60°13′21″N 112°7′22″W / 60.22250°N 112.12278°W /60.22250; -112.12278
加拿大 （粵拼 ：gaa1 naa4 daai6 Canada ，英文發音：[ˈkænədə] (幫手 ·個快勞 ) [kanada] ；魁北克法文發音：[kanadɔ] (幫手 ·個快勞 ) [ 1] 加國 ，俗稱楓葉國 ，係世界上國土第二大國，佔咗北美洲 北部嘅大部分，海域東去到大西洋 西部，喺漢斯島 同格陵蘭 接壤，南部同西北部同美國 接壤，西去到太平洋 東部，北去到北冰洋 。每年7月1號係加拿大國慶 。
原住民 已經響加拿大住咗成萬年。喺15世紀尾，英國 同法國 開始喺度擴張殖民地。後尾喺1763年 ，法國打輸咗七年戰爭 ，就割讓咗差唔多成個新法蘭西 出來。1867年 ，加拿大根據英屬北美法案 成為英國嘅自治領 之一。1982年 ，根據加拿大憲法法案 ，加拿大取得修憲權，正式同英國分離，但仍然保留喺英聯邦 。
聯邦係由加拿大十個省同埋三個地區組成嘅。加拿大行雙文制度同埋係一個多元文化主義 嘅國家，官方語言係英文 同法文 。喺一個咁先進嘅工業化國家，加拿大保持住多元化嘅經濟，喺好大程度上依賴豐富嘅自然資源。加拿大同美國喺貿易上已經有咗好長同深遠嘅關係。
加拿大喺1867年立國，首都係渥太華 。不過，而家人口最多，經濟及文化來講最重要嘅城市係多倫多 。其他較大嘅都市，包括滿地可 、溫哥華 以及卡加利 。
喺二十世紀有好多世界各國嘅人移民到加拿大，中國人 都唔例外。而家加拿大華裔人口已經超過一百萬人，大部份集中喺好似多倫多同埋溫哥華噉嘅大城市。當中粵語 係加拿大嘅第三大語種，排喺英文、法文之後。
加拿大「Canada 」來自聖羅倫斯河嘅伊洛魁話，解做「村」。1535年，魁北克市 區民用咗呢個字來形容斯他達剛拿 呢條村畀雅克卡地亞 聽[ 2] [ 3]
法屬加拿大即係話沿住條聖羅倫斯河 同埋大湖嘅北岸。後尾又分開咗做兩個地方，一個係英國嘅，叫上加拿大，另外嘅叫下加拿大。1841年成立加拿大省。1867年開始，加拿大聯邦或者加拿大就俾人用來形容成個國家，1950年代之前都好興叫加拿大自治領。加拿大要求政治自治，聯邦政府開始淨係喺合法條款度叫加拿大。1982年加拿大法案指明加拿大係唯一（英文法文都係）一個合法嘅國家名。呢個法案出台嗰日就將自治領日，改咗名叫加拿大日 。
加拿大行君主立憲制 、聯邦制 同議會制 。元首係查理斯三世 。君主喺加拿大嘅代表叫總督 ，由加拿大總理大臣提名，君主任命；佢無任何政治歸屬，負責用君主名義同意法案、宣讀君主講話、簽國家文件、宣佈國會召開或解散、同埋第啲國家職務。君主（通過總督）名義上係首腦，但佢嘅實權保留喺危機時用，例如宣戰 。
而家嘅總督係Mary Simon 。總理 大臣就由執政黨 黨魁做，目前係聯邦自由黨 黨魁卡尼 （Mark Carney）。立法機關 係國會 。
主要政黨：
加拿大自由黨 （英文：Liberal Party of Canada Parti libéral du Canada 左翼 ，主張自由主義 嘅政黨）加拿大保守黨 （英文：Conservative Party of Canada Parti conservateur du Canada 資本主義 、保守主義 嘅政黨）加拿大新民主黨 （英文：New Democratic Party Nouveau Parti démocratique 民主社會主義 嘅政黨）魁人政團 （法文：Bloc Québécois 魁北克省 脫離加拿大獨立嘅政黨）加拿大綠黨 （英文：Green Party of Canada Parti vert du Canada 環保主義 嘅政黨）加拿大國會 係包括君主、參議院 同眾議院 。君主嘅代表係總督 。參議員嘅空缺由總督根據總理大臣 嘅「推薦」來委任，任期係做到 75 歲為止，目前有 105 席。眾議院嘅議員由聯邦大選普選，目前有 338 席，每席代表一個選區，選區每10年按人口經獨立委員調整劃界。
