Internet (di jàng in-ter-net, jóge ci baatu latin bii diinter=diggante ak bu wu-angalteer bii dinet=lënd) moom lañu jàppe niki lënd gi gën a rëy ci àdduna bi, te boole ay junni-junniynosukaay lëkkale leen ci seen biir.
Ag gaarug benn xaaj bu ndaw ci internet
Mi ngi judd ci ati juroom-benn fukku yi niki ab sémb bu kuréel gi yor kaaraange caDiiwaan yu Bennoo yi ngir sos aglonkoo ci seen diggante, ci njeextalxare bu sedd bi lañu ci yaatal ñeneen ñu dul yëngu ci kaaraange rekk, lëkkale daara yu kawe yi gën a mag, ci lu njëkk, ba yàgg mu àgg ci yenn liggéeyuwaay yi, ci noonu lu muy gën di dem di gën a yaa ba àgg tay ci sunu kër yi.
Internet man nanu koo jàppee niki aglonkoo gu xellu te fasu teg ci, cëslaayu ci fànni jumtukaay ak xeeti lonkante gu ne, lëkkale leen ci seen biir.
Jumtukaay yiy lonku ci internet lees di waxhost(di tekki gan ci wolof) wallaend system (nosteg njeexte ci wolof), mbir miy jokkalehost yi la ñuy wax lëkkalekaay.
Limu jëfandikukat yi ci réew yi ci 2006, (gongikuwaay CIA).
Naka-jekk Internet «mbaalumbaal yi» lañu koy dakkantale. Naka-noonu ay lonkoo yu bare lonkante doon ko: lonkoo yu kenn, yu mbooloo, yu ay këri-koom, yu ay daara yu kawe... Ag juddoom ak ag màggam gu gaaw, bokk na ci li ko waral, mooy bennal gi am ci xeetujokkoo ci diggante lonkoo yi, waral wecconteyxibaar man a am ci diggante ay jëfandikukat yu soriyante(yu mel ne nguur-ak-nguur, daara-ak-daara, këru-koom-ak-këru-koom, ak ñoom seen, te jumtukaay yi muy jëfandikoo amuñu ci benn njeexit.
