Go eahkes geahčada gomuvuhtii, de dál sáhttá teleskohpain oaidnit eksoplanehta ja eadnenástti, main leat sámegielat namat.

Okta gomuvuođa eksoplanehtain lea nammaduvvon sámegilliiNástin ja dan eadnenásti, man birra planehta jorrá, gohčodišgohtetAlbmin. Násti-nammasaš eksoplanehta ja Albmi-nammasaš eadnenásti gávdnojitStuorra Guovžža nástegovas.

Riikkaidgaskasaš astronomalaš uniovdna IAU ordnii ávvujagis gudnin nammagilvvu, mas birrasiid 110 riikka besse addit namahis eksoplanehtaide ja násttiide namaid.

Sámegielat namat Násti ja Albmi addojuvvojedje Norgga nammagilvvu vuoittu vuođul. Maiddái Ruoŧas ja Suomas evttohedje gilvui sámegielat namaid, muhto dat eai birgen. Ruoŧas sámegielat namman ledje evttohanTjovke jaNaestie. Suomas sámegielat nammabárraLievla jaÁhcagastin bohte loahpalaš jienasteamis goalmmát sadjái. Suoma nammagilvvus eksoplanehta ja eadnenásti ožžo nammanHiisi jaHorna.

Buot nammaduvvon eksoplanehtat leat jáhkkimis gássaplanehtat ja dat leat čuđiid čuovgajagiid duohken eatnamis. Dássážii gomuvuođas leat gávdnan badjel 4 000 eksoplanehta ja veháš badjelaš 3 000 eadnenástti.

ON:a riikkaidgaskasaš álgoálbmotgielaid jagi gudnin álgoálbmotgielaid hálliid ávžžuhedje evttohit gilvui iežaset gielat namaid. Nammagilvvu ulbmilin lei lasihit diđolašvuođa olbmo sajádagas máilmmiávvosis. Gilvu lágiduvvui dál nuppi geardde.