Փակել
Երևանի քաղաքապետարանի աշխատակազմի շինարարության և բարեկարգման վարչության գործառույթները
Շինարարության և բարեկարգման վարչության 2023թ. ամփոփ գործունեությունը
2023 թվականին վարչությունն իրագործեց քաղաքի համար կենսական նշանակություն ունեցող մի շարք ծրագրեր, ինչպիսիք են՝ մայրաքաղաքի 12 վարչական շրջաններում փողոցների և մայթերի ասֆալտապատման, փոսային նորոգման, մայթերի սալիկապատման, թեքահարթակների կառուցման, մայթերի եզրային հատվածներին մետաղական ճաղավանդակների տեղադրման, եզրաքարերի վերանորոգման, Նորք-Մարաշը Սարալանջի փողոցին կապող այլընտրանքային ճանապարհի կառուցման, Երևանում կոյուղատարի, ջրագծերի և ոռոգման ցանցի կառուցման, հակահրդեհային հիդրանտների վերանորոգման աշխատանքներ ինչպես նաև Երևանի կամուրջների, ուղեանցերի, վերգետնյա անցումների և կամրջային կառույցների շահագործման և պահպանման, «Հաղթանակի» կամրջի բարեկարգման և լուսավորության արդիականացման, Հրազդանի մեծ կամրջի («Կիևյան կամուրջ») վերանորոգման, վթարային շենքերի և շինությունների հետազոտման աշխատանքներ:
Երևան համայնքում վարչության ծրագրերով անցկացվել է 12.3 կմ երկարությամբ ոռոգման ցանց, մասնավորապես իրականացվել են.
• Կոմիտասի պանթեոնի խորքային հորի վերակառուցում
• Էրեբունի վարչական շրջանի Նոր Արեշի 7-րդ փողոցում («Հին կինո») ոռոգման ցանցի կառուցում
• Էրեբունի վարչական շրջանի Ազատամարտիկների 5-րդ նրբանցքում (Նուխի դաշտ) ոռոգման ցանցի կառուցում
• էրեբունի վարչական շրջանի Մուրացանի 113 հասցեում ոռոգման ցանցի կառուցում
• Կենտրոն վարչական շրջանում (Պուշկինի, Կողբացի, Դեմիրճյան, Արամի փողոցներում, Մանուշյան պուրակում) ոռոգման ջրագծերի կառուցում
• Արաբկիր վարչական շրջանում (Արղության-Գրիբոյեդով, Վրացական, Մալխասյանց փողոցներում) ոռոգման ջրագծերի կառուցում
• Նոր Նորք վարչական շրջանում (Գյուլիքևխյան, Բադալ Մուրադյան փողոցներում) ոռոգման ջրագծի կառուցում
• Նոր Դալմա ջրատարի սկզբնամասի՝ մինչև նոր կառուցված ջրատար կառուցում
• Սիլիկյան գնացող ջրատարից նոր ջրատարի կառուցում:
Կառուցվել է Մուշական համայնքի կոյուղատարը ևս:
Վարչության կողմից 2023թ. ծրագրերով առաջին անգամ իրականացվել են ճանապարհների միջին նորոգման աշխատանքներ: Միջին նորոգումը շինարարական միջամտություն է, որի ժամանակ ասֆալտբետոնե ծածկույթի մաշված շերտը քերվում է՝ ճանապարհի ընդհանուր մակերեսով: Այնուհետև իջեցվում կամ բարձրացվում են, կատարվում են փոսային նորոգման աշխատանքներ, փոշեհանում, հարթեցում ասֆալտբետոնե շերտով, վերամշակվում է բիտումի ծածկույթով, և իրականացվում է ճանապարհի նոր պատվածքի՝ ասֆալտբետոնե ծածկի տեղադրում: Երևանում միջին նորոգման համար ակնադիտորեն ընտրվել են այն փողոցները, որոնցում ցանցաձև և/կամ շառավղային ճաքերի և փոսերի քանակը այլ փողոցների համեմատ շատ են:
Միջին նորոգումը փոսային նորոգումից և հիմնանորոգումից տարբերվում է նրանով, որ միջին նորոգման ժամանակ փոխվում է ասֆալտբետոնե ծածկի մաշված շերտը, փոսային նորոգման ժամանակ կատարվում են տեղային աշխատանքներ, իսկ հիմնանորոգման ժամանակ ճանապարհը նորոգվում է ամբողջությամբ (հիմքային աշխատանքներ, երկայնական և լայնական թեքությունների ապահովում, ՃԵԿ տեխնիկական միջոցների տեղադրում, անտանգության ապահովում, մայթերի կառուցում և այլ):
Երևանում կատարվել է 35.2 կմ երկարությամբ միջին նորոգում.
1) Ավան վարչական շրջանում՝ 5.1 կմ
2) Էրեբունի վարչական շրջանում՝ 2.3 կմ
3) Նոր Նորք վարչական շրջանում՝ 4 կմ
4) Շենգավիթ վարչական շրջանում՝ 6.1 կմ՝ բացառությամբ Նորագավիթի 5-րդ, 12-րդ և 13-րդ փողոցների
5) Մալաթիա-Սեբաստիա վարչական շրջանում՝ 3.9 կմ
6) Քանաքեռ-Զեյթուն վարչական շրջանում՝ 2.65 կմ
7) Արաբկիր վարչական շրջանում՝ 5.8 կմ
8) Աջափնյակ վարչական շրջանում ՝ 4.56 կմ
9) Դավթաշեն վարչական շրջանում ՝ 828մ:
Վարչության ծրագրով իրականացվել են Երևանի վարչական շրջաններում հանգստյան գոտիների, բակերի կառուցման-հիմնանորոգման աշխատանքներ, մասնավորապես.
