東盎格利亞(英文：East Anglia)係東英格蘭嘅一部分，大致包括劍橋郡、羅福郡、沙福郡。「東盎格利亞」呢個名出自盎格魯族，呢族人來自薩克森，亦即「英格蘭人」嘅祖先。
東盎格利亞嘅界線唔係定得好死，因為呢個名唔係常用嘅政治區劃[1]。一般嚟講，東盎格利亞大致指劍橋郡、羅福郡、同埋沙福郡，包括劍橋郡入面行政獨立嘅彼得堡市[2]。
呢度大部分地方都係平原，好少山，適合農耕、畜牧，盛産牛肉同各類新鮮蔬菜。北面臨海地區原本全部都係泥炭地，十七世紀開始排水造地。[3]
