Kilalado hiyá ha Espanya nga "Felipe el Prudente" ('"Felipe nga Mahuyo'"), an iyaimperyo naglakip hin mga teritoryo ha tagsa kontinente nga nasabtan han mga Europeo, upod anPilipinas nga gin-ngaranan ha dungog niya. Didâ han iya paghadì, inmabot an Espanya han kahitas'an han gahom ngan impluwensya hiní. Agsob tinatawag ini ngaBulawanon nga Edad. An darahonon nga, "an imperyo nga diin an adlaw dirì gud natúnod," gin-gamit han panahón ni Felipe ha pagpakita han katubtuban han iya dominyo.
Didâ han paghadì ni Felipe mayda mga lainlain ngapagkabangkarota han estado han 1557, 1560, 1569, 1575, ngan 1596. Bahin nga rasón hiní anpagdeklara hin paglugaring nga naghimò hanRepúblika Olandesa han 1581. Usá nga matinuoron nga Katoliko hi Felipe nga kilalado gihapon han pagtirok hin expedisyon ha dagat patok han Protestante nga Inglaterra han 1588, anArmada Espanyol, nga waray magmalinamposon, tungod hin dako nga bahin hin mga bagyo nga mga dagko nga problema ha lohistiko.
Hi Felipe iginpahayag hanVenesyano nga embahador nga hi Paolo Fagolo han 1563 nga "may pagkahalipot hin kahimo ngan pagkalidong-hin-nawong, nga mabusagbusag nga azul nga mga mata,baga hin nalabaw nga im-im, ngan baga hin limbahon nga pánit, kundi an iya kahimo ha bug-os nga pagsubay mahusay hin duro." Nagpadayon pagsiring an Embahador nga "Nagsusul-ot hiyá hin panapton nga maupay hin kaangay hin duro, ngan tanan nga iya ginbubuhat may pagkamaupay hin batasan ngan pagdará."[4]
↑An Espanya usá ngakomposito nga monarkiya, ngan dugang ha pagin ikaduhá nga Felipe nga naghadì hanCastilla, hiyá an syahan nga Felipe nga naghadì hanAragón ngan an ika-upat nga Felipe nga naghadì hanNavarra.
