Mannan bearjadaga ledje Ohcejogas čoahkkanan gudnejahttit nástediehttiÁndaras Kitti . Ássanbálvalandálu ássit ledje beassan Lappi universiteahta dáiddabajásgeassiid vehkiin duddjot iežaset nástealmmi.
Bearjadaga 16.2. dolle ávvudilálašvuođa Ándaras Kitti gudnin, gos olbmot besse gullat Kitti birra. Govva: Anneli Lappalainen / Yle Ándaras Kitti riegadeamis lea dál golihan 180 jagi, son elii 1844-1926. Son lei beroštuvvan dutkat nástealmmi, dan mielde son dádjadii maid boazomeahcis.
Viljo Hánsa Vuolab ii muitte ádjás áhčči, muhto su áddjá lei oahppan nástealmmi dieđuid áhčistis ja sirddii daid dasto iežas mánáide ja áddjubiidda.
– Dat oahpahii muge násttiid mielde eallit. Mu áddjá Ándaras-Hánsa lei máilmmi dádjilis olmmoš.
Viljo Hánsa Vuolab lea ádjás bokte oahppan násttiid miel eallit. Son jođii nuorran iežas ádjáin boazomeahcis. Govva: Anneli Lappalainen / Yle Ohcejoga Ursa -nástedutkansearvvi ovdaolmmošJuhani Harjunharja lea čohkken historihkká Ándaras Kittis. Harjunharja mielas Kitti lei hui erenomaš ja čeahpes olmmoš.
– Son hutkkai iežas eallima áigge juoidá dakkára mii vurkejuvvui historjái. Nástediehtaga guovddášášši lei Nieidagearret-nástejoavku (virggálaš namma plejadit, su. seulaset).
Juhani Harjunharja oaččui jurdaga čohkket girjji Ándaras Kittis go háleštii Kitti maŋisboahttiin Viljo Hánsa Vuolabiin. Govva: Anneli Lappalainen / Yle Piera Niillas Paltto lei okta ássanbálvalandálu ássiin, guhte beasai duddjot iežas nástti. Su mielas lea somá go dákkár dáhpáhusaid leat sidjiide ordnen.
– Iihan dáppe lean mihkkige. Movttiidedje olbmot dáppe, dadjá Paltto.
Piera Niillas Paltto čájeheamen makkár násti son lea duddjon. Govva: Anneli Lappalainen / Yle 