「加拿大皇室」係國會同行政機構嘅一部分，但係皇室嘅代表亦都係總督。實質上，君主唔會單方面行使權力，而係會聽總理大臣嘅建議。
眾議院係加拿大國會權力嘅核心。君主嘅權力只係象徵式，參議院幾乎唔會唔畀眾議院嘅法案通過。總理大臣同內閣嘅任職需要眾議院一半以上成員嘅同意，但係唔需要參議院嘅同意。
加拿大有十個省份同埋三個特區。
加拿大嘅官方語言係英文 同法文 ，但係魁北克省 嘅官方語言凈係法文，而努那活 嘅官方語言就包括埋因紐特文 。
多倫多 嘅天際線。加拿大經濟嘅中心地。根據國際貨幣基金組織 （IMF）嘅資料，2010年 加拿大嘅本地生產總值 （GDP）係1兆5,636億加元（大約130兆日圓），排世界第9位[ 5] 農業 ，但而家滿地可 同多倫多 已經成為金融中心 ，而家加拿大已經成為世界頂級嘅工業國 。工業方面，汽車同機械工業發展迅速，近年資訊科技產業都有好大嘅發展。
加拿大唯一嘅發鈔銀行係加拿大中央銀行 ，負責發行同管理加拿大元 。一加元等於100仙。2012年3月29號，加拿大政府宣布因為實用性同製造成本嘅問題，決定停止製造一仙硬幣[ 6]
為咗應對全球暖化 ，加拿大雖然簽署咗京都議定書 ，但係喺2011年 12月宣布退出[ 7] 沙特阿拉伯 ，二氧化碳排放量比十年前多咗25%。不過，喺後來嘅巴黎協定 中，加拿大承諾到2030年將溫室氣體排放量減少30%（以2005年為基準）。
加拿大係礦產資源非常豐富嘅國家，有17種礦產喺世界產量排名入到前十位。以下係根據2003年嘅統計數據。有機礦產資源方面，天然氣 （6,565千兆焦耳，排第3位）、可以用嚟發電嘅褐煤 （3,695萬噸，排第9位），仲有煤炭 （2,954萬噸）同原油 （9,111萬噸）嘅產量都好多。鑽石 嘅產量都有1,120萬卡拉 ，排世界第6位。
金屬資源方面，鈾 礦（1萬噸，排第1位，佔世界產量嘅29.2%）、鉀鹽 礦（820萬噸，排第1位，佔世界產量嘅30.9%）、硫 （903萬噸，排第2位）、鐵礦 （1,980萬噸，排第3位）、銀 礦（1,309噸，排第3位）、鎢 礦（2,750噸，排第3位）、鎳 礦（16萬噸，排第3位）、鋅 礦（100萬噸，排第4位）、鈷 礦（4,304噸，排第5位）、鹽 （1,335萬噸，排第5位）、鉛 礦（15萬噸，排第5位）、金 礦（141噸，排第7位）、銻 礦（143噸，排第8位）、銅 礦（56萬噸，排第8位）都係值得一提嘅。除此之外，鎂 礦同磷 礦都有開採。銀喺大蕭條 (1873年-1896年) 嗰陣開始，係提煉鈷等工業用金屬嘅副產品，導致咗全球供應過剩同價格下跌[ 8]
喺第二次世界大戰 期間，加拿大同比利時屬剛果 同捷克斯洛伐克 一樣，都係世界主要嘅鈾供應國[ 9] 天然鈾 進口來源國中交易額最高嘅國家。
以前加拿大政府仲有布雷頓角開發公司 （CBDC）呢類嘅國營企業，但而家政府嘅礦山開發事務已經由公共工程同政府服務部 負責。
用顏色同面積表示加拿大嘅出口項目（2009年 ） 加拿大最大嘅貿易夥伴係美國，佔總出口量嘅五分之四以上，同埋總進口量嘅大約三分之二。礦產、木材、穀物而家仲係重要嘅出口品，但係近年工業製品已經成為主要出口品。出口到美國最多嘅係汽車同相關零件。1989年 ，加拿大同美國簽署咗自由貿易協定 （FTA），到1994年 仲加入咗墨西哥 ，簽訂咗北美自由貿易協定 （NAFTA）。
除咗美國之外，主要出口對象國仲有日本、英國、中國 、墨西哥、德國 、意大利 ，主要進口對象國有中國、墨西哥、日本、英國、德國。主要出口品包括汽車同汽車零件、精密儀器、原油、天然氣、金屬同金屬製品、工業機械、通訊設備、化學產品、木材、紙漿、小麥、魚類（三文魚同三文魚籽 、吞拿魚 等）、楓糖漿 等。進口品主要係汽車零件、汽車、機械、化學產品、電腦、原油、通訊設備等。
