定符（粵音：ding6 fu4；大致意譯自英文：Determinative）係文字學上嘅一個概念。如果話某個符號係一個定符，意思係話依個符號屬於形意符號，書寫習慣上用嚟加喺某個符號側邊，標示後者個符號語義上「屬於咩類型」，達致防止寫緊嗰句嘢有歧義。
根據廿一世紀初嘅分析，漢字每一「格」都係表示緊一個形態素或者詞語。當中形聲字會分形符同聲符，形符同聲符都算係自成一嚿文字素，例如清同請呢兩隻漢字，一隻從氵（水部）一隻從言部，形符大致表達隻漢字意思上屬於咩類型，而聲符就大致表達隻漢字嘅發音[1]，因此
而清、請同青嘅粵語讀音就係cing1、cing2/ceng2 同cing1/ceng1。