• Խ․ Աբովյանի անվան պուրակի բարեկարգում,
• Երևանյան լճի աջակողմյան ափամերձ տարածքի բարեկարգում,
• 16-րդ թաղամասի 3-րդ շղթայի բակի հիմնանորգում
• Արաբկիր վարչական շրջանի Կիևյան փողոցի հհ. 12 և 14 շենքերի միացյալ բակի բարեկարգում:
Ինչպես նաև 2023թ. մեկնարկվել և դեռևս ընթանում են Նոր Նորք վարչական շրջանի սբ. Սարգիս եկեղեցու և Դ. Բեկի փողոցի միջնամասի այգու բարեկարգման, Երևանի բուսաբանական այգու տարածքում անտառպուրակի կառուցապատման, Նոր Նորքի 2-րդ զանգվածի Վերածննդի այգու, Երկրորդ աշխարհամարտում տարած հաղթանակի 40-ամյակի այգու հուշարձանի և հարակից տարածքի, Դավթաշեն վարչական շրջանի 1-ին և 2-րդ թաղամասերի միջև գտնվող կենտրոնական այգու, սբ. Գրիգոր Լուսավորիչ եկեղեցու մոտ շատրվանների կառուցման և տարածքի բարեկարգման և Արաբկիր վարչական շրջանի Կիևյան փողոցի հ. 4,6,8 և 10 շենքերի միացյալ բակի բարեկարգման աշխատանքները:
Իրականացվել են նաև առողջապահական հաստատությունների վերանորոգման-հիմնանորոգման աշխատանքներ: Վերանորոգվել են Կենտրոն վարչական շրջանի թիվ 8 պոլիկլինիկան /Կիլիկիա մասնաճյուղի/,«թիվ 12 պոլիկլինիկա» ՓԲԸ-ի վարչական շենքը, շարունակվում է Նոր Արաբկիր առողջության կենտրոնի վերանորոգումը: Հիմնանորոգվում են «Թիվ 5 պոլիկլինիկա» ՓԲԸ-ի պոլիկլինիկան և «Շտապօգնություն» ՓԲԸ N1 ենթակայանի շենքի տանիքը և ջեռուցման համակարգը:
Շարունակական է արտադպրոցական և մշակութային հաստատությունների վերանորոգման և Նախադպրոցական հաստատությունների հիմնանորոգման գործընթացը:
2023 թվականին իրականացված աշխատանքներն են
Սպորտի բնագավառում.
• Շենգավիթ համալիր մարզաձևերի մանկապատանեկան մարզադպրոցի 7 (3+4) մարզադահլիճների հիմնանորոգում
• Երևան քաղաքի հ.108 դպրոցի հարակից ֆուտբոլի դաշտի վերանորոգում:
Մշակույթի բնագավառում.
• «Մհեր Մկրտչյան արտիստական թատրոն» ՀՈԱԿ-ի վերանորոգում
• Նանսենի թանգարանի վերանորոգում:
2022թ. մեկնարկել և 2023թ. շարունակվել են 22 նախադպրոցական հաստատության շենքերի հիմնանորոգման աշխատանքները, մասնավորապես.
• Կենտրոն վարչական շրջանի հ.15 մանկապարտեզի հիմնանորոգումը
• Արաբկիր վարչական շրջանի հ.22 հ.23 մանկապարտեզի հիմնանորոգումը
• Աջափնյակ վարչական շրջանի հ.44, 47, 48, 50 մանկապարտեզների հիմնանորոգումը
• Էրեբունի վարչական շրջանի հ.61, 63, 71, 74 մանկապարտեզների հիմնանորոգումը
• Մալաթիա-Սեբաստիա վարչական շրջանի հ.77, 81, 95, մանկապարտեզի հիմնանորոգումը
• Նոր Նորք վարչական շրջանի հ.109, 110 մանկապարտեզի հիմնանորոգումը
• Շենգավիթ վարչական շրջանի հ.135, 137, 319, 143, 147 մանկապարտեզների հիմնանորոգումը
• Քանաքեռ-Զեյթուն վարչական շրջանի հ.161 մանկապարտեզի հիմնանորոգումը:
Հատկանշական է, որ վերոնշյալ մանկապարտեզների շինարարությունից 2023թ. են անցել և ավարտվել են 13 մանկապարտեզի շինարարությունը, որից 8-ինը կավարտվի 2024թ. 1-ին կիսամյակում, իսկ մեկի շինարարությունը կասեցված է /հ.147/:
2023թ. մեկնարկվել են 3 ՆՈՒՀ-ի հիմնանորոգումը, որոնց շինարարության ավարտը նախատեսված է 2024 թվականի 2-րդ եռամսյակում.
• Աջափնյակ վարչական շրջանի հ.41 մանկապարտեզի հիմնանորոգում
• Նոր Նորք վարչական շրջանի հ.105 մանկապարտեզի հիմնանորոգում
• Շենգավիթ վարչական շրջանի հ.140 մանկապարտեզի հիմնանորոգում: