Egied Strubbe (Brugge,23 november1897 - Brugge,7 november1970) was een prof geschiedenisse an d'univ inGent.
Egied was de zeune van Joseph Strubbe, een importateur van hout, die gemeenteroodslid was in Brugge (1878-1895), provincieroodslid (1890-1894) en volksvertegenwoordiger (1908-1912). Egied dei zyn studies in 't Sint-Lodewykscollege in Brugge en 't Sint-Jozefscollege in Turnoet. Je studeerde rechtn an de Katholiek Universiteit van Leuven, wo dat ie promoveerde toe doctor in de rechten in 1921. Broere van Andre Strubbe licentioot handels en consulaire wetenschappen, historicus.
Toe by 't begun van de Twidde Wêreldoorlog bleeft ie avecoot an de balie in Brugge. Ondertusschen was zyn interesse vorechtsgeschienisse ipgewekt deur Brugsche historiekers likCamiel Callewaert enHenri de Sagher. Van 1922 voort toe an zyn dood wast ie medewerker by de Société d'Emulation de Bruges. Vanof 1931 gaf tie an d'univ in Gent de vriee cursus geschiedenisse van 't oud-voaderlans recht. In 1935 wiert ie deeltieds benoemd vor Algemene Rechtsgeschienisse. Vanof 1938 gaf tie Paleografie van de Middeleeuwn, en vanof 1940 Oorkondenleer van deMiddeleeuwn.
Vele jaaren was tie verantwoordelik, tope metGanshof enVan Werveke, vor d'ipleidinge van de mediëvisten in Gent. Je gink in 1967 ip pensioen.
Buten den univ was tie één van de promoteurs van 'tGroeningemuseum, een musée vo schilderkunste in Brugge. Je was ook promoteur van 't Museum van Schone Kunsten van Latem en de Leiestreke in 1928.
Je was betrokken by vele wetenschappelikke uutgaven. Azo was tie bevoorbeeld groendlegger van de Belgisch-Nederlansche topewerkinge vor d'uutgave van de teksten van deGrote Raad van Mechelen in 1966/1971, d'uutgave van de twoalfde-eeuwse encyclopedie, 'tLiber Floridus in 1968, patroneerde tie de studie van de Middeleeuwsen aan 't univ van Orléans en zat hie sedert 1950 in de redactie van 't internationol "Tijdschrift voor Rechtsgeschiedenis".
Sedert 1932 was tie lid van de 'Keuninklikke Commissie vor d'Uutgave van Oude Wetten en Verordeningn vanBelgië', sedert 1955 was tie lid van de 'Keuninklike Commissie vor Geschienisse' en in 1946 was tie ol lid gewordn van de 'Keuninklikke Vlamsche Academie vor de Wetenschappen, Lettern, en Schone Kunsten van België' en van de 'Keuninklike Commissie vor Volkskunde'.
In 1968 kreeg tie ook nog een doctoraat honoris causa inLeidn.
STRUBBE, EGIED, De luister van ons oude recht. Verzamelde rechtshistorische studies, Faculteit der Rechtsgeschiedenis Rijksuniversiteit Gent, Uitgeverij Elsevier-Sequoia, Brussel, 1973.