Movatterモバイル変換

[0]ホーム
URL:

Mine sisu juurde
Vikipedii
Eci

Pori

Vikipedii-späi
Pori(veps. i suom.)
Björneborg(roč.)
 Lidnanznam
 Flag
ValdkundSuomenma
Eläjiden lugu (2024)83,334 ristitud
Pind2,062,00 km²
Pori (veps. i suom.) Björneborg (roč.)
Pämez'Lauri Inna
(keväz'ku 2023—)
Telefonkod+358-(0)2
Aigvötal'velUTC+2,
kezalUTC+3


Lidnankundan sijaduz agjas i valdkundas (2020)

Pori (mugažosuomen kelel, virktas [ˈpori],roč.:Björneborg [bjœːrneˈborj] «kondjanlidnuz»,latin.:Arctopolis «kondjanlidn») om lidn da lidnankundSuomenman suvipäivlaskmas,Sadakund-provincijan administrativine keskuz. Se om valdkundan kümnenz' lidn eläjiden lugun mödhe.

Istorii

[vajehta |vajehtada lähtetekst]

RočinmanJohan III-kunigaz pani eländpunktan alust vodel 1558 udeks torguindlidnaks. Eziauguižin lidn seižui Baltijan meren randal, no meri läksi kuivman ülendusen tagut. Suomen nimituz oti ročin nimenborg-palad, kätas kut «lidnuz». Pori paloi ühesa kerdad ičeze istorijas, sen paloin 1570-nzil vozil, vll 1688 i 1801. Vn 1852 semendkun lämoipalon jäl'ghe planiruihe Porin ut keskust oiktoidenke irdoidenke. Mail'man ezmäine suomenkel'ne teatr radaškanzi neciš lidnas. Vn 1981 lämoipalo puvillan kudondfabrikas süveni Porin ižandusen recessijad.

1970-nziden krizisan jäl'ghe holitišiden sfer šingotaškanzi i reindustrializacii tegihe. Nügüd' nene sarakod oma lidnas: laivansauvomine, cellülozbumagaine (kombinat), metallanümbriradmine (vas'kensuladuz- i vanundtegimed), sauvondmaterialad (mecpilindtegim i mujutimiden edheotand), mašiništonsauvomine (vill'kombainad da harvesterad).

Geografijan andmused

[vajehta |vajehtada lähtetekst]

Pori sijadase Kokemäen-jogen randoil 20..30 kilometrasBotnižes lahtespäi. Meriport valdmerilaivoiden täht mülüb lidnha.

Lähembaižed lidnad omaKankaanpää 50 km pohjoižpäivnouzmha,Ulvil ani suvipäivnouzmas,Kokemägi 39 km suvipäivnouzmha,Raum 50 km suvhe. Lähembaine toine järed lidn omTampereh 114 km päivnouzmha.

Klimat omven kontinentaline. Botnine laht i «lämuden saren» effekt pehmdas tal'ved. Voden keskmäine lämuz om +5,6 C°, kezakun-elokun +14,1..+17,1 C°, vilukun-uhokun −4,0..−4,6 C°, tal'vkun i keväz'kun −1,3..−1,8 C°. Ekstremumad oma −36,8 C° (uhoku) i +33,3 C° (kezaku-eloku). Kezaaigan minimum om −2,0 C° (kezaku), tal'vaigan maksimum om +11,3 C° (tal'vku). Ei voi panda halad heinkus vaiše (minimum +1,7 C°). Paneb sadegid 586 mm vodes, enamba heinkus-kül'mkus (54..71 mm kus), vähemba uhokus-sulakus (28..30 mm kus). Paneb lunt 43 sm tal'ves.

Vn 2022 andmusiden mödhe lidnankundan pind om 2 062,00 km², sidä kesken kuivma — 1 156,16 km², meri — 844,01 km², vezi da sokaz tahond ottas 61,83 km².

Tobmuz

[vajehta |vajehtada lähtetekst]

Ühtištadas Porin 92 nimitadud rajonad kahesaks surembaks territorijaks. Porin municipaline suim kogoneb 59 ezitajaspäi.

