Schandeye (Chandîye), c' est onlive d' imådjes avou on gros spès cayé d' esplicaedjes, sicrît paJoëlle Spierkel ey eplaidî e2019. Les deus sont metous dins ene ewalpeure e plastike k' on voet houte.
Les desséns et l' epådjnaedje sont da Muguete Donnaiy eyet Ilheim Abdel-jalil.
Tos les bokets do live sont ratournés e francès.
Il est I s' prezinte come on grand lådje live d’ imådjes, raloyî pa on fi d’ årca caracolrece, po esse eployî a môde docamichibay.
Li tecse est scrît a l’ evier des imådjes, tantea ki l’ lijheu(se) a l’ tecse a l’ adroet d’ ses ouys, tins k’ i mostere les desséns ås rwaitants.
Come dins les « Grands åbes », Djowele va basti si paskeye so des veyous-evi del societé. Po tni ç’ role la, gn a-t i rén d’ mî k’ des pûs ?
Eyet, – droldimint assez – on s’ va fé do må po ene cope di pious ki vnèt do ponre des lintes ådvins del bonete d’ ene sicolresse lomêye Lilia.
C’ est li cminçmint do bontins. Lilia ni vout nén mete si cwefe po-z aler a scole. Mins, voye non voye, tel metrès, dit-st ele si mame, mwaijhe.
Come il ont bén tchôd, nos formagnants et leus covin, dissu l’ tiesse del maraye, rascovrou do tchôd bonet.
Oyi mins nén pus, cwand nosse ravachole di Lilia abroke e li scole, ele hene si bonete å diåle, dins ene coine del coû d’ recreyåcion.
Va shuve on « monitorigne » del timperateure del bonete, paski, si l’ nitêye si rafroedixh, c’ est l’ moirt waeranteye po nos pûytons.[1]
Pådje do live, k' î est aberwetåve