財政部長同埋工業部長都會用加拿大統計局嘅數據資料來籌備每年嘅財政計劃。 多倫多證券交易所係世界上第十大證券交易所，2024年1月為止，有3,476間公司喺多倫多交易所上市。 加拿大係世界第10大經濟體，2023年，佢嘅本地生產總值有2.118萬億美元。 而佢唔單只係經濟合作暨發展組織 同埋七大工業國組織 嘅成員，佢亦係全球十大貿易國之一，經濟算係高度國際化。 加拿大嘅經濟屬於混合經濟 ，喺美國傳統基金會公佈嘅經濟自由度指數裡面，加國嘅排名高過美國同大部份嘅西歐國家，重經歷過收入差距低於正常水平嘅時期。 2023年，加拿大嘅進口額超過7,261億美元，其中來自美國嘅貨品就價值2,390億美元，685億美元嘅貨品來自中國，270億美元嘅貨品來自墨西哥。到2023年，佢嘅貿易逆差為85億美元。 由20世紀初起，當地嘅製造業 ，採礦業 同埋服務業 增長成功咁將加拿大由一個農業國家改造成一個工業化嘅國家 。 同好多發達國家一樣，加拿大嘅經濟係以服務業為主，大概四分之三嘅就業人口從事服務業。 但喺一級產業 方面，佢就同其他發達國家唔同，加國嘅一級產業佔當地經濟相當大嘅比重，其中伐木 同石油產業 更加係加拿大兩個非常重要嘅行業。 加拿大係喺發達國家中極少數嘅能源出口國之一。喺大西洋省份 （ 英文 ： Atlantic Canada ） 天然氣 資源，而喺亞伯達省 亦儲藏大量石油及天然氣資源，當地嘅阿薩巴斯卡油砂田 （ 英文 ： Athabasca oil sands ） 委內瑞拉 以及沙特阿拉伯 。 加拿大係世界上其中一個最大嘅農產品出口國及礦產資源大國，佢嘅大草原係世界上最重要嘅小麥、油菜以及其他穀物嘅產地之一。 除咗係鋅 同鈾 嘅主要出產國之外，佢重大量出口金 、鎳 、鋁 、鋼 、鐵礦石 、焦炭 以及鉛 等嘅礦產。好多氣候惡劣嘅北部城市正係靠附近嘅礦產同木材資源嚟維持生計。 喺南部，特別係喺安大略省 以及魁北克省 嘅南部，製造業十分發達，汽車同飛機製造業係當地兩大重要產業。 城市 行政區劃 人口（人） 城市 行政區劃 人口（人） 1 多倫多 安大略省 2,794,356 11 素里 卑詩省 568,322 2 滿地可 魁北克省 1,762,949 12 魁北克市 魁北克省 549,459 3 卡加利 亞伯達省 1,306,784 13 哈利法斯 斯高沙省 439,819 4 渥太華 安大略省 1,017,449 14 拉華爾 魁北克省 438,366 5 愛民頓 亞伯達省 1,010,899 15 倫敦 安大略省 422,324 6 溫尼伯 緬尼吐巴省 749,607 16 萬錦 安大略省 338,503 7 密西沙加 安大略省 717,961 17 旺市 安大略省 323,103 8 溫哥華 卑詩省 662,248 18 加蒂諾 魁北克省 291,041 9 賓頓 （ 英文 ： Brampton ） 安大略省 656,480 19 沙斯加通 沙斯卡寸旺省 266,141 10 咸美頓 安大略省 569,353 20 基治拿 （ 英文 ： Kitchener, Ontario ） 安大略省 256,885 2021年人口普查
城市 行政區劃 都市圈人口（人） 1 多倫多 安大略省 6,202,225 2 滿地可 魁北克省 4,291,732 3 溫哥華 卑詩省 2,642,825 4 渥太華 加蒂諾 安大略省 /魁北克省 1,488,307 5 卡加利 亞伯達 1,481,806 6 愛民頓 亞伯達 1,418,118 7 魁北克 魁北克省 839,311 8 溫尼伯 緬尼吐巴 834,678 9 咸美頓 安大略省 785,184 10 基治拿 劍橋 滑鐵盧 安大略省 575,847 11 倫敦 安大略省 543,551 12 哈利法克斯 諾華斯高沙 465,703 13 聖凱瑟琳斯 尼亞加拉瀑布城 安大略省 433,604 14 溫莎 安大略省 422,630 15 奧沙瓦 安大略省 415,311 16 維多利亞 卑詩省 397,237 17 薩斯卡通 沙士加芝灣 317,480 18 里賈納 沙士加芝灣 249,217 19 舍布魯克 魁北克省 227,398 20 基洛納 卑詩省 222,162 2021年人口普查
Mount Robson 公園一景 魁北克市港口 加國一大城多倫多 景色 
.svg)
.jpg)
.jpg)
.jpg)
.jpg)
.jpg)
.svg)
.jpg)
