植物嘅根部位。圖左邊嘅係直根，右邊嘅係鬚根。 根 （粵拼 ：gan1 植物 五大部位當中嘅一個構造部位，亦係植物嘅命脈。佢有吸收、傳輸、固定、支撐同儲存、繁殖嘅功能。全地球幾乎任何一種植物都有根。喺大多數嚟講，植物嘅營養都係靠根嚟吸收同供應。唔理佢喺主根、側根定係不定根嘅範圍，定係從最先嗰橛到基部。都可以分成根冠、生長位、伸長區、根毛區同成熟區五大部位。
根冠根冠就好似頂帽噉「戴」喺根嘅尖端，係根嘅各部份組織嘅發源，佢入面有生長位。 伸長區伸長區係植物嘅根生得最快嘅位。 根毛區根毛就好似部細嘅抽水機噉，有好勁抽嘅吸水能力。咪睇佢細，佢嘅數量都好多下。 喺植物嘅根系嚟講，一般係分成直根同鬚根、肉質根三種。其中：
直根：由明顯嘅主根同側根夾埋一齊嘅根。直徑比較粗。 鬚根：冇主根同側根，個樣好似啲鬍鬚 噉。直徑比較幼。 肉質根：主根比較粗兼肉質品種。 喺一般嚟講，植物嘅根系比地面上嘅植株部分多成5—15倍。
變態根有時植物為咗適應當地嘅生存環境，喺發展過程入面重搞咗好多古靈精怪嘅變態根出嚟。例如氣根、呼吸根、寄生根、水生根、儲藏根同塊狀根、圓波根等。 初生根籽出芽時，有胚根生出嘅根响地下生出嚟嘅直根。 氣生根喺空氣生嘅根。 水生根生喺水入面嘅根。 不定根喺梗或葉生出嚟嘅根。 支持根主梗或近基部生出嚟嘅根。以入土嚟支持主梗，使梗保持成樖嘢嘅穩定性。 次生根喺初生根上邊有分支嘅根。 俗話再話齋：「水有源，樹有根。」
中国少年儿童百科全书 自然·环境 第388—389页 浙江教育出版社ISBN 7-5338-1946-2 /G·1942 Wilhelm Nutsch,Allgemeine Botanik 9.Auflage Die Skript der Praktika "Struktur und Funktion der Organismen I (Pflanzen) Sommersemester 2005" (Universität Bremen Fachbereich 2 Biologie/Chemie Botanik) 中国大百科全书光盘版 轻轻松松认植物 第103页 化学工业出版社ISBN 978-7-122-15489-7 
