恆河 恆 hang4 河 （梵文 ：गङ्गा 羅馬化： Ganga 孟加拉文 ：পদ্মা 羅馬化： Padma 印度 同孟加拉 。佢係印度最長嘅河 ，有2,525公里咁長；[ 1] 布拉馬普特拉河 以及梅克納河夾埋，係世界上流量最大嘅水系之一。[ 2] 北阿坎德邦 出發，經過恆河平原，流入印度洋孟加拉灣 。
恆河係印度教 嘅聖河，恆河女神亦係佢哋主要嘅神。除此之外，恆河仲養活咗唔少魚同其他動物，以及住喺附近嘅人，所以好重要。不過呢條咁緊要嘅河俾人污染 得好嚴重。
喺梵文入面，恆河叫Ganga ，有流得快、唔斷流嘅含義。
恆河個中文名意思係「恆久嘅河」，就係嚟自呢個含義。佢另外仲有「殑 ging6 玄奘 法師譯嘅。
恆河流到去孟加拉叫做Padma ，意思係蓮花，中文又譯做博多河。
恆河喺印度北部發源之後大致向東南方向走，經過孟加拉，最後流入印度洋。
帕吉勒提河 恆河嘅發源地有兩個講法，兩個都喺喜馬拉雅山 西邊、印度北部嘅北阿坎德邦嗰度。帕吉勒提河（Bhagirathi River Gangotri Glacier [ 2] Alaknanda River 水文學 上恆河嘅源頭，佢嘅水嚟自喜馬拉雅山嘅融雪。恆河嘅幹流就係喺呢兩條河嘅合流點嗰度開始。[ 3]
除咗呢兩條河，恆河仲有四條主要源流。一共六條河，連同佢哋嘅合流點，都係印度教入面神聖嘅。
恆河之後由喜馬拉雅山嘅山谷流入開闊嘅恆河平原，大致由西南走向轉做東南。恆河第二大流量嘅支流亞穆納河 就係喺呢度同恆河匯合；兩條河合流之後有成58.5%嘅水都係由亞穆納河貢獻嘅。[ 4]
跟住恆河再轉彎向住東面流。恆河喺幾條細啲嘅河加入咗之後，就同加格拉河（Ghaghara River）相遇。加格拉河同樣由喜馬拉雅山開始；佢經西藏 同尼泊爾 ，最後同恆河接合，係恆河最大流量嘅支流。
之後恆河又轉返向東南面流。喺流入孟加拉境内之前，恆河就出現咗第一條分流，叫胡格利河（Hooghly River）。
恆河喺孟加拉嗰段叫做Padma。佢先同布拉馬普特拉河嘅分流匯合，之後再同梅克納河（Meghna River
恆河水入面嘅沉積物喺出海口形成恆河三角洲。佢有成64,000 km2 咁大， 係世界上最大嘅三角洲 。[ 5]
恆河流經嘅恆河平原係中央平原 嘅一部分，呢度俾人話係好幾個文明嘅搖籃。由公元前三世紀嘅孔雀王朝 ，一路到十六世紀嘅蒙兀兒汗國 都係呢度出嚟嘅。[ 3]
去到1951年，印度諗住起條河壩 ，將一啲河水引流去胡格利河嗰邊。座壩就起喺印度同東巴基斯坦 （今日嘅孟加拉）邊境附近，喺旱年會搞到去東巴嘅水得返五分之一左右。東巴於是提出反對，然後爭拗就開始咗。要去到1996年，孟加拉已經獨立咗廿五年，印孟兩邊先至和解。佢哋簽咗分三十年協議，確保孟加拉唔會冇水。[ 6]
恆河係印度教嘅聖河，啲水啱搞宗教儀式。佢亦係其他聖河嘅體現，例如哥達瓦里河 又叫做南面恆河。[ 7]
喺印度教文化入面，流水可以吸走雜質，而恆河就將啲嘢沖得最乾淨。流水除咗洗走灰塵之外，仲有心靈入面嘅污糟嘢。所以就算科學角度上面恆河水質有幾差都好，恆河水都係喺宗教儀式同象徵意義上純潔嘅。浸喺恆河入面可以洗走一個人成世嘅罪過，所以好多信印度教嘅人都會去浸下，尤其係去水流特別快嘅上游。[ 7]
2001年大壺節嘅情景 大壺節係印度教信徒去恆河聚集朝聖 嘅節日，每十二年一次。而每六年會有一次中型集會，每三年就一次小聚。大壺節嘅主要活動係喺恆河邊浸浴嘅儀式，另外仲有宗教辯論、唱詩歌等等。大壺節係印度教嘅朝聖之旅入面最神聖嗰個，所以好多苦行僧 都會參加，每次集會都吸引到幾百萬信徒。[ 8]
喺印度教入面，恆河仲係一位好重要嘅女神，叫做甘加（Ganga ）。好多印度教信徒都會拜佢。
恆河喺印度教入面又稱之為甘加媽媽（Ganga Mata ）。一來佢會包容、寬恕嗮所有嘢，好似母愛噉；而且同其他女神唔同，佢完全冇毀滅性嗰面。[ 7] [ 9]
印度教三個最重要嘅神合稱叫三相神 ，而甘加係全部三位嘅配偶。喺關於創造神梵天 嘅故仔入面，甘加通常以水嘅形式出現，跟住梵天周圍去。[ 7]
就住守護神毗濕奴 嚟講，有神話話到甘加係毗濕奴三個老婆之一。[ 7] 濕婆 老婆，而淨返嗰位和事嘅就繼續做佢老婆。點知嗰兩位係噉嘈，搞到毗濕奴要收回成命，最後佢哋以河嘅形式繼續陪住毗濕奴。[ 9]
