向量空間，又可以叫綫性空間，係指一個由「向量」組成嘅集合，當中呢啲向量可以加埋一齊（向量加法）或者俾純量乘大乘細（純量乘法）－簡單講，一個向量空間就係由好大拃向量結合形成嘅空間。向量空間有得按好多唔同嘅準則分類，例如係按照「乘得落啲向量度嘅純量係實數定虛數」分做實（real）向量空間同複（complex）向量空間噉，又可以按照上邊嘅額外結構分做代數、拓樸向量空間、巴那赫空間等等。

向量係由長度同方向組成嘅數學物體，喺三維空間（一般正常人類環境）嘅情況下，一個向量可以想像成包含咗三個數，表示個向量喺三條軸分別數值係幾多，例子：一個喺三維空間表示兩點之間嘅位移嘅向量會包含三個數${\displaystyle (a_1,a_2,a_3)}$，三個數分別表示沿X 軸嘅位移（${\displaystyle a_1}$）、沿Y 軸嘅位移（${\displaystyle a_2}$）同沿Z 軸嘅位移（${\displaystyle a_3}$）。响物理學上，向量可以攞嚟表達好多物理量，例如牛頓力學上嘅分析就好興將位移同速度噉嘅物理量想像成向量。

因為向量咁有用，向量空間喺廿一世紀嘅數學、科學同工程學上係一樣重要嘅知識：向量空間係綫性代數（linear algebra）研究嘅基本對象，數學家會思考向量空間嘅數學特性，理解可以對向量作出點樣嘅運算，而呢啲研究得出嘅定理除咗滿足到理論性嘅好奇之外，仲有助科學家同工程師分析佢哋領域上遇到嘅問題。例如牛頓力學將位移同速度等嘅物理量想像成向量，並且靠呢啲概念分析物體點樣郁動，分析過程會用到數學上對「向量之間可以作出乜嘢運算」（向量空間研究會關注嘅一樣嘢）嘅知識，而呢啲力學分析跟手又對工程學有用，可以攞嚟分析汽車加速等嘅現象。 (成篇文章……)

以前嘅正文：密碼學 –奇幻 –管理學

• ...凱氏氣質分類法將人分做四種唔同「氣質」？
• ...貝葉斯統計學 (圖)建基於一個諗法，主張機會率查實係反映有幾相信事件會發生？
• ...吸血新世紀呢個系列嘅小說，故事講女主角愛上吸血鬼？
• ...九型人格有部份內容係源自神秘主義，唔少心理學家都認為佢唔夠科學？
• ...阿拉伯話各地嘅方言，差異大到聽唔明對方講乜？
• ...拉丁字母本來得 21 隻，J、U 同 W 等都係後來先加上去嘅？
• ...成年猶太男子祈禱嗰陣，好多時都會披住塊tallit，有保持潔淨之意？
• ...潔淨聖殿依個聖經故事講到，耶穌見到人用聖殿做商業買賣嘅場所，因而勃然大怒？

• 寵物小精靈傳說 Z-A 呢隻遊戲出咗街超過一個禮拜，設計上放棄咗寵物小精靈用開嘅回合制戰鬥。
• 超強颱風樺加沙（圖）吹襲亞洲多國，喺台灣同菲律賓造成至少25死。
• 香港政府預期，香港經濟今年會繼續有細增長，實質本地生產總值預會升 2 至 3%。
• 教宗方濟各過身，由良十四世接任。
• 美國舉行咗第60屆美國總統選舉，結果當勞侵贏賀錦麗，重返白宮。
• 喺黎巴嫩嘅無線通訊設備爆炸之中，已經有最少42人死，3500人傷。
• 當勞侵禍不單行，佛羅里達州有人疑似企圖再次暗殺佢，警察用持槍罪拉咗個疑犯。
• 當勞侵喺賓夕凡尼亞州嘅畢拿為年底總統大選造勢期間遇刺，兩死三傷。

事件相關電位（ERP）指神經系統對特定外界或者內在刺激所起嘅電生理反應：動物嘅腦由大量嘅神經細胞組成，呢啲細胞彼此之間會用電傳訊號，話俾個腦知佢哋受到乜刺激，例如眼嘅感光細胞喺受到光刺激嗰陣，會傳電訊號上腦，等個腦知隻眼睇到嘢。腦裡面嘅電壓因為呢個光刺激而出現嘅變動就係同呢個事件零舍相關嘅電位。

11月24號：進化日

• 1642年：荷蘭探險家塔斯曼發現新島，改名塔斯曼尼亞島。
  
• 1859年：自然學家查理斯·達爾文嘅《物種起源》出版，頭嗰日就賣晒第一版。
  
• 1894年：孫文去到檀香山籌款，創辦革命團體興中會，興中會嗌出「驅逐韃虜，恢復中國，創立合眾政府」嘅口號。
  
• 1966年：亞洲開發銀行創辦。
  
• 2019年：香港區議會選舉變天，泛民主派贏到八成六議席（圖），亦係香港公平選舉絕唱。
  

上幾日：11月23號 –11月22號 –11月21號