樂進（2世紀？—218年），字文謙，兗州陽平郡衛國縣（家下山東省莘縣）人，東漢末年曹操嘅重要將領，因佢膽烈就做曹操手下，係五子良將之中第一個做曹操嘅手下。喺討伐袁氏嗰陣表現出色，經常立下戰功；過世之後被諡威侯。
樂進個頭樣好短細[1]，作戰勇猛，佢每次都係早到戰場，《三國志》話佢「先登有功」。
一開始係曹操嘅帳下吏（書記官），後被曹操派返所屬郡（東郡）募兵千幾人，返嚟之後升軍假司馬、陷陳都尉。
193年至194年間，呂布喺曹操東征徐州嗰陣偷襲兗州，曹操即刻還擊呂布。195年，樂進喺雍丘嗰度戰張超，同197年去苦同橋蕤戰鬥，都有先登之功，被封廣昌亭侯。
198年，去安眾征伐張繡，同去下邳圍呂布同佢副將。199年又去射犬打眭固，同200年去小沛攻劉備，都打勝仗，被拜討寇校尉。
建安五年（200年）官渡之戰嗰陣，同于禁渡河攻打獲嘉，之後做曹操嘅先鋒，奪勇力戰，斬殺袁紹嘅將領淳于瓊（《曹瞞傳》係先被拉後處斬）。
八年（203年），袁紹死咗之後，樂進同大軍去黎陽攻袁紹啲仔袁譚同袁尚，斬殺敵方大將嚴敬，獲加行遊擊將軍。五月，同張遼攻取陰安，遷徙當地居民到河南。冇耐去消滅樂安郡嘅黃巾殘黨。
九年（204年），同大軍圍攻鄴城嘅審配破城。第二年（205年）去南皮攻袁譚，之後先登東門嗰度入城。袁譚敗退雍奴，樂進同張郃領兵成功攻克袁譚。
十一年（206年），樂進同李典軍攻打高幹，由北道進逼上黨嘅壺關，佢哋用曹仁嘅計策攻克咗。同年八月，曹操派樂進、李典同張郃去淳于征伐管承。管承敗逃海島，海濱已經平定。後來曹操上奏漢獻帝讚賞樂進、于禁同張遼三人，升樂進為折衝將軍。
建安十三年（208年）嗰陣，曹操準備南下荊州，樂進個屯軍被派到潁川郡嘅陽翟縣，同時張遼同于禁分別係當地嘅長社縣同潁陰縣屯守，但係佢哋三人唔啱，曹操命令趙儼參三軍軍事，事事都有勸戒，畀佢哋三人和睦。[2]
赤壁之戰敗咗之後，樂進同曹仁等人被曹操留低防守荊州[3]。關羽斷襄陽守將曹仁嘅後路，樂進、文聘暫時打退咗關羽[4]。南郡蠻夷佢哋都降服。進討劉備手下嘅臨沮長杜普同旌陽長梁大，都戰勝。之後嚟到青泥對抗關羽[5]。
建安十八年（213年），樂進去從征孫權，得到假節。[6]，二十年（215年），同張遼、李典等七千士兵一齊守合肥，孫權領十萬大軍圍城嗰陣，曹操密函張遼同李典出戰，樂進同薛悌一齊鎮守合肥，當時樂進、張遼同李典一來都唔啱，不過李典呢刻為咗公務同張遼迎擊，之後樂進同埋張遼追擊孫權，樂進因功增食邑五百，總共一千二百戶。後嚟因為佢多次立功，再多分五百戶，封佢一個仔列侯；升職做右將軍。二十三年（218年）過世，諡號係威侯。
陳壽《三國志》評曰：「太祖建茲武功，而時之良將，五子為先。……張郃以巧變為稱，樂進以驍果顯名，而鑒其行事，未副所聞…」
曹操表揚樂進、于禁、張遼：「武力既弘，計略周備，質忠性一，守執節義（呢句係話張遼），每臨戰攻，常為督率，奮強突固，無堅不陷，自援枹鼓，手不知倦。又遣別征，統御師旅，撫眾則和，奉令無犯（呢句係話于禁），當敵制決，靡有遺失。論功紀用，宜各顯寵。」