Fort-Mardyk (Frans:Fort-Mardyck,Nederlands:Fort-Mardijk) es e vroegere gemêente in'tFranscheNoorderdepartement die nu e zogenoemde "commune associée" es vande stadDuunkerke. De dêelgemêente ligt ande westkant vanDuunkerke-Centrum, tusschn de hoavn,Sint-Pols,Klêen-Sintn en de gemêenteGroot-Sintn. Fort-Mardyk it en ippervlakte van 1,41 vierkante kilomèiters en telt apeupri 3600 inweuners.
De plekke es enoemd achter 't vroegere fort da in1620 deur deSpanjoardn wierd ebouwd om de westkant van Duunkerke te beschermn en da verwyst na de bygeleegn plekkeMardyk. Tusschn de 4de en den 25sten oest1646 wierd et fort by'tBeleg van Mardyk beleegerd deur e Fransch-Ollandsche coaliesje teegn de Spanjoardn. Tusschn 30 september en 3 oktober van 't joar1657 wierd et fort ipnief g'attaqueerd en ingepakt deur 't Fransche leeger ounder leydienge vanVauban enLouis Nicolas de Clerville in den anlôop na deSlag der Duun'n van1658. Achter da de Fransch-Iengelse coaliesje die slag by Duunkerke gewoun'n ad, gienk dus ôok Fort-Mardyk volgens d'oovrêenkomste oovr na d'Iengselsche. Mo vier joar derachter, in 1662, kochte keunienkLouis XIV Duunkerke en dus ôok Fort-Mardyk were van d'Ingelsche. In 1665 wierd het fort ip bevel van zunnekeunienk me de ground gelyk gemakt en ne liet der deur zyn minister van de marine,Jean-Baptiste Colbert, e kolonie van Frans koutende zêemann'n uutPicardië stichtn. Die beweuners wierdn surtout gerekruteerd uut de regio roundStoapel enKuuk, juuste ten zuudn vanBonen.
In1793 wierd achter deFransche Revoluusje et dorptje e zelfstandige gemêente, mo korteliengs derachter in 1800 wierd Fort-Mardyk by de gemêente Mardyk gevoegd. In 1830 wierd et ton were by Groot-Sintn gestookn en in 1868 wierd et ipnief en ounofankelyke gemêente. In 2003 wierd, juuste lyk in Sint-Pols, beslootn deur de gemêenteroadn van te fuuzjeneern me Duunkerke, mo by e volksroadpleegienge ieroovr in december 2004 wierd 't ipkomstquotum van 25 percent nie g'oald, waarip de fuuzje nie deuregieng. In 2010 wierd die beslissienge nietig verkloard en wierd Fort-Mardyk toch nog e "commune associée" van Duunkerke.
.jpg)
