Ons woordkalkoen is e samentrekkienge vanCalcut-hoen. Calcut ligt in ZudelikIndië. In de Scandinoavische landn gebruukn ze 't zelfste woord. DeFransche noame verwyst ook nor Indië, dinde of dindon komt van poule d'Inde (kiekn van Indië). Moar in 'tIengels noemn ze 'tturkey en inPortugalperu. Ook in 't 17de en 18de eeuwse West-Vlams klapten ze vanturken.
Kalkoenn zyn oenders die à-peu-près elf miljoen joar geleeën evolueerdn noar e zelfstandige soorte, los van andere die nu kiekns of patryzn noemn. ’t Zelfste lik dan de vooristorische Azioatn en Europeoann kiekns begostn t’oudn als uusdier, deeën d’Indioann vanMiddn-Amerika da mè kalkoenn. D’Azteekn en de Maya’s woarn zot van die beestn vor under schone steirtpluumn en under goevlees en eiers.
D'n eestn Europeoan die e kalkoen zag was Christoffel Columbus. Je landde in 1492 in Amerika moa je peisde dat ‘n in Indië was. Je noemde de grote veugel dat ’n nog noois gezien aadtuka, ’t woord dan de Zuud-Indische Tamils gebruuktn vo pauw. Amerika wierd lange West-Indië genoemd. Vandoar de connectie tusschn Indië en de kalkoen.
In 1519 veroverde de Spanjoard Hendando Cortès Mexico. Je leerde doa kalkoen eetn en zound 'n deel levende veugels noa Spanje. Ook de Portugeezn leerdn de kalkoen kenn moa ze peisdn verkeerdelik dan ze van de Inca's kwoamn. Vandoar de noameperu in 't Portugees.
In 1530 zoundn Ingelsche commercantn van uut ’t Middellands Zeegebied (ton ounder ’t Ottomoanse ryk) kalkoenn noar under land. Doadeure wierdn die commercantn Turkn genoemd en loater ook under veugels. Azo kwoamn ze an de noameturkey.
In 't begun van de 17e eeuwe trok d'r 'n groep Ingelsche religieuze separatistn, dePilgrim Fathers noa Noord-Amerika. Ze noamn kalkoenn mee moa zoagn dat 'r doa 'n grote wilde soorte bestound nl. dewild turkey ofagriocharis ocellata. In de US en Canada wordt die soorte traditioneel geetn mè Thanksgivingday, under nationale feestdag.
Achter deTwidde Weireldoorloge zyn m’ ier ook ounder invloed van d’Ingelsche en d’Amerikoann gevulde kalkoen begunn eetn mèkestdag.
