Movatterモバイル変換

Mine sisu juurde

Sietl

Vajehta tarkendused

Vikipedii-späi

Tarbhaine lehtpol'/levitadud

Anglijankel'ne tarbhaine lehtpol'

Sietl
Seattle
Lidnanznam
Valdkund	Amerikan Ühtenzoittud Valdkundad
Eläjiden lugu (2020)	737,015 ristitud
Pind	367,97 km²

Pämez'	Brüs Harrell (viluku 2022—, Bruce Harrell)
Telefonkod	+1−206
Aigvö	tal'velUTC−8, kezalUTC−7

Lidnan kart (2014)

Sietl (angl.:Seattle [siˈætəl],lušucid:Dᶻidᶻəlal̓ič) omAÜV:oiden lidn da meriportVašington-štatas. Se om štatan i federacijan lodehen kaikiš suremb lidn eläjiden lugun mödhe, King-ümbrikon administrativine keskuz.

Vl 1962 mail'manEkspo-ozutelend mäni lidnas, saudihe lidnan «Speis nidl»-simvolad ozutelendan täht. Vl 1990 Hüvän valdan vändod oliba Sietlas.

Istorii

[vajehta |vajehtada lähtetekst]

Eländpunktan aluz om pandud vn 1851 kül'mkus skautoil kutiAlkai Point (angl.:Alki Point). Vl 1852 hö sirdihe udhe sijha indejižiden küliden keskes i nimitihe žilodDuvamps:aks (angl.:Duwamps) indejalaižiden duvamiš-heimon mödhe. Vl 1855 udesnimitihe nügüdläižikš indejalaižiden Si'atl'-vejan mödhe. Vn 1869 2. päiväl tal'vkud žilo sai lidnan oficialižid oiktusid. Vl 1889 luja lämoipalo tegihe azjaližes keskuses, pölištunuzita.

Lidn om mail'manUPS-,Boeing-,Microsoft- iAmazon-korporacijoiden sündundsijaks.

Geografijan andmused

[vajehta |vajehtada lähtetekst]

Lidnan sijaduz King-ümbrikos i Vašington-štatas (2007)

Lidn sijadaseTünen valdmeren da sen Pjudžet-lahten päivnouzmaižel randal, 0..158 m korktusil, 53 m ü.m.t. keskmäižel korktusel. Lidnan ühthine pind om 367,97 km², sidä kesken kuivma 217,54 km², vezi otab 150,43 km².

Matkad štatan administrativižesOlimpii-keskushesai om 100 km suvipäivlaskmha orhal. Lähembaine järed lidn omVankuver (Kanad) 200 km pohjoižhe orhal.

Klimat omven valdmeren, Keskmeren klimatan pirdoidenke. Lidn om kaitud korktoil mägil arktižes viluspäi i valdmeren koviš tulleišpäi. Voden keskmäine lämuz om +12,1 C°, kezakun-sügüz'kun +16,7..+19,7 C°, tal'vkun-uhokun +5,6..+6,7 C°. Ekstremumad oma −18 C° (viluku) i +42 C° (kezaku). Kezaaigan minimum om +3 C° (kezaku), tal'vaigan maksimum om +21 C° (uhoku). Ei olele haloid sügüz'kus. Paneb sadegid 999 mm vodes, enamba kül'mkus-vilukus (145..160 mm kus), vähemba heinkus-elokus (40 mm pordos). Paneb lunt 16 sm tal'ves. Keskmäine relätivine nepsuz vajehtase 65..80 % röunoiš voden aigan. Voib olda lujid manrehkaidusid (ühesaballaine vl 1700, 6,8 ballad vl 2001).

Tobmuz

[vajehta |vajehtada lähtetekst]

Lidnan rajonad vspäi 2016

Lidn jagase seičemeks rajonaks vspäi 2016, ned alajagasoiš neiborhudoikš.

Edeline lidnan pämez' (mer) om Dženni Durkan (Jenny Durkan, kül'mku 2017 — tal'vku 2021).

Eläjad

[vajehta |vajehtada lähtetekst]

Vl 2010 AÜV:oiden rahvahanlugemižen mödhe lidnan eläjiden lugu oli 608 660 ristitud. Kaik 724 745 eläjad oli lidnas vl 2017. Kaikiš suremb lidnan ristitišt om nügüd'. Vl 2020 kaiken lidnaglomeracijan ristitišt oli nell' millionad eläjid 21202 km² pindal (15. sija AÜV:oiš).

Vl 2008 oliba kodikelikš:anglijan kel' — 78,9 %, Azijan keled — 10,2 %,ispanijan kel' — 4,5 %.

Transport

[vajehta |vajehtada lähtetekst]

Avtobusad, trolleibusad (15 maršrutad), tramvaijono lidnan keskuzpalas, ezilidnelektrojonused, vezitaksid (ehtatimed) i taksid oma kundaližeks transportaks lidnas. Kebnan metron jono radab vspäi 2009, siš om 16 stancijad (seičeme manalašt) i 32,7 km raudted, ühtenzoitab lidnan keskuzpalad lendimportanke.

Rahvahidenkeskeine civilineSietl —Takom-lendimport^[1] (SEA / KSEA, 46 mln passažiroid vl 2022) sijadase 23 km suvhe Sietlan azjaližes keskusespäi. Tehtas reisid Kanadan, AÜV:oiden, Meksikan i Päivlaskmaižen Evropan surihe lidnoihe, Päivnouzmaižen Azijan pälidnoihe.

Galerei

[vajehta |vajehtada lähtetekst]

Lidnan tobmuden sauvuz (2007)
Riman katoline ph. Jakovan Zevedejan päjumalanpert', vn 2019 nägu
Lidnan azjaline keskuz, semendku 2023
Amazon-kompanijanAmazon Tower I-ofissauvuz läz vaumičendad vn 2015 kezakus
Starbucks Coffee-kompanijanStarbucks center-päfater vl 2016
Benaroya Hall (2009), om Sietlan simfonižen orkestran päsijaduseks
King Street-raudtestancii vl 2017

Homaičendad

[vajehta |vajehtada lähtetekst]

↑Rahvahidenkeskeižen Sietl — Takom-lendimportan sait (seattleairport.net).(angl.)

Irdkosketused

[vajehta |vajehtada lähtetekst]

Lidnan tobmuden oficialine sait (seattle.gov).(angl.)(+ äikel'ne avtomatine känduz)

Sietl Vikiaitas

	AÜV:oiden järedad lidnad
	Enamba 3 mln. eläjid	Los Andželes \|Nju Jork
	1—3 mln. eläjid	Čikago \|Dallas \|Filadel'fii \|Finiks \|Hjuston \|San Antonio \|San Diego \|San Hose
	750 tuh. eläjid — 1 mln.	Džeksonvill \|Fort Uert \|Indianapolis \|Kolumbus \|Ostin \|San Francisko \|Šarlott
	Enamba 500 tuh. eläjid	Al'bukerke \|Baltimor \|Boston \|Denver \|Detroit \|El' Paso \|Fresno \|Las Vegas \|Luisvill \|Memfis \|Miluoki \|Našvill \|Oklahoma Siti \|Portlend \|Sakramento \|Sietl \|Tuson \|Vašington

Om sadud "https://vep.wikipedia.org/w/index.php?title=Sietl&oldid=174781"

Peittud kategorijad:

[8]ページ先頭

©2009-2025 Movatter.jp