തളിരോടു തളിരിടുമഴകേ നൃത്ത
കലയുടെ ഗന്ധർവ കവിതേ
അടിമുടി നീയെനിക്കു കുളിര് എന്റെ
അകതാരിൽ പ്രണയത്തിന്നമൃത് (തളിരോടു...)

അരയന്നപ്പിടയുടെ നാണം ചുണ്ടി
ലചുംബിത ദാഹത്തിന്നീണം
ചിറകുകൾ മുളയ്ക്കുന്ന സ്വപ്നം പൂത്തു
പരിമളം പരത്തുന്ന പരുവം (തളിരോടു...)

മിഴിയിലെ മഴവില്ലിന്നൊളിയിൽ എന്നെ
പുളകങ്ങളണിയിച്ചു നിന്നെ
നിലവിളക്കെരിയുമെൻ മനസ്സിൽ സ്വർഗ്ഗ
മണിയറയ്ക്കുള്ളിലേയ്ക്ക് ക്ഷണിപ്പൂ (തളിരോടു...)