Movatterモバイル変換

Mine sisu juurde

Tverin agj

Vajehta tarkendused

Vikipedii-späi

Tverin agj
Тверская область


Tverin agjan flag	Tverin agjan znam

Pälidn

Pind

- Ühtes
- saum vezid (%).

84,201km²
2,95

Eläjiden lugu

- Kaik
- Sageduz

1,283,873 ristitud (2018)
15,25 rist./km²

Regionaline KSP

- Kaik, nügüdläižiš arvoiš
- Ühtele hengele

359,3 mlrd rub. (2016)
276,3 tuh. rub.

Federaline ümbrik

Keskuzline

Venäman ekonomine region

Keskuzline

Gubernator

Ohjastusen ezimez'

hän-žo

Käskusenandajan Suiman ezimez'

Avtokod

69

Aigvöd

UTC+3 (MSK+0)

Tverin agj (ven.:Тверская область) omVenälaižen Federacijan subjekt (agj).

Se mülübFederaližhe keskuzümbrikho.

Agjan administrativine keskuz da kaikiš suremb lidn omTver'.

Istorii

[vajehta |vajehtada lähtetekst]

Tverin agj om olmas vs 1935 vilukun 29. päiväspäi. Vhesai 1992 semendkun 16. päivhäsai nimitihe sidäKalininan agj:aks.

Tverin agjan Päkäskuz^[1] om vahvištadud vn 1996 5. päiväl kül'mkud agjan Käskusenandajan Suiman ezitajil da om väges äiluguižidenke vajehtusidenke.

Geografijan andmused

[vajehta |vajehtada lähtetekst]

Tverin agjan reljefan kart.

Tverin agj sijadasePäivnouzmaižen Evropan tazangišton keskpalan päivlaskmas. Se vedase pohjoižespäi suvhesai 260 km matkad da päivlaskmaspäi päivnouzmhasai 450 km matkad. Agjan röunaspäiMoskvan ümbärtehesai — 90 km.

Agjal om röunoidMoskvan daSmolenskan agjoidenke suves,Pskovan agjanke päivlaskmas,Uz'lidnan agjanke lodehes,Vologdan agjanke pohjoižes daJaroslavlin agjanke päivnouzmas. Tverin agj om mererandatoi.

Pind om 84 201 km², sidä keskenmec otab viž ühesandest. Kaikiš znamasižembad järved omaSeliger-järv daBrosno-järv. Koumen suren jogen niškad sijadasoišValdai-kukhil:Volg-,Päivlaskmaine Dvin- iDnepr-joged.

Reljef om tazo päivnouzmas.Valdai-ülüz otab agjan päivlaskmašt pol't. Agjan kaikiš korktemb čokkoim omValdain pä (347 m).Kunj-jogen kendäk om kaikiš madalamb (61 m) Uz'lidnan agjan röunanno agjan pohjoižes.

Klimat omven kontinentaline, kontinentaližuz ližadab suvipäivlaskmaspäi pohjoižpäivnouzmha. Heinkun keskmäine lämuz om +17..+19 C°, vilukun lämuz om −6..−10 C°. Paneb sadegid 650 mm vodes.

Londuseližed varad omabur hil',turbaz,sauvondmaterialad (mouckivi,letked,saved),mec,reskvezi.

Tobmuz

[vajehta |vajehtada lähtetekst]

Agjan gubernatoran da Ohjastusen pert'Tveriš, 2008. semendku.

Agjan pämez' nimitase gubernatoraks.Igor' Mihailovič Rudenä radab gubernatoran vs 2016 keväz'kun 2. päiväspäi. Kaik rahvaz änestab gubernatorad videks vodeks, enamba kaht strokud jäl'geten ei sa. Gubernator om mugažo agjan Ohjastusen ezimez', hän märičeb sen strukturad da paneb sen ühtnijoid radnikusile. Ohjastusen ezmäine varaezimez' da viž Ohjastusen muite varaezimest oma hänele abhu.

Tverin agjan üks'kodine parlament om Käskusenandai Suim. Kaik rahvaz valičeb sen 40 ezitajad videks vodeks.Sergei Anatol'jevič Golubev radab Käskusenandajan Suiman ezimeheks vs 2016 sügüz'kun 29. päiväspäi.

Radonoigendai tobmuz om Tverin agjan Ohjastuz. Agjan ministrused, päohjandused da komitetad alištudas Ohjastusele.

Käskusenandajan Suiman ühtnijoiden järgenduseližed valičendad oliba vn 2016 18. päiväl sügüz'kud. Valitihe gubernatorad sil-žo päiväl,nügüdläine gubernator sai vägestust ezmäižes turas (72,1% änid).

Administrativine jagand

[vajehta |vajehtada lähtetekst]

Kacu kirjutuz:Tverin agjan administrativiž-territorialine jagand.

