Vjetnam (vjetn .:Việt Nam [vîət nāːm]), oficialižikšVjetnaman Socialistine Tazovaldkund (vjetn .:Cộng Hòa Xã Hội Chủ Nghĩa Việt Nam ,tji nom 共和社會主義越南, vepsän transkripcii:Kong hoa sa hoi tü ngia vjet nam ), om valdkundAzijan suvipäivnouzmpoles. Pälidn omHanoi .
Vn 1945 2. päiväl sügüz'kud Vjetnam tedištoiti ripmatomudesFrancijaspäi . Francii tundišti Vjetnaman ripmatomut vn 1954 21. päiväl heinkud.
Vll 1940−1946 valdkundan territorii oli okkupiruidudJaponijan sodavägil. Vspäi 1954 kaks' Vjetnamad oli — Pohjoine da Suvine. Vozil 1957−1975Soda Vjetnamas oli, tetab kutiToižen sodan Indokitaiš pala. Vl 1976 ühthine Vjetnaman valdkund udessündutihe.
Valdkundan ezmäižed Konstitucijad oliba väges vozišpäi 1960 i 1980. Nügüdläine koumanz' lugul Konstitucii[ 2] [ 3] vjetn .:Hiến pháp ) om vahvištadud vn 2013 28. päiväl kül'mkud. Se om tulnu väghe vspäi 2014.
Vjetnaman topografine kart (2007) Ha Long-laht vl 2009 Vjetnam om kaikiš päivnouzmaižemb valdkundIndokitai-pol'sarel . Se om mavaldkundröunoišKambodžanke (röunan piduz — 1158 km) daLaosanke (2161 km) päivlaskmas,Kitainke pohjoižes (1297 km). Ühthine röunoiden piduz om 4616 km. Vjetnaman päivnouzmaižed da suvižed randad lainištabKitain Suvimeri . Ühthine randanpird (merisaridenke) — 3444 km.
Madalad mäged da keskkorktusen mäged ottas enamba Vjetnaman territorijan nell' videndest. Vjetnaman kaikiš korktemb čokkoim omFanšipan -mägi, 3143 m meren pindan päl.
Suvipäivnouzmpol'žen Azijan kaikiš pidembadHongh - daMekong -joged langetasKitain Suvimerhe Vjetnaman territorijal. Saum vezid — 6,4 % (21 140 km²).
Londuseližed pävarad omakivivoi dalonduseline gaz Kitain Suvimeres,kivihil' ,boksitad ,hrom ,marganc , harvadmametallad ,fosfatad ; toižed varad —mec ,gidroenergii , väghinemahuz .
Vjetnaman prezidentan pert'kuluHanoiš vl 2008 Ohjandusen form om unitarine socialistineparlamentine tazovaldkund ühtenke partijanke (Vjetnaman Kommunistine partii). Valdkundan pämez' om prezident (vjetn .:Chủ tịch ), hän-žo azekhiden vägiden päkäsknik. Üks' varaprezident om hänele abhu. Parlament paneb radnikusele valdkundan prezidentad (videks vodeks), päministrad da toižid ohjastusen ühtnikoid, Ülembaižen käskuzkundan sudijad. Prezidentale sab otta radnikust kahtišti.
Parlament om üks'kodine Nacionaline Suim (vjetn .:Quốc Hội ) 500 deputatanke. Kaik rahvaz valičeb heid videks vodeks. Vaiše parlamentale sab vahvištada käskusid da konstitucijad.
Ülembaine rahvahan käskuzkund om käskuzkundaližen tobmuden pä. Avtonomijoiden olmatomudehe kacmata, kaikuččele ristitule sab kävutada mamankel't käskuzkundas.
Parlamentan ühtnijoiden järgenduseližed valičendad oliba vn 2016 22. päiväl semendkud.Čan Dai Kuang oli hüvästadud parlamental da radoi 10. prezidentan vn 2016 sulakun 2. päiväspäi, koli vn 2018 21. päiväl sügüz'kud,Nguen Fu Čong om valitud parlamental da radab 11. prezidentan vn 2018 23. päiväspäi redukud.Nguen Suan Fuk om päministraks vn 2016 sulakun 7. päiväspäi.
