Porto Novo (franc.:Porto-Novo [pɔʁtɔnɔvo], «uz' port» portugalijan kelel), toižed sijaližed nimitused omaHogbonu (fon-rahvahan gun-pagin, fr.Hogbonou,fonXɔgbónu) iAdjase (joruba-rahvahan, fr.Adjacé), omBeninan oficialine pälidn, valdkundan parlamentan ištundoiden sija. Se om koumanz' lidn eläjiden lugun mödhe valdkundasKotonun i senAbomei Kalavi-ezilidnan jäl'ghe, mugažoVeme-departamentan administrativine keskuz.
Eländpunktan aluz om pandud 16. voz'sadal. Portugalijalaižed kävutihe portad vemha orjid ujuden. Vl 1900 kändihe franciženDagomei-kolonijan pälidnaks. Vspäi 1960 om ripmatoman valdkundan pälidn, nimitihe valdkundad Beninaks vl 1975.
Porto Novo šingotase regionan maižanduzprodukcijan eksportan portal i cementan tehmižel.
Porto Novon telikund vn 2020 sulakus. Video om 17 sekundad hätkte.Lidn sijadase valdkundan suvipäivnouzmas, merilagunan randal, 10 kilometrasAtlantižen valdmerenGvinejan lahten randaspäi, 38 m ü.m.t. keskmäižel korktusel. MatkadKotonu-lidnhasai (valdkundan ohjastusen sijaduz) om 20 km suvipäivlaskmha,Nigerijan röunhasai om 10 km päivnouzmha,Lagoshasai — 60 km päivnouzmha.
Vn 2002 Beninan rahvahanlugemižen mödhe lidnan eläjiden lugu oli 223 552 ristitud. Kaikiš suremb ristitišt om nügüd'.
Religijan mödhe,hristanuskojad ottas 45% ristitištod,paganičad — läz 30%,islamanuskojad — 25%.