至於甘加同毀滅神濕婆嘅關係係最親密嘅。有段故話甘加一次又一次噉由天上跌落凡間，跌入濕婆嘅頭髮裏面，於是就不斷俾濕婆馴服。[ 9]
恆河流域入面大概有350款魚，其中有幾款係恆河獨有嘅。淨係計品種，有一半都屬於鯉形目 、兩成半係各種鯰魚。[ 10] [ 11]
恆河豚 恆河其中一款最出名嘅動物係恆河豚 （學名：Platanista gangetica gangetica [ 12] 世界自然基金會 話2012年已經淨低三千隻。
恆河水入面嘅沉積物有好多養分，所以佢流域嘅泥土都夠嗮肥沃，好啱種嘢。[ 2] 米 、蔗 、薯仔 、辣椒 等等。另外，有唔少漁夫會喺恆河捉魚，所以嗰度漁業都幾旺盛。
當地另一個主要產業係宗教旅遊。印度教有幾個聖地都喺正恆河隔籬，吸引好多信徒去朝聖。恆河嘅急流亦都出名可以撐艇，每年夏天都會有人去嗰度玩。除此之外，有幾座城都喺恆河邊起咗步道，吸引遊客去睇風景，包括印度比哈爾邦首府巴特那 。[ 13]
恆河嘅污染問題非常嚴重。淨係喺維華拿斯 ，每日就有差唔多二億公升未經處理嘅污水排落恆河入面。呢個情況導致河水入面有好多糞生大腸桿菌 （fecal coliform [ 14]
有研究估計，每年用恆河水浸浴、洗碗碟、或者刷牙嘅人入面，有三分之二都會病。呢啲病包括霍亂 、痢疾 、甲型肝炎 、同傷寒 。[ 14]
喺1985年，印度政府提出咗恆河行動計劃（Ganga Action Plan [ 15] [ 15] [ 16]
喺2008年，恆河正式成為印度「國河」。政府趁機成立咗國家恆河流域管理局（National Ganga River Basin Authority [ 17]
喺2017年，北阿坎德邦高院將恆河宣佈做法人，畀咗啲權利佢。[ 18] [ 19]
↑ Jain, Sharad K.; 等 (2007).Hydrology and Water Resources of India ISBN 978-1402051791 ↑2.0 2.1 2.2 "Ganges River Basin" .National Geographic (英文). 喺May 14, 2023搵到 .↑3.0 3.1 Lodrick, Deryck O.; 等."Ganges River" .Britannica (英文). 喺May 14, 2023搵到 . ↑ Singh, Indra B. (2008). "The Ganga River". 出自 Avijit Gupta (編).Large Rivers: Geomorphology and Management (英文). Hoboken: Wiley. p. 347-371.ISBN 978-0-470-84987-3 ↑ Parua, Pranab K. (2009).The Ganga: Water Use in the Indian Subcontinent (英文). Berlin: Springer.ISBN 978-9048131020 ↑ Salman, Salman M. A.; Kishor Uprety (2002).Conflict and Cooperation on South Asia's International Rivers: A Legal Perspective ISBN 978-0821353523 ↑7.0 7.1 7.2 7.3 7.4 Eck, Diana L. (1982).Banaras, City of Light (英文). Columbia University Press.ISBN 978-0231114479 ↑ Maharaj, Sat (October 24, 2012)."Kumbh Mela, Most Sacred of Hindu Pilgrimages" .Trinidad and Tobago Guardian (英文). ↑9.0 9.1 9.2 Eck, Diana (1998). "Gangā: The Goddess Ganges in Hindu Sacred Geography". 