希臘神話最大粒嗰位：宙斯 希臘神話 （粵拼 ：hei1 laap6 san4 waa2 希臘文 ：ἡ Ἑλληνικὴ Μυθολογία ）係指古希臘 種種神話 ，內容包括神 、英雄 、自然 同宇宙史 咁。希臘神話大作有荷馬 嘅《伊利亞德 》同《奧德修記 》、赫西奧德 嘅《神譜 》咁。
19 世紀一幅油畫 ，描繪畫家想像中「海格力斯同九頭蛇戰鬥」嘅情境。 希臘神話入面充滿咗講英雄嘅故仔。當中最出名嘅要數著名英雄 海格力斯 （Ἡρακλῆς / Heracles）[ 1] :p. 143-144 。
Info：海格力斯誅殺九頭蛇
海格力斯係一個半神 ，佢阿媽係個平凡人，而佢阿爸就係身為眾神之王嘅宙斯 。海格力斯血統上一半係天神 所以有超人力量，佢足智多謀又力大無窮，做出咗好多英勇事跡，係廣受全希臘 敬重嘅英雄。不過始終佢係宙斯嘅私生子，所以天界女王希拉 （宙斯個正室老婆，同時亦係掌管結婚 同生育 嘅天神）不嬲都好憎佢，好想搵方法整死佢。有一日，希拉對海格力斯落咒，搞到海格力斯發癲攻擊身邊嘅人，仲殺死自己老婆同仔女。悲痛嘅海格力斯向太陽神阿波羅 祈禱，想贖罪。阿波羅聽到佢嘅祈禱，就叫佢去做邁錫尼 國王嘅僕人做 10 年[ 2] :p. 253 。
海格力斯喺邁錫尼國王手下做嘢期間，曾經被派去做 12 單好危險嘅工作，而呢連串事跡就係海格力斯嘅勞動 。响第二單勞動當中，海格力斯畀國王派去誅殺九頭蛇 （Ὕδρα / Hýdra）－條蛇查實係希拉暗中養出嚟嘅，想用條蛇嚟殺死海格力斯。九頭蛇蛇如其名有九個頭。佢住喺一個大沼澤 裏面，海格力斯搵塊布揞住自己口鼻行入沼澤，同九頭蛇戰鬥。
一般嘅攻擊對九頭蛇完全冇效：每當海格力斯將九頭蛇嘅其中一個頭斬落嚟嗰陣，條蛇會即刻生個新嘅頭出嚟，無論海格力斯點樣斬條蛇嘅頭，條蛇都唔會死；海格力斯大聲叫佢個侄仔伊奧勞斯 嚟幫手，伊奧勞斯諗到條計仔，提議每次斬條蛇嘅頭嗰時都用火燒條蛇嘅傷口；然後兩個人就一齊合作行動，海格力斯一路斬條蛇嘅頭，而伊奧勞斯就一路攞住火把，用火辣海格力斯斬蛇頭造成嘅傷口；結果伊奧勞斯條橋真係掂，條九頭蛇愈嚟愈虛弱，最後海格力斯攞住雅典娜 賜畀佢嘅神劍，將九頭蛇最後嗰個頭一嘢斬落嚟，成功誅殺九頭蛇。
希臘神話嗰啲天神 ，好多時都係某啲概念 嘅人格化 ：例如根據好多希臘神話故事嘅描述，蓋亞 （Γαῖα / Gaîa）唔淨只係大地 嘅女神咁簡單，仲係大地呢樣嘢嘅人格化－當大地因為打仗 而著嗮火嗰陣，蓋亞會「覺得痛 」；亦可以睇吓作為黑夜 嘅人格化嘅倪克斯 （ Νύξ / Nýx）或者作為勝利 嘅人格化嘅尼姬 （Νίκη / Nike）... 呀噉[ 3]
1873 年一幅油畫，幅畫描繪隻薩提洛斯 喺度同班寧芙 跳舞。 寧芙 （Νύμφες / Nymph）：係希臘神話入面一類次要女神 。正常嚟講，每位寧芙都會同自然環境 入面某一件有生命力 嘅嘢（例如一樖生得好茂盛嘅樹 ，或者一條小溪 ）有連繫，屬自然神靈 。寧芙係「次要」嘅神祇－佢哋唔似得（例如）宙斯 或者雅典娜 等嘅大天神噉會話掌管住啲乜嘢重大嘅力量，而且佢哋嘅壽命雖然長過人類好多，但依然係有限嘅，唔似得啲大天神噉長生不死 ；不過佢哋話嗮都係神祇，會有一定嘅神力，而且傳說話佢哋有可能對人類有好意，所以唔少古希臘人 都會拜寧芙，想求寧芙保佑。 薩提洛斯 （Σάτυροι / Sátyros）：係種半人 半獸嘅傳說生物 ，同戴歐尼修斯 （掌管酒 、果園 同豐收嘅天神）好有啦掕。喺外形上，典型嘅薩提洛斯望落上半身似男人而且從來都唔著衫，下半身就似馬 或者山羊 （又或者下半身似人但有好似馬噉嘅尾）。除此之外，一隻薩提洛斯仲會有條好大好樣眼嘅下體[ 4] 根據傳說描述，薩提洛斯出嗮名鍾意享樂，而且好淫蕩：傳說講，薩提洛斯住喺山 同森林 等偏僻嘅地方，會祟拜戴歐尼修斯；佢哋好懶唔會點樣做嘢，終日就係掛住跳舞 同飲酒 ，而佢哋唔跳舞飲酒嗰陣，就鍾意用各種方式追求性愛 上嘅快感 ；甚至仲有啲故仔話，薩提洛斯會為咗得到性愛上嘅滿足而走去強姦牲畜 、人類 同埋寧芙 [ 5] 牛頭怪 希臘神話啲故仔 成日提到 「有人類自高自大，諗住自己同天神對等甚至超越天神，結果落得悲慘下場」噉嘅情節 ，例如掗克妮 嘅故仔就係噉[ 6]
