1700 წანაშ გიოჭყაფუსშვედეთიშ იმპერიას ლამენდესიულიუსიშ კალენდარშე გრიგორიანულ კალენდარშა გინულას გეჸვენჯი 40 წანას ნარკი წანეფიშ გჷშატებათ. მორო 1700 წანაშ ფურთუთას ნარკი დღა გაგშეტეს, თი წანაშ ეკონიას დოჭყაფილი ბიჟღეთიშ ლიმაქ შვედეფიშ თოჸუჯი კალენდარიშ ოკუთხუს ჩაურცხინუ დო გეჸვენჯი ჟირი შვანს ნარკი დღალეფი ვაგშუტებუნა, თაშ ნამუდა 1704 დო 1712 წანებქ ნარკო დოსქიდუ.
უკულიანშო ჩილათეფიშ დო აბორჯებაშ ეჩილათაფაშო, იულიუსიშ კალენდარი კინი დართინეს 1712-ს, მუჟამც ართი მეტი ნარკი დღა გეუძინეს დო ფურთუთა 30 დღამო გინაშქვეს. თე თარიღი იულიუსიშ კალენდარიშ 29 ფურთუთას დო გრიგორიანული კალენდარიშ 11 მელახის ომანგუდუ. ეკონიას, შვედეთიქ გრიგორიანულ კალენდარშა გინილჷ 1753 წანას, ფურთუთას ბოლო 11 დღაშ გჷშატებათ.