Agj kogoneb 7 lidnümbrikospäi da 36 municipaližes rajonaspäi.

Eläjad

[vajehta |vajehtada lähtetekst]

Vn 2010 Venäman rahvahanlugemižen mödhe eläjiden lugu oli 1 353 392 ristitud^[2]. Kaikutte koumanz' eläi nelläspäi om lidnalaine.

Kaik omkaks'kümne koume lidnad agjas da 30 lidnanvuittušt žilod. Toižed järedad lidnad (enamba 40 tuh. eläjidenke, surembaspäi penembha) omaRžev,Višnii Voločok,Kimri,Toržok iKonakovo. Vl 2017 kaik oli 17 eländpunktad enamba mi 10 tuh. eläjidenke.

Rahvahad (enamba 0,4% vl 2010):venälaižed — 86,6%,ukrainalaižed — 1,1%,armenijalaižed — 0,7%,karjalaižed — 0,6%,totarlaižed — 0,5%,vaugedvenälaižed — 0,4%,azerbaidžanlaižed — 0,4%,čiganalaižed — 0,4%, toižed rahvahad — 2,0%, rahvahuden ozutandata — 7,3%.

Transport

[vajehta |vajehtada lähtetekst]

Federaližed avtoted M10 «Venäma» (Moskv — Piter) da M9 «Baltii» (Moskv — Rig) läbitadas agjad. Kovas kattud teiden piduz — 16 032 km.

Läz Tverid om kaht civilišt lendimportad: rahvahidenkeskeine «Migalovo» (KLD,UUEM)lendahtamiž-ištutandsarganke jüguaviacijan täht 2500 m pitte da «Zmejovo»-punolendimpöud. Sen ližaks, Hotilovo-sodaaviabazan soda- da civiline lendimport sijadase läzBologoje-lidnad.

Londuseližen gazan magistraližed veimed läbitadas agjad: «Pohjoižen Säind» (Uht —Toržok — Minsk), Serpuhov — Piter. Kivivoin Baltine torvsistem mäneb agjan päivnouzmadme (Jaroslavl' — Kiriši — Primorsk).

Homaičendad

[vajehta |vajehtada lähtetekst]

Irdkosketused

[vajehta |vajehtada lähtetekst]

Tobmuz

Toižed

	Tverin agjan lidnad
	Andreapol' \|Belii \|Bežeck \|Bologoje \|Kaläzin \|Kašin \|Kimri \|Konakovo \|Krasnii Holm \|Kuvšinovo \|Lihoslavl' \|Nelidovo \|Ostaškov \|Päivlaskmpol'ne Dvin \|Ržev \|Staric \|Zubcov \|Toropec \|Toržok \|Tver' \|Udoml' \|Ves'jegonsk \|Višnii Voločok

Venälaižen Federacijan subjektad
Tazovaldkundad	Adigejan •Altajan •Baškortostanan •Burätijan •Čečenijan •Čuvašijan •Dagestanan •Hakasijan •Ingušetijan •Kabardinijan da Balkarijan •Kalmikijan •Karačajan da Čerkesijan •Karjalan •Komin •Marii Elan •Mordovijan •Pohjoižosetijan — Alanijan •Saha (Jakutijan) •Tatarstanan •Tuvan •Udmurtijan
Randad	Altajan •Baikalantagaine •Habarovskan •Kamčatkan •Krasnodaran •Krasnojarskan •Merenrandaline •Permin •Stavropolin
Agjad	Alalidnan •Amuran •Arhangel'skan •Astrahanin •Belgorodan •Bränskan •Čeläbinskan •Irkutskan •Ivanovon •Jaroslavlin •Kaliningradan •Kalugan •Kemerovon •Kirovan •Kostroman •Kurganan •Kurskan •Leningradan •Lipeckan •Magadanan •Moskvan •Murmanskan •Novosibirskan •Omskan •Orelan •Orenburgan •Penzan •Pskovan •Rostovan •Räzanin •Sahalinan •Samaran •Saratovan •Smolenskan •Sverdlovskan •Tambovan •Tomskan •Tulan •Tverin •Tümenin •Ul'janovskan •Uz'lidnan •Vladimiran •Volgogradan •Vologdan •Voronežan
Federaližen alištusen lidnad	Moskv •Piter
Avtonomižed agjad	Evrejan
Avtonomižed ümbrikod	Čukotkan •Hantin da Mansin (Jugr)¹ •Jamalan Nenciden¹ •Nencan²
Toižed	Krim³ •Sevastopol'³
¹ Tümenin agjan pala ² Arhangel'skan agjan pala ³ Dejure —Ukrainan pala

Om sadud "https://vep.wikipedia.org/w/index.php?title=Tverin_agj&oldid=170127"

[8]ページ先頭

©2009-2025 Movatter.jp