要劃成「漢藏語族」同「緬語族」，同時漢藏語系改名做「藏緬語系」。如果係噉，白語、蔡家話嘅歸屬就無問題，肯定歸「漢藏語族」。
2.南亞語系嘅語族劃分有各家學說，傳統上分爲兩個語族：孟─高棉語族、蒙達語族。呢個模取用嘅分法如下：越芒語族（Vietic）、蒙達語族（Munda）、卡西語族（Khasic）、佤德昂語族（Palaungic）、克木語族（Khmuic）、莽語族（Pakanic）、卡圖語族（Katuic）、巴那語族（Bahnaric）、高棉語族（Khmer）、Pearic、Nico barese、Aslian、Monic、Shompen。
3.台─卡岱語系喺國際上算獨立語系，但係喺中國劃入漢藏語系，稱爲「壯侗語族」。
4.苗瑤語系喺國際上算獨立語系，但係喺中國劃入漢藏語系，稱爲「苗瑤語族」。
5.瓦鄉人除咗劃入漢族，亦有部份劃入苗族、土家族。
6.龍家人有劃入漢族、白族、布依族。
7.貴州里民人劃咗入黎族，實際上同海南黎族一啲關係都無，其實係穿青人一支。
8.藏回係指藏人中嘅回教徒，又叫古格人，有啲劃入藏族，有啲劃入回族。佢哋用藏文，但融合咗藏族文化同回敎文化。
9.老緬人同緬甸主體民族緬族無關。佢哋講拉祜話。
10.摩梭人講納西話，喺雲南劃入納西族，喺四川劃入蒙古族，但有自己嘅文化。
11.白語嘅歸屬爭議好大，有學者認爲屬漢語族，如果成立，噉漢語族要改名做「漢白語族」。現時學界暫時歸佢爲藏緬語族。
12.土家話已經瀕危，大部份土家人用中文。
13.蔡家話同白語一樣，有劃爲「漢白語族」定藏緬語族嘅爭詏。目前蔡家人係未劃定民族。
14.誒人講嘅誒話係漢話同壯侗語言嘅歸融話。
15.大部份茶洞人劃入漢族，少數劃入壯族。
16.八甲人無自己嘅話，都講傣話。原本係未劃分嘅民族，2011年時勐阿嘅八甲人劃入傣族，勐混嘅八甲人劃入布朗族。
17.老品人有自己嘅話，過去係未劃分民族，2011年劃入傣族。
18.現今大部份木佬人講中文，木佬話極度瀕危。
19.撣族有啲劃入壯族，有啲劃入布依族，有啲無劃入。
20.臨高人講臨高話（壯侗語族），但劃入漢族。
21.現今大部份羿人講中文、苗話、彝話，羿話已經滅絕。大部份羿人劃入漢族，少部分劃入仡佬族，有啲無劃入。
22.標族講嘅標話屬壯侗語族，但劃咗入漢族。
23.哥隆話係種歸融話，融合咗漢、苗、黎、越南話，現時劃入漢族。
24.拉基人、普標人劃咗入彝族。
25.畲話已經瀕危，大部份畲人講客家話。
26.革家人目前未劃定。佢哋嘅名其實係「亻革」家人，因爲「亻革」字庫未收，電腦打唔出，用「革」代替。
27.本人係契丹人後裔，佢哋語言、遺傳都證實到呢點。但現時劃入漢族、布朗族、白族、蒙古族。
28.布里亞特人自我認同爲蒙古族，但語言、文化同一般嘅蒙古人唔同。
29.土族當中有講五屯話嘅，五屯話係漢話同藏話嘅歸融話。五屯人由於服飾似土族而劃入，但佢哋自我認同做藏族。
30.托茂人講蒙古話，但混合咗波斯文、阿拉伯文詞彙，有自己嘅風俗，劃咗入回族。
31.康家人講康家話（蒙古語族），但生活方式混合咗回族、土族風俗。劃咗入回族。
32.克里雅人講維吾爾話，亦劃入維吾爾族，但佢哋嘅生活方式唔同其他嘅維吾爾人。
33.裕固族分講兩種語言：本族講西部裕固話（突厥語族），由於元朝蒙古統治，東部裕固人講東部裕固話（蒙古語族）。
34.圖瓦人講圖瓦話（突厥語族），但劃入蒙古族。
35.現今大部份滿族用中文，滿文極度瀕危。盧人係滿族支系，語言情況一樣。
36.赫哲話已經瀕危，大部份赫哲人用中文。
37.京族即係越南嘅主體民族越族。講嘅越南文系屬未定，但主流認爲屬南亞語系。
38.克木族、莽族喺其他國家係認證咗嘅獨立民族，而喺中國劃咗入布朗族。
39.阿爾巴津人係斯拉夫、滿、漢嘅混血民族，信東正教，基本講中文，原本用滿文、俄文。北京、天津劃佢哋爲滿族，黑龍江劃佢哋爲漢族、俄羅斯族。
40.中國嘅塔吉克族唔講塔吉克話，佢哋分講兩種話：瓦罕話、色勒庫爾話。
41.澳門嘅土生葡人現今大多講葡文同粵語，澳門土生葡話處於瀕危。土生葡話係種歸融話。現時澳門歸佢哋爲葡萄牙裔居民。
42.由於中華人民共和國無實際統治臺灣，對臺灣原住民族語言唔多瞭解，統一劃入「高山族」。臺灣南島諸語分爲三大語群，28種語言，民族上細分咗好多個族。詳情睇
Template:臺灣原住民族。
43.回輝人講回輝話（南島語系），但劃入主要講中文嘅回族。
44.中國本土嘅猶太人基本上離棄咗希伯來文、猶太教，只保留猶太風俗。有啲劃入回族，有啲未劃定。
45.朝鮮族即係朝鮮半島嘅主體民族。講嘅韓文系屬未定，爭議好大，有講話孤立語言，亦有話屬阿爾泰語系高麗語族（或者叫扶餘─新羅語族），亦有認爲自成語系做扶餘語系。
46.和族即係日本嘅主體民族，係二戰後留喺中國嘅日本移民，現時大多歸融入漢族。講嘅日文系屬未定，爭議好大，有話屬阿爾泰語系日本─琉球語族，或者自成語系做日本─琉球語系。
.jpg)
.jpg)
.jpg)
.jpg)
.jpg)
_(cropped).jpg)
_(cropped).jpg)
.jpg)
.jpg)
.png)