掗克妮係個牧羊人 嘅女。佢由好細個嗰陣就喺度學梭織 ，到佢大個就成為咗個出名擅長做梭織嘅織女。佢對自己嘅技術好有信心。有日，佢仲自大 到諗住自己喺梭織技術上能夠打贏雅典娜 （掌管打仗 同手工藝 嘅女神），於是佢就走咗去挑戰雅典娜，話要同雅典娜鬥梭織。
雅典娜接受掗克妮嘅挑戰：於是兩方就各自郁手織；等到兩個都停手嗰陣，雅典娜織好咗塊緙織壁毯 ，啲圖案描繪眾神嘅英姿，而掗克妮都係織好咗塊緙織壁毯，不過啲圖案係描繪眾神啲風流事蹟[ 註 1] [ 7]
掗克妮好驚，諗住自己得罪咗天神下場實會好慘，嚇到走去吊頸 。不過雅典娜冷靜咗吓，又覺得掗克妮罪不至死，於是就施法將掗克妮用嚟吊頸嗰條繩變成蜘蛛網 ，而掗克妮就幻化變咗做隻蜘蛛 －掗克妮有得保住條命，但要一世係噉喺度織蜘蛛網[ 7]
有學者 指，掗克妮係希臘神話入面典型 「有人類自高自大（hubris ），諗住自己同天神對等甚至超越天神，結果落得悲慘下場」嘅故仔。
18 世紀初一幅油畫 ；幅畫描繪想像中「米娜娃 （雅典娜 嘅羅馬版 ）郁手毆掗克妮」嘅情境。
↑ Kerényi, K. (1978).The heroes of the Greeks . Thames and Hudson. ↑ Hard, R. (2003).The Routledge handbook of Greek mythology: Based on HJ Rose's handbook of Greek mythology . Routledge. ↑ Paxson, James J. (1994).The Poetics of Personification . Cambridge University Press ↑ Timothy Gantz (1996),Early Greek Myth , p. 135. ↑ Riggs, Don (2014), "Faun and Satyr", in Weinstock, Jeffrey Andrew (ed.),The Ashgate Encyclopedia of Literary and Cinematic Monsters , New York City, New York and London, England: Ashgate Publishing, pp. 233-236. ↑ Wong, R. (2012). Hubris & Nemesis: A Correlational Analysis.Prandium: The Journal of Historical Studies at U of T Mississauga , 1(1). ↑7.0 7.1 Gallagher, David (October 2008). "The Transmission of Ovid's Arachne Metamorphosis in Jeremias Gotthelf's Die Schwarze Spinne".Neophilologus . 92 (4): 699-711. 
_-_Nymphs_and_Satyr_(1873)_HQ.jpg)
.jpg)