假主角係創意寫作同文學上嘅概念，角色一種。如果話某個角色係假主角，意思即係話佢喺故事一開始嗰陣，望落似主角，但喺讀者同觀眾睇及後嘅篇章，先至發現真正嘅主角係另有其人。
喺英文，假主角又會稱之為decoy 型主角[1]，當中 decoy 一詞有誘餌之意，即係話帶有一個意思，話呢種主角引誘讀者同觀眾以為佢哋係真嘅主角。
舉例說明，想像以下嘅虛構作品：
喺上述呢個例子裏便，阿莊就係故事嘅假主角。
喺寫作上，假主角有唔少用途，例如可以係用嚟突顯故事嘅世界幾咁危險：阿莊嘅死用嚟突顯個遺跡有幾咁危險，而且因為第一章成段都係由阿莊嘅角度睇嘢嘅，所以佢嘅死會對讀者有更大嘅情緒衝擊；進而呢場冒險感覺更加驚險刺激。
假主角喺故事嘅開頭會好似主角，但係喺後期會被消除，可能喺被殺、淡出故事越來越少戲份，又或者揭示原來佢係對立角色而唔係主角。[2]
