Żurna
Aħna nagħmlu ħilitna biex inkunu trasparenti, aċċessibbli u mifhuma miċ-ċittadini kollha
Iċ-Ċentru għall-Viżitaturi tal-BĊE jinsab fil-bini ewlieni tal-BĊE fi Frankfurt am Main, il-Ġermanja. Meta żżurna tkun tista' ssir taf aktar dwar ir-rwol u r-responsabbiltajiet tal-BĊE b’mod interattiv u tifhem aħjar kif id-deċiżjonijiet tagħna jaffettwaw il-ħajja tiegħek ta’ kuljum.
Għaliex huwa importanti li l-prezzijiet jibqgħu stabbli u xi jfisser dan għas-saħħa tal-akkwist tiegħek? Kif inkunu żguri li t-tfaddil tiegħek huwa sigur fil-bank? X’inhuma l-kisbiet ewlenin tal-euro?
Interessat(a) li tkun taf aktar? Agħti ħarsa lejn l-attivitajiet taċ-Ċentru għall-Viżitaturi tal-BĊE hawn taħt!
Attivitajiet taċ-Ċentru tal-Viżitaturi
Tours taċ-Ċentru għall-Viżitaturi
It-tours tagħna bla ħlas ta’ 75 minuta għall-gruppi (1-40 partiċipant) ospitati mill-persunal tal-BĊE jagħtu ħarsa ġenerali lejn ir-rwoli u r-responsabbiltajiet tal-BĊE. Dawn huma bla ħlas u jsiru mit-Tnejn sal-Ġimgħa f'ħinijiet fissi. Jekk jogħġbok ibbukkja l-post tiegħek mill-inqas ġimgħa qabel.
Itlob tourLekċers fuq il-post
Il-lekċers fuq il-post minn esperti dwar suġġetti speċifiċi (ħarsa ġenerali istituzzjonali, il-politika monetarja, is-superviżjoni bankarja, l-euro diġitali, u t-tibdil fil-klima) huma mmirati lejn gruppi li jifhmu sew il-mandat tal-BĊE. Il-lekċers tagħna ta’ 60 minuta huma bla ħlas u disponibbli għal gruppi ta’ bejn 15 u 80 parteċipant. Jekk il-grupp tiegħek huwa żgħir wisq biex jitlob lekċer, tista’ tingħaqad ma’ wieħed organizzat għal grupp ieħor.
Itlob lekċer fuq il-postLekċers virtwali
Il-lekċers virtwali dwar suġġetti speċifiċi (ħarsa ġenerali istituzzjonali, il-politika monetarja, is-superviżjoni bankarja, l-euro diġitali, u t-tibdil fil-klima) huma mmirati lejn gruppi li jifhmu sew il-mandat tal-BĊE. Il-lekċers virtwali tagħna ta’ 60 minuta huma bla ħlas.
Staqsi għal lekċer virtwaliTours tal-Binja Prinċipali
Ingħaqad ma' dawn iż-żjarat biex tesplora partijiet differenti tal-binja prinċipali tagħna. Skopri l-istorja u l-arkitettura tal-binja filwaqt li tħoss xi jfisser li taħdem hawn.
Żjarat oħrajn
Żjara lill-Mafkar tal-Lhud
F'kapitlu makabru tal-istorja tal-binja prinċipali, il-kantina tal-Grossmarkthalle kienet tintuża matul it-Tieni Gwerra Dinjija bħala l-post fejn kienu jinġabru l-Lhud, u aktar minn 10,000 ttieħdu minn hemm bil-ferrovija lejn il-kampijiet ta’ konċentrament. Tista' żżur il-mafkar li jinsab fuq il-post billi tirreġistra għal tour bi gwida organizzat mill-Mużew Lhudi ta’ Frankfurt.
Żur is-sit web tal-Mużew Lhudi ta’ FrankfurtIl-Wirja Elsaesser
Il-Grossmarkthalle li jinsab fiċ-ċentru tal-binja prinċipali kien iddisinjat mill-arkitett Martin Elsaesser u nbena bejn l-1926 u l-1928. Dak iż-żmien mhux biss kien wieħed mill-ikbar kumplessi ta’ bini fil-belt ta’ Frankfurt iżda wkoll l-ikbar struttura tal-konkrit rinforzat u bla pilastri fid-dinja.
Ibbukkja tour iggwidat organizzat mill-Fondazzjoni Elsaesser (disponibbli bil-Ġermaniż biss)