呢幅地圖描繪嘅，係古英文嗰四大方言 嘅分佈。英文喺呢個時間嘅發展都係非常之地道，各自各都唔一樣。 古英文 gu2 jing1 man4*2 Ænglisc ；英文 ：Old English 英文 嘅「語言祖先」，古時英倫 用嘅語言，喺5世紀 到13世紀 間存在。古英文同現代英文喺各方面都爭好遠：雖然現代英文大部分嘅字根 都係嚟自古英文，但係因為文法 同發音 變咗好多，所以依家講英文嘅人都唔會聽得明 古英文[ 1]
古英文曾經有一套變格 [ e 1] 拉丁文 、希臘文 、同埋德文 等等類似，簡單講即係一隻字詞要視乎佢喺句子入邊做乜嘢角色而變樣。不過由古英文變中古英文 嗰段期間，英文喪失咗大部份嘅變格系統。到咗廿一世紀，英文嘅變格淨係得返屬格 仍然用緊，而屬格以外嘅文法格 近乎唔見晒咁滯，係得例如男性第三人稱代詞 做主語 嗰陣係he （主格 ）但係做賓語 嗰陣要變做him （賓格 ）呀噉。
除此之外，古英文有文法性別 ，呢樣嘢喺現代入便已經消失咗好耐。
英文嘅起源大約係 400 年後嗰兩個世紀，當時日耳曼人 開始遷徙去英倫 呢笪土地，而喺一路直至 10 世紀，盎格魯-撒遜人 [ e 2] 歐洲 北部移居去英倫，將佢哋嘅日耳曼語言 帶埋去嗰度，從此之後佢哋就同其他日耳曼人群體分流，變到喺語言同文化 上同其他日耳曼人有異—英文就誕生咗[ 2] [ 3]
到 5 世紀開始，盎格魯-撒遜人 開始大批移民去英倫。當時嘅英倫已經有人住，呢啲原居民係講蓋爾特語言 [ e 3] [ 4]
古英文依然係一種日耳曼語言，蓋爾特語言嘅影響相對微細[ 5] 愛爾蘭 、蘇格蘭 同威爾士 等地依然維持住影響力—及後嘅愛爾蘭蓋爾話 、蘇格蘭蓋爾話 同威爾士話 都係蓋爾特語言，而喺英倫以至蘇格蘭同威爾士嘅個別地方，到咗依家都仲有唔少蓋爾特-日耳曼融合嘅地名。
到 7 世紀開始，基督教 開始傳入大不列顛島 ，呢樣嘢又引起咗一啲重要嘅語言變化：當時基督教嘅權力中心喺羅馬 ，基督教自然係主要以拉丁文嚟傳播；除此之外，古希臘文 亦有一定嘅影響力，噉係因為《新約聖經 》（基督教嘅基礎經典）係以古希臘文寫嘅，而且羅馬帝國本身就深受古希臘 影響，所以拉丁文字詞有好多原本都係嚟自 古希臘文嘅。如是者，古英文喺呢段時間吸納咗好多拉丁文嘅字詞。據估計喺呢個時期，有成 400 隻字詞由拉丁文傳咗過去 古英文嗰度，尤其係一啲宗教 相關嘅字詞[ 6] [ 7]
順帶一提，古英文本來係用盧恩字 [ e 4] 羅馬教會 影響，後來喺 8 世紀改為用羅馬字 [ e 5]
到 8 世紀，維京人 [ e 6] 斯堪的納維亞 （大致相當今日嘅挪威 、瑞典 同丹麥 等地），講嘅係古羅斯文 [ e 7] 挪威文 、瑞典文 同丹麥文 嘅「語言祖先」。喺之後嗰幾百年期間，兩班人一齊控制英格蘭，所以當時有唔少人都係識講英文又識講古羅斯文，加快咗呢兩種語言嘅融合[ 11]
到咗最後，古英文估計總共借咗大約 2,000 個嚟自古羅斯文嘅字詞，當中不乏一啲日常生活成日用嘅字詞。
呢張紙上面寫咗公元 10 世紀嘅《卑奧胡夫 》文本。呢段文本主要用咗羅馬字 嚟寫。 篇文用咗嘅行話 或者專有名詞 ，英文 版本如下：
↑ declension ↑ Anglo-Saxons ↑ Celtic languages ↑ runes ↑ Roman script ↑ Vikings ↑ Old Norse 篇文引用咗以下呢啲文獻 同網頁 ：
↑ "Geordie dialect" . Bl.uk. 2007-03-12.原著 喺2019-07-22歸檔. 喺2010-06-19 搵到 .↑ Higham, Nicholas J., and Martin J. Ryan.The Anglo-Saxon World . Yale University Press, 2013. p. 7. ↑ Richard M. Hogg, ed.The Cambridge History of the English Language : Vol 1: the Beginnings to 1066 (1992). ↑ Shore, Thomas William (1906),Origin of the Anglo-Saxon Race - A Study of the Settlement of England and the Tribal Origin of the Old English People ↑ Filppula, Markku, Juhani Klemola and Heli Pitkänen (eds.). 2002.The Celtic Roots of English . Joensuu: University of Joensuu, Faculty of Humanities. ↑ Baugh, Albert and Cable, Thomas. 2002.The History of the English Language . Upper Saddle River, New Jersey: Prentice Hall. pp. 91-92. ↑ §16. The Legacy of Latin: I. Old English . BC Campus.↑ Bishop . Etymology Dictionary.↑ Hymn . Etymology Dictionary.↑ School . Etymology Dictionary.↑ Hogg, Richard M. (ed.). (1992).The Cambridge History of the English Language (Vol. 1): the Beginnings to 1066. Cambridge: Cambridge University Press, pp. 320ff. 
