微辣（英文：Manner）係個澳門嘅娛樂品牌，為微辣文化有限公司（葡文：Manner Cultura Lda.；英文：Manner Culture Ltd.）所有。
陸志豪、李偉麟以及林茂發響2013年8月合資成立微辣製作有限公司（葡文：Manner Produções Lda.；英文：Manner Production Ltd.）；佢哋專門整啲搞笑影片，上載到社交媒體平台[1]；響2014年6月因《買雪糕時不要分心》[2]大受歡迎而變得聲台大噪[3]，並響2015年得到姜偉靖注資[4]；再先後喺大陸以及香港成立分公司以及辦公室，響2018年首季改為現名[5][6]。2023年7月，其前職員劉靜儀自殺，成為咗哄動嘅大新聞，公司整體同多個成員飽受批評，官方Instagram户口響8月10號宣布「微辣頻道」「暫停更新」[7]；到左2024年9月先至恢復正常，不過坊間反應欠佳[8]。
原本「微辣」網站只係得幾條十秒鐘嘅短片，後嚟因為一條麥當勞揸雪糕嘅片爆紅[註 1]，佢哋貼地搞笑共鳴嘅風格，吸引咗好多人鍾意，對佢哋有興趣，之後仲越做越大。而家喺各平台嘅短片畀人瀏覽咗超過30億次，Fans亦超過600萬，遍佈中國大陸、香港、澳門、台灣、東南亞等地[10][11]，由六毫子、Jacky Lei同埋加蔥三人夾份搞咗微辣創作[12]／微辣工作室[13]，亦即係微辣嘅前身。
有消息指呢檔生意喺2021年已經籌備緊喺香港上市，不過由於業績唔夠好，一直實行唔到。到2023年，劉靜儀（阿晶）自殺事件重創佢哋嘅計劃，唔止畀人質疑佢哋詐騙澳門政府津貼，仲被廣大港澳市民抵制，搞到好難營運，甚至可能要執笠或賣盤。[14][15]阿晶自殺事件後，微辣宣布暫停更新。[16]有網民影到微辣嘅辦公室拆哂，裏面一片狼藉。[17]
響2024年9月5號，該公司上載新歌〈成長列車〉嘅MV，作為「重啟」之作。[18]
微辣按商標中嘅橙色尖椒塑造左隻名為BiBi椒／嗶嗶椒嘅卡通角色[19]；佢由2016年1月至2017年11月經常以公仔人形態出現於其影片當中[20][21]。
喺2022年7月26號，食品公司Future Salad被揭發喺ClubONE淺水灣店搞違反限聚令嘅活動，其中一啲微辣嘅演員，仲有丁子高同方力申都有出席[22]。
劉靜儀（阿晶／Jane）曾經係微辣嘅經理人，亦曾經係林茂發（加蔥／Nathan）嘅女朋友，2021年離開咗微辣並獨立噉做KOL，到2023年先後疑似食安眠藥自殺失敗同證實燒炭自殺成功，而自尋短見嘅原因被指為長期抑鬱症。坊間推斷佢嘅情緒病起係同林茂發嘅感情瓜葛加上其他微辣職員嘅精神傷害。阿晶喺網絡上同林茂發隔空對質，證實阿晶曾經懷有加蔥骨肉，加蔥遊說或威迫到阿晶去墮胎，加蔥向阿晶表示自己係不婚主義者，其後分手；過咗一排向微辣另一個女職員張詠儀（儀仔／Catherine）求婚，並喺網上多次放閃，兩人現為未婚夫妻。另外，亦有大量網民分析阿晶自殺嘅另一個原因係最少六個其他微辣成員夾份職場欺凌兼網絡欺凌佢，阿晶亦指控微辣有人恐嚇，要佢收聲，而公司已經整好咗用來對付佢嘅歌同片，仲要佢簽署若干聲明，微辣喺後來嘅一份公告否認有噉嘅事。[23][24]
喺阿晶死後無幾耐，YouTube頻道「伍妞有伍仔」多次聲稱得到獨家報料，並以此為題，發表喺商業上似乎對微辣文化有利嘅言論，後來有唔少佢展示或描述嘅所謂證據被確認係流嘢，因此備受網絡輿論批評，以下列出較為囑目者；若干其他因有「標題黨」問題而為人詬病嘅內容在此省略。
{{cite web}}: CS1 maint: url-status (link)