呢篇文章講嘅係
編程上用嘅技術。假如你想揾嘅係
數學概念，請睇「
函數」。
子程式（英文：function，粵音：fang1 seon4[1]），又叫子程序，亦有叫函數，喺編程上係指大型程式當中特定嘅一柞程式碼，由一句或者多句陳述式組成，專門完成某項工作，而且獨立於子程式外嘅陳述式。通常用嚟教個程式做一啲要重複做若干次嘅工作。
例如係以下呢段虛擬碼，就會令個程式行子程式 a 三次，等個程式員唔使將子程式 a 段碼寫三次[2]：
子程式a...喺依道講好個子程式做乜...行子程式a行子程式a行子程式a
噉做除咗慳位，第時想更改源碼嗰時亦會方便啲：假如編程員將同一段碼寫三次，將來想改嘅時候就要逐段逐段改，改三次；用咗子程式，就只係需要改個子程式入便嘅碼，改一次。
以下係用JavaScript 展示子程式嘅示範：
letglobalVar="我係 Global";functionFangSeon(){letlocalVar="我係 Local";console.log(globalVar);// 成功：讀到全域變數console.log(localVar);// 成功：讀到局部變數}FangSeon();console.log(globalVar);// 成功console.log(localVar);// 呢行會引致 error，因為喺呢度 localVar 係唔存在嘅。最後嗰行會引致錯誤，係因為喺 JavaScript 嘅子程序之中用let 嚟設定變數，個變數會自動設成以嗰個子程序為作用域，由於localVar 係喺FangSeon 呢個子程式入便設定嘅，佢喺個子程式以外嘅地方唔存在，喺個子程式以外嘅地方想用佢，就會出錯[3]。
寫程式嗰陣用子程式嚟處理一啲要做好多次嘅工作，有助達致模塊化。
