威廉亨利哈里臣威廉亨利哈里臣（英文：William Henry Harrison；1773年2月9號—1841年4月4號），又譯做威廉·亨利·哈里遜，係第九任美國總統（1841年），上任一個月就死咗，係在位最短嘅美國總統。佢係第一個輝格黨嘅總統。
佢個孫班哲文夏里遜亦都係美國總統。
哈里遜喺1773年2月9號喺維珍尼亞州出世，未來會成為最後一位唔係一出世就係美國市民嘅美國總統，佢直至到14歲都係喺屋企學嘢，之後喺漢普登-悉尼學院（英文：Hampden–Sydney College）讀咗三年。
18歲嘅哈里遜加入咗美國第一軍團，之後成為中尉，佢喺1794年嘅倒木之戰入面有好大嘅貢獻，令到佢喺當時嘅美國人眼中係一個偉大嘅英雄。
22歲嘅哈里遜喺1795年喺俄亥俄州識咗安娜·脫希魯·仕姆斯（英文：Anna Tuthill Symmes），佢想同安娜結婚，不過安娜嘅爸爸唔批准，於是佢哋就決定私奔，喺嗰年嘅11月25日結婚，佢哋總共生咗十個仔女。
佢哋嘅仔女有：
- 莊·斯哥特·哈里遜（1804–1878）未來總統班哲文哈里遜嘅爸爸
哈里遜喺美國軍隊1798年6月1日暫時辭職之後踏入咗政治生涯。
佢做過嘅重要職位有：
哈里遜退休之後，輝格黨邀請佢做總統大選嘅候選人，不過因為輝格黨喺1836年嘅總統大選有四個候選人，分散咗投畀佢哋嘅選票，最後輸咗俾民主黨嘅馬田·范布倫。喺1840年，哈里遜再次做輝格黨嘅候選人，不過馬田·范布倫嘅支持者話67歲嘅哈里遜已經太老，唔適合做總統，可能會任期未完就老死，最後，因為戰事而受歡迎嘅哈里遜贏咗總統大選，成為第九任美國總統。
哈里遜為咗證明自己仲好後生同埋健康，佢喺總統就職典禮嗰日冇着褸演講咗兩個鐘，係美國總統就職典禮最長嘅演講，好多歷史學家相信呢個可能係佢嘅死因之一。演講當中佢計畫要廢除安祖·積遜同埋馬田·范布倫嘅政策，會重新建立國家銀行，亦應承咗唔會連任。
佢將內閣入面嘅民主黨人全部都除去，以輝格黨嘅人文取代佢哋。
佢命令咗嘅內閣人員有：
佢原本想召集國會開一個特別會議，計畫喺1841年5月31日開會，不過因為佢嘅病情不斷惡化，最後喺1841年4月4日就去世，成為第一個喺任期內去世嘅美國總統。
副總統約翰·泰勒之後成為第十任總統，之後佢同國會爭論佢到底係代理總統定係真正嘅總統。
