神經細胞，又有叫神經元，係一種特殊嘅細胞：一粒神經細胞喺俾某啲特定嘅嘢刺激到嗰陣，會以電同化學方式射訊號，如果有一大柞神經細胞連埋一齊，形成一個神經網絡嘅話，就可以做到大規模噉同時處理大量資訊。舉個例說明，而家有個人感覺到佢隻手俾針拮到，跟住即刻縮手。喺呢個過程入面，佢個神經系統內部發生咗以下嘅事：佢隻手塊皮膚上面嗰啲對力敏感嘅神經細胞對支針施嘅力有反應，於是就射訊號，呢啲訊號會沿住條脊椎上腦，等個腦知「隻手俾針拮到」；個腦話咁快自動決定應該縮手嚟保護隻手，於是又射返個「縮手」嘅訊號出嚟；呢啲訊號沿脊椎落返去隻手臂嗰啲運動神經細胞嗰度，啲運動神經細胞即刻令隻手臂嗰幾嚿肌肉郁，做「縮手」嘅動作。

神經細胞係各種動物神經系統－包括腦同脊椎－最主要同基本嘅組件。據估計，一個男人嘅腦平均有成 860 億（8.6 × 10¹⁰）粒神經細胞，構成一個極之龐大嘅神經網絡，而資訊喺神經細胞之間嘅傳遞速度可以去到成 119米每秒咁快。於是乎喺一個大人嘅腦入面，時時刻刻都有幾百億粒神經細胞喺度以極之快嘅速度互相傳遞資訊，令到嗰個人能夠接收同處理外界嘅資訊，並且按照收到嘅資訊嚟決定做啲乜。 (成篇文章……)

以前嘅正文：電子遊戲人工智能 –生物學 –機械

• ...做迴歸分析等嘅統計分析，好多時都會假設手上嘅變數係獨立同分佈嘅？
• ...現代科學講究，做研究嗰陣要將啲現象量化？
• ...廿一世紀初嘅主流理論認為，行星(圖) 查實源自星雲？
• ...普遍認為，一般智能因素反映一個人「整體上有幾聰明」？
• ...喺冇人住嘅漢斯島，加拿大其實同丹麥係接壤嘅？
• ...如果話某一套策略係嚴格嘅佔優策略，意思係話無論對手點揀，套策略都能夠令選擇者利益最大化？
• ...呢啲、嗰啲、我同埋依家等嘅字詞，都有直指嘅性質？
• ...和路迪士尼好細個就學畫畫，十八歲嗰陣就做咗商業插畫師？

• 美國舉行咗第60屆美國總統選舉（選舉人分佈圖），結果當勞侵贏賀錦麗，重返白宮。
• 喺黎巴嫩嘅無線通訊設備爆炸之中，已經有最少42人死，3500人傷。
• 當勞侵禍不單行，佛羅里達州有人疑似企圖再次暗殺佢，警察用持槍罪拉咗個疑犯。
• 當勞侵喺賓夕凡尼亞州嘅畢拿為年底總統大選造勢期間遇刺，兩死三傷。
• 當勞侵揞口費案結果出爐：34條偽造商業紀錄罪，全部罪名成立。
• 伊朗發生直升機失事，其中乘客包括伊朗總統萊希。
• 格魯吉亞國會通過非常受爭議嘅外國代理人法案，首都第比利斯持續爆發大型示威，要求撤回呢條法案。
• 臺灣花蓮外海發生咗黎克特制7.2級強烈地震，係臺灣自1999年集集地震以嚟最嚴重嘅地震。

阿拉伯斯卡（法文：Arabesque）係源自芭蕾舞嘅一種舞步，喺 1820 年由意大利編舞家卡勞·貝里西斯（Carlo Blasis）正式定名。做阿拉伯斯卡舞姿嘅舞蹈員要淨係一隻腳掂地（呢條髀叫支撐髀）而另外嗰條髀（抬起髀）就外開並且抬高去身體後面，當中抬起髀要伸到直一直，上身要係噉咦向前傾。阿拉伯斯卡舞姿目的係要令成個身體形成一條由膊頭一路延伸落去抬起髀嘅腳趾尾嗰度嘅線，達到一個靚嘅視覺效果。

4月1號：愚人節

• 1867年：星加坡（圖）由英屬印度轉手，升格倂入三州府。
  
• 1939年：佛朗哥宣佈西班牙內戰打完，開始獨裁統治。
  
• 1948年：丹麥國民議會立法，任由法羅群島自治。
  
• 1976年：蘋果電腦創辦。
  
• 2001年：荷蘭全國都畀相同性別嘅人結婚，係世界各國第一。
  

上幾日：3月31號 –3月30號 –3月29號