Edeližed lidnan pämehed oma Aino-Maija Luukkonen (2004−2022), Martti Sinisalmi (1975–2004).

Eläjad

[vajehta |vajehtada lähtetekst]

Vl 1980 lidnankundan nügüdläižen territorijan eläjiden lugu oli 87 977 ristitud (vai 79 405 ristitud ližatud kundoita, se oli kaikiš suremb kundan ristitišt), vl 2000 — 84 573 ristitud, vl 2010 — 85 026 ristitud, vl 2020 — 83 905 ristitud.

Mamankelen mödhe (2023):suomen kel' — 94,3 %,ročin kel' — 0,6 %, toižed keled — 5,1 %.

Galerei

[vajehta |vajehtada lähtetekst]
  • Lidnan ratuš (2009)
    Lidnan ratuš (2009)
  • Porin ortodoksižen hristanuskondan jumalanpert', vn 2006 nägu
    Porin ortodoksižen hristanuskondan jumalanpert', vn 2006 nägu
  • Lidnan keskuzline torg vn 2010 sulakus
    Lidnan keskuzline torg vn 2010 sulakus
  • Üterin kül'bendrand (2010, suom. Yyteri)
    Üterin kül'bendrand (2010, suom.Yyteri)
  • Porin teatr (2006)
    Porin teatr (2006)
  • Isomäkin jäpert'kulu (2009)
    Isomäkin jäpert'kulu (2009)
  • Porin lendimport vl 2021
    Porin lendimport vl 2021
  • Porin päraudtestancii vl 2010
    Porin päraudtestancii vl 2010
Kokemäen-jogi vn 2010 kezakus

Homaičendad

[vajehta |vajehtada lähtetekst]


Irdkosketused

[vajehta |vajehtada lähtetekst]
Pori Vikiaitas



L • D • R
SuomenmaSuomenmaSuomenman lidnad
Akaa •Alajärvi •Alavus •Espoo •Forss •Haapajärvi •Haapavezi •Hamin •Hanko •Harjavalt •Heinol •Hel'sinki •Huttinen •Hüvinkä •Hämenlidn •Iisalmi •Ikaalinen •Imatr •Jogensu •Jüväskülä •Jämsä •Järvenpää •Kaarin •Kajani •Kalajogi •Kangasal •Kankaanpää •Kannus •Karkkil •Kaskinen •Kauhajogi •Kauhav •Kauniainen •Kemi •Kemijärvi •Kerav •Keuruu •Kitee •Kiuruvezi •Kokemägi •Kokkol •Kotk •Kouvol •Kristiinankaupunki •Kuhmo •Kuopio •Kurikk •Kuusamo •Laht •Laitil •Lapenrand •Lapua •Lieks •Lohj •Loimaa •Loviis •Mariehamn •Mikoi •Mänttä-Vilppul •Naantali •Nival •Nokia •Nurmes •Närpes •Orimattil •Orivezi •Oulainen •Oulu •Outokumpu •Paimio •Parainen •Parkano •Pieksämägi •Pietarsaari •Pori •Porvoo •Pudasjärvi •Pühäjärvi •Raahe •Raisio •Raseborg •Raum •Regimägi •Rovanem' •Saarijärvi •Salo •Sastamal •Savonlidn •Seinjogi •Somero •Suonenjogi •Tampereh •Tornio •Turku •Ulvil •Uusikaarlepüü •Uusikaupunki •Valkeakoski •Vantaa •Varghuz •Vas •Viitasaari •Virrat •Üliviesk •Ülöjärvi •Ähtäri •Äänekoski


Suomenman agjad da niiden administrativižed keskused
Ahvenanma1 (Mariehamn) |Kainu (Kajani) |Kanta Häme (Hämenlidn) |Keskpohjanma (Kokkol) |Kesksuomenma (Jüväskülä) |Kümenlakso (Kouvol) |Laplandii (Rovanem') |Pirkanma (Tampereh) |Pohjanma (Vas) |Pohjoižkarjal (Jogensu) |Pohjoižpohjanma (Oulu) |Pohjoižsavo (Kuopio) |Päijät Häme (Laht) |Sadakund (Pori) |Suvikarjal (Lapenrand