.jpg)
林青霞（Brigitte Lin；1954年11月3號—[1]）係臺灣女演員，1970年代台灣文藝片巨星之一，同秦祥林、秦漢、林鳳嬌並稱「二秦二林」。
林青霞喺1973年以19歲之齡拍瓊瑤嘅電影《窗外》正式出道，拍戲廿幾年戲，1994年結咗婚之後無乜拍戲。佢總共拍咗超過一百套戲，有一半係文藝愛情片，又有武俠片，係少數可以橫跨文藝、武俠兩種極端類型嘅影星。
佢喺1976年以《八百壯士》楊惠敏一角攞到第22屆亞洲影展最佳女主角；1990年以《滾滾紅塵》女作家沈韶華一角贏咗第27屆金馬獎最佳女主角獎。林青霞拍過嘅戲好多，代表作多到數唔晒。