Kacu kirjutuz:Vjetnaman administrativiž-territorialine jagand .
Vjetnam jagase 63 regionaks: 58 agjad (vjetn .:Tỉnh ) da vidhe agjaha tazostadud lidnad keskuzalištusenke (vjetn .:Thành phố trực thuộc Trung ương ).
Agjad alajagasoiš lidnoikš agjalištusenke (vjetn .:Thành phố trực thuộc tỉnh , vl 2013 oli 64 mugošt lidnad), ezmäižen pordhan administrativižikš lidnühtnikoikš (vjetn .:thị xã ), külärajonikš (vjetn .:huyện , kaik oli 548 rajonad vl 2013). Lidnad keskuzalištusenke mülütadas kahtenden da ezmäižen pordhan administrativižid lidnühtnikoid (vjetn .:quận dathị xã ), külärajonid.
Valdkundan agjad da lidnad ühtetas kahesha ekonomižhe regionha.
Vn 2009 Vjetnaman rahvahanlugemižen mödhe 85 846 997 ristitud elädas valdkundas. Kaikiš suremb valdkundan ristitišt om nügüd', vspäi 1950 ližadui nell'hä kerdha.
Valdkundan tobmuz tundištab 54 igähišt rahvahad valdkundas. Rahvahad (2009):vjetad — 85,7 %,tajid — 1,9 %,tailandalaižed — 1,8 %,muongad — 1,5 %,khmerad — 1,5 %,hmongad — 1,2 %,nungad — 1,1 %, hoalaižed (hanilaižed ) — 1,0 %, toižed rahvahad — 4,3 %.
Uskojiden mülükund (vn 1999 rahvahanlugemižen mödhe): ezitatoiden kul'tan (vjetn .:tho kung to tjen ) veroiden (animizman ) polenpidajad daateistad — 80,8 %,buddistad — 9,3 %,katolikad — 6,7 %, toižed uskojad — 3,1 %.
Vjetnaman lidnad-millionerad (vl 2010[ 4] Hošimin (rahaazjoiden keskuz),Hanoi (pälidn),Haifon ,Kantho ,Danang . Lidnalaižiden pala oli 37,5 % vl 2017.
Ižanduz om agrariž-industrialine. Valdkund šingotase vižvoččiden planoiden mödhe. Elektruz tegese gidroelektrostancijoil tobjimalaz, niiden tehmine rippub satusekahas vihmsezonaspäi. Industrijan päsarakod oma elektronikan i mašiništon pästand, terasen tehmine, sömtegimišt, pun ümbriradmine, tekstiline i kengiden pästand, motosauvomine. Ižandusen toižed znamasižed sarakod oma turizm i maižanduz (ris, kofe, kešju-pähkmed, meriproduktad, maplodud).
Sektoroiden palakogosüdäiproduktas (2017): maižanduz — 15,3 %, tegimišt — 33,3 %, holitišed — 51,4 %. Vl 2022 radajiden 27,5 % oliba otnus maižandushe, 33,4 % — tegimištho, 39,1 % — holitišiden sferha.
Vjetnaman päeksport om erazvuiččedsobad (läz 22 %),suks'kengäd dasportkengäd (11 %),elektroladimišt (läz 9 %),kivivoi (6 %),kala damerenproduktad (6 %); toine eksport — metallinemebel' ofisan täht (4 %),hobed (3 %),ris (3 %),kofe (2 %),kivihil' (2 %),vas'kne vanuim (2 %),räzin (1 %),lebuištmed lendimiden täht (1 %),kakaonbabud (1 %). Vl 2012Kitai ,Japonii ,AÜV daSuvikorei oliba pätorguindpartnörikš (ühtes — pol'eksportad dai pol'importad).
↑ Vjetnaman ristitišton endustuz vn 2018 heinkus // Mail'man faktoiden kirj. —Cia.gov . (angl.) ↑ Vn 2013 Vjetnaman Konstitucijan tekst Vikipurtkiš. (angl.) ↑ Vjetnaman Konstitucijan tekstconstituteproject.org -saital. (angl.) ↑ Gid Vjetnamadme: lidnoiden da provincijoiden nimikirjutez (2010). —Vietnamtourism.org.vn . (angl.) Tobmuz Toižed
