Movatterモバイル変換

20/8/04EUA: ¿Como dessacreital a un presienti que se ganó una fama duldosa de señol de la guerra? Ehandu que muestri los sus verdaerus pensamientus. Tuavía enantis de las elecionis generalis espubliça'l Moore un nuovu libru escontra'l Bush.www.spiegel.de

16/8/04VENEÇUELA: Los elehtoris veneçuelanus decíun el dumingu mantenel nel puel al su presienti. El hefi de l'Estáu ohtuvu'l 58,25% de los votus contra'l 41,7% de los votus pa l'oposición. L'escrutiniu stuvu marcáu pur una participación massiva y una calma generaliçá. www.lemonde.fr

13/8/04IRÁN: Teherán testó antiel una nuova versión del missil cunvencional de meyu alcanci Chahab-3. Istu h.ue reveláu pol Ministeriu de Defensa iraní, que non escuendi los sus ohetivus: prevenil un ataqui israelí a las istalacionis nuclearis iranís.www.dn.pt

10/8/04TURQUÍA: Angunas bombas esplotun en dos otelis y nuna pranta de gas ena ciá turca d'Istambul, murriendu dos personas nel otel Pars, un iraní y un turcu, y resultandu h.eríus al menus nuevi. L'otel recebió una alvertencia por teléfonu peru solo tuvun 10 minutus pa racional.www.bbc.co.uk

6/8/04HAPÓN: Nel 59 aniversariu del lançamientu de la bomba atómica sob·ri la ciá haponesa aprovechó l'arcaldi de Hiroshima pa dirigil duras críticas contra los Estaus Uñíus. Los EUA achegan la siguienti generación de bombas nuclearis, criticó Tadatoshi Akiba duranti l'acontecimientu central desti recordatoriu de las víhtimas del 6 d'Agostu.www.spiegel.de

3/8/04EUA: La mayol parti de los indicius que llevun a las ahtualis alvertencias de la Gobielna estauñiensi d'ahtus terroristas paecin provenil de "h.uentis d'acessu públicu". Assina al minus lu afirman periódicus americanus en h.iziendu referencia a informacionis del serviciu d'inteligencia.www.frankfurterallgemeine.de