崇禎 Chông-cheng
| ||
| ||
|---|---|---|
Chông-cheng (崇禎;1628 nî chì1644 nî) sīTiong-kokBêng-tiâu tē-17 tāihông-tèSu-chong êliân-hō, chêng-āu lóng-chóng 17 tang. Chông-cheng sī Bêng-tiâu ê chòe-āu chi̍t ê chèng-thóng liân-hō. Chu Iû-kiám tīThian-khé 2-nî (1622 nî) pī chheh-hong ûi Sìn-ông (信王), āu-lâi chē-thiⁿ chiâⁿ-chò hông-tè. Hit tong-sî, lōe-koh gí-tēng ê liân-hō sī Khiân-sèng (乾聖), Heng-hok (興福), Hâm-ka (咸嘉), Chông-cheng (崇貞); Chu Iû-kiám soán-tēng Chông-cheng, jiân-āu chiah chiong i kái-chò Chông-cheng (崇禎).[1] Lēng-gōa iáu-ū Éng-chhiong (永昌), Siāu-khèng (紹慶), Hâm-lêng (咸寧), Chông-cheng (崇貞) ê kóng-hoat.[2]
1644 nî,Lí Chū-sêng kong-khekPak-kiaⁿ, thui-hoan Bêng-tiâu; Chu Iû-kiám chū-sat. Lí Chū-sêng jiân-āu tī Pak-kiaⁿ kiàn-li̍pTāi Sūn chèng-koân, kái liân-hō chòÉng-chhiong.Gô͘ Sam-kùi ióng-tàiChu Chû-lōng, kái-goânGī-heng. Bêng-tiâu bia̍t-bông liáu-āu,Tiâu-sián ông-tiâu ê kùi-cho̍k chhut-chū hoán-khòngBoán-chheng kapSió-tiong-hôa su-sióng, tī in kok-lāi iû-goân sú-iōng Chông-cheng liân-hō. Pí-lūn Chông-cheng Kí-goân-hō͘ Pat-si̍p-sam-liân (崇禎紀元後八十三年;1710 nî), Chông-cheng-hō͘ Chài-kùi-thiú (崇禎後再癸丑;1733 nî), Chông-cheng Kí-goân-hō͘ Chài-it-thiú (崇禎紀元後再乙丑;1865 nî) téng-téng. Án-ne ê hiān-siōng pī hō-chòChông-cheng Kí-goân.
| Chông-cheng | Goân-liân | 2-liân | 3-liân | 4-liân | 5-liân | 6-liân | 7-liân | 8-liân | 9-liân | 10-liân |
| Se-le̍k | 1628 nî | 1629 nî | 1630 nî | 1631 nî | 1632 nî | 1633 nî | 1634 nî | 1635 nî | 1636 nî | 1637 nî |
| Kan-chi | Bō͘-sîn | Kí-sū | Keng-ngó͘ | Sin-bī | Jîm-sin | Kùi-iú | Kap-sut | It-hāi | Péng-chú | Teng-thiú |
| Chông-cheng | 11-liân | 12-liân | 13-liân | 14-liân | 15-liân | 16-liân | 17-liân | |||
| Se-le̍k | 1638 nî | 1639 nî | 1640 nî | 1641 nî | 1642 nî | 1643 nî | 1644 nî | |||
| Kan-chi | Bō͘-în | Kí-báu | Keng-sîn | Sin-sū | Jîm-ngó͘ | Kùi-bī | Kap-sin | |||