Movatterモバイル変換

[0]ホーム
URL:

Mine sisu juurde
Vikipedii
Eci

Tolido (Ogajo)

Vikipedii-späi
Tolido
Toledo
 Lidnanznam
 Flag
ValdkundAmerikan Ühtenzoittud Valdkundad
Eläjiden lugu (2020)270,871 ristitud
Pind217,12 km²
Tolido Toledo
Pämez'Ueid Kapsukevič
(viluku 2018—,
Wade Kapszukiewicz)
Telefonkod+1−419, +1−567
Aigvötal'velUTC−5,
kezalUTC−4


Sil sanal voib olda toižid znamoičendoid; miše nähta niid, tulgattänna.

Tolido (angl.:Toledo [tə'li:doʊ]) omAÜV:oiden lidnOgajo-štatas sen pohjoiženno röunanno Mičigan-štatanke. Lidn om štatan nellänz' surtte, Lukas-ümbrikon administrativine keskuz.

Lidn vasti Mail'man kupkadjoudjaližes borcuindas 17 kerdad.

Istorii

[vajehta |vajehtada lähtetekst]

Eländpunktan aluz om pandud nügüdläižhe sijha vl 1837. Zavodi kazda portaks Momi-jogen iSuriden järviden keskes.

Tolido šingotihe i jätkab šingotest raudtesol'meks,stöklan i stökolkuidun tegimil, avtodetaliden edheotandoil iJeep-avtoiden (Fiat Chrysler Automobiles) tegimel.

Geografijan andmused

[vajehta |vajehtada lähtetekst]
Lidnan sijaduz Lukas-ümbrikos i Ogajo-štatas vn 2014 kartal

Lidn sijadase štatan lodehes-pohjoižes,Eri-järven päivlaskmaižel randal, 187 m ü.m.t. keskmäižel korktusel, Momi-jogensunno (angl.:Maumee). Matkad štatan administrativižheKolumbus-keskushesai om 196 km suvhe orhal vai 233 km avtotedme.Kanadan territorii zavodiše Eri-järven vastrandal, pohjoižpäivnouzmha.

Klimat omven kontinentaline nell'sezonine, Eri-järv pehmdab säd. Keza om päivoikaz lujas, tal'v om pil'vekaz. Voden keskmäine lämuz om +11,2 C°, kezakun-sügüz'kun +19,1..+24,1 C°, tal'vkun-uhokun −2,5..+0,4 C°. Ekstremumad oma −29 C° (viluku) i +41 C° (heinku). Kezaaigan minimum om 0 C° (kezaku), tal'vaigan maksimum om +23 C° (uhoku). Ei voi panda halad heinkus-elokus vaiše (elokun minimum om +1 C°). Il'man lämuz voib ületada +20 C° miččel taht kul. Paneb sadegid 889 mm vodes, kuidme läz tazomäras, enamba sulakus-kezakus (88..97 mm kus), vähemba tal'vkus-uhokus (58..62 mm kus). Paneb lunt 95 sm tal'ves 31 päivän aigan, lumikatken keskmäine korktuz sase 13 santimetrhasai vilukus-uhokus. Kun keskmäine relätivine nepsuz vajehtase 66..72 % röunoiš keväz'kus-heinkus, 73..78 % toižiš kuiš.

Eläjad

[vajehta |vajehtada lähtetekst]

Vn 2010 AÜV:oiden rahvahanlugemižen mödhe lidnan eläjiden lugu oli 287 208 ristitud, vn 2020 — 270 871 ristitud. Vl 2015 lidnan ristitišt oli 279 789 eläjad. Kaikiš suremb lidnan ristitišt oli 383 818 eläjad vl 1970. Kaik 608 tuhad eläjid om ezilidnoidenke (2020, vl 2010 oli 650 tuhad).

Tolidon universitet[1] (angl.:University of Toledo, 17 tuh. üläopenikoid vl 2021) radab 19. voz'sadan lopuspäi, sirdi ezilidnaspäi nügüdläižele sijadusele vl 1931.

Transport

[vajehta |vajehtada lähtetekst]

Avtobusad da taksid oma kundaližeks transportaks lidnas sen ezilidnoidenke. Tolidon päraudtestancii vastsi 66,4 tuhad matknikoid vl 2011. Jogapäiväližed passažirjonused läbitadas lidnad, ajadasČikago — Nju Jork / Boston i Čikago — Vašington jonoil. Port om videnz' surtte Suriden järviden randoil.

Rahvahidenkeskeine civilineTolido Ekspress-lendimport (TOL / KTOL) sijadase 16 kilometras päivlaskmha lidnaspäi. Tehtas passažirreisid Florid-štatan koumhe lendimportha, toižed tondan punktad oma Los Andželes, Las Vegas, Finiks, Čikago, Nju Jork, Vašington. Om regulärižid jügureisid Tehas-, Florid-štatoihe i Meksikan lidnoihe. Toine rahvahidenkeskeineDetroit Metropolitan-lendimport radab 55 km pohjoižhe lidnaspäi. Kaks' tošt lendimportad oma avaitud penen aviacijan täht ezilidnoiš.

Galerei

[vajehta |vajehtada lähtetekst]
  • Lukas-ümbrikon Käskuzkund (2019)
    Lukas-ümbrikon Käskuzkund (2019)
  • Jumalanmaman Pühän Rozarijan päjumalanpert' (riman katoline), vn 2007 nägu
    Jumalanmaman Pühän Rozarijan päjumalanpert' (riman katoline), vn 2007 nägu
  • Ph. Paulan jumalanpert' (lüteranine), vn 2024 nägu
    Ph. Paulan jumalanpert' (lüteranine), vn 2024 nägu
  • Eläban Eziauguižen Stroican päjumalanpert' (ortodoksine hristanuskond), vn 2024 nägu
    Eläban Eziauguižen Stroican päjumalanpert' (ortodoksine hristanuskond), vn 2024 nägu
  • Üläkorged One SeaGate-sauvuz vl 2007 (kahtenz' kortte lidnas). Vspäi 2007 se om Fifth Third Bank:an päsijaduseks Lodehližes Ogajos, ende oli stökolmülüiden kompanijan päfateraks (sirdi ezilidnha)
    ÜläkorgedOne SeaGate-sauvuz vl 2007 (kahtenz' kortte lidnas). Vspäi 2007 se omFifth Third Bank:an päsijaduseks Lodehližes Ogajos, ende oli stökolmülüiden kompanijan päfateraks (sirdi ezilidnha)
  • PNC Bank Building vl 2009
    PNC Bank Building vl 2009
  • Tolidon universitetan päsauvuz (2022, University Hall)
    Tolidon universitetan päsauvuz (2022,University Hall)
  • Tolidon universitetan medicine keskuz (2020)
    Tolidon universitetan medicine keskuz (2020)
  • Tolido-portan dokad Momi-jogen randal vl 2006
    Tolido-portan dokad Momi-jogen randal vl 2006
  • Edeline lidnan flag (1994–2025)
    Edeline lidnan flag (1994–2025)

Homaičendad

[vajehta |vajehtada lähtetekst]
  1. ↑Tolidon universitetan sait (utoledo.edu).(angl.)

Irdkosketused

[vajehta |vajehtada lähtetekst]
Tolido (Ogajo) Vikiaitas
Om sadud "https://vep.wikipedia.org/w/index.php?title=Tolido_(Ogajo)&oldid=173866"
Kategorijad:
[8]ページ先頭
©2009-2025 Movatter.jp