出自 John S. Hawley; Donna M. Wulff (編).Devī: Goddesses of India (英文). University of California Press. p. 137-153.ISBN 8120814916 ↑ Allen, David J.; 等 (2010).The Status and Distribution of Freshwater Biodiversity in the Eastern Himalaya (英文). Gland, Switzerland: IUCN.ISBN 978-2-8317-1324-3 ↑ Sarkar, Uttam K.; Pathak, Ajey K.; Sinha, Ravindra K.; 等 (2012). "Freshwater Fish Biodiversity in the River Ganga (India): Changing Pattern, Threats and Conservation Perspectives".Reviews in Fish Biology and Fisheries (英文).22 : 251–272.doi :10.1007/s11160-011-9218-6 . ↑ Prideaux, Margi (January 19, 2010)."Ganges River Dolphin Declared India's National Aquatic Animal" (英文).原著 喺September 2, 2011歸檔. ↑ "Ganga Pathway to be Complete in Three Years" .The Times of India (英文). April 22, 2014.↑14.0 14.1 Abraham, Wolf-Rainer (2011). "Megacities as Sources for Pathogenic Bacteria in Rivers and Their Fate Downstream".International Journal of Microbiology (英文): 1-13.doi :10.1155/2011/798292 . ↑15.0 15.1 Singh, Munendra; Singh, Amit K. (2007). "Bibliography of Environmental Studies in Natural Characteristics and Anthropogenic Influences on the Ganga River".Environmental Monitoring and Assessment (英文).129 (1–3): 421–32.doi :10.1007/s10661-006-9374-7 .PMID 17072555 . ↑ Sheth, Jagdish N. (2008).Chindia Rising: How China and India will Benefit Your Business ISBN 978-0070657083 ↑ "Ganga Gets a Tag: National River – Vote Whiff in Step to Give Special Status" .The Telegraph (英文). Calcutta, India. 5 November 2008.原著 喺2008年11月8號歸檔.↑ Trivedi, Anupam; Jagati, Kamal (March 22, 2017)."Uttarakhand HC Declares Ganga, Yamuna Living Entities, Gives Them Legal Rights" .Hindustan Times (英文). 喺May 15, 2023搵到 . ↑ Goswami, Urmi A. (March 25, 2017)."Will Granting Legal Rights to Rivers Like the Ganga, Change the On-ground Situation?" Economic Times (英文). 喺May 15, 2023搵到 . 
