 | 呢篇文嘅參考來源只係用咗單純網址（Bare URLs），無提供網頁標題等等資料，萬一連結失效有機會查證唔返。 請幫手改善引用網址嘅格式。 (學吓點樣同埋幾時去拎走呢個消息框) |
人道毀滅，又叫動物安樂死，委婉稱呼人道處理、人道處置，一般指用動物[註 1]受苦盡量少嗰啲方法，人為噉結束佢哋生命，而根本目的唔係將之整成食物或商品嘅若干行為；數辭意思稍異；正常嘅執行原因包括：幫傷或病到唔生唔死嗰啲解脱[1]、科學實驗結束[2]、挽救生態[3]、慳錢[4]、保護人類[5]噉。
![[icon]](/mt/?noimg=&dark=on&url=https%3a%2f%2fzh-yue.wikipedia.org%2fwiki%2fFile%3aWiki_letter_w_cropped.svg) |
「動物安樂死」（同義英文：animal euthanasia）比其他數者較為狹義[6]，喺學術措辭當中好流行，字面上又同英文[註 2]嘅標準醫學術語對應[7]，其意思亦較為接近中立。
「人道毀滅」（近義英文：humane killing）喺一般論述當中，係最多用到嗰個，亦同「人道處理」／「人道處置」（近義英文：humane dispatch），喺官腔文辭之中經常出現，意義頗廣，用嚟泛指「動物安樂死」同啲與之類似嘅行動[8][9][10][11]。理論上，「人道」帶有要動物死得其所嘅道德目標[12]；不過實際上，有啲人會以此三詞嚟形容非為製作食物或商品嘅任何動物殺生，包括政治色彩濃厚，然而缺乏醫學或生態學根據嘅殺戮[13]；就連唔符合安樂死標準嗰啲手段，亦都會噉樣叫[14]。
用動物捱苦盡量少嗰啲方法殺死佢哋，而係為咗攞嚟生產食物或商品，多數叫人道屠宰／人道宰殺（同義英文：humane salughter）[15][16][17]。
香港政府發言同文告週不時會用「銷毀」[註 3]，嚟指將原本要攞嚟賣嘅動物殺死，再當成垃圾處置；有學者對此批評，認為呢個詞專用於死物，噉樣配搭顯得賤視生命[18]；用「撲殺」之類帶有「攞命」意思嗰啲先至啱[19]。