恒基兆業地產（港交所：00012，OTCBB：HLDCY）（簡稱恒基地產、恒地）係香港交易所上市地產公司，亦透過旗下恒基兆業發展（港交所：00097）投資控股及基建項目。公司喺香港註冊，董事局主席兼董事總經理係李家誠。
1960年代，李兆基同郭得勝、馮景禧等人創立永業公司，開始涉足地產生意，後來佢哋三個另立新鴻基地產，人稱「地產三劍俠」。不過喺1970年代頭，三個人拆夥，而李兆基就創立咗恒基兆業，主力做地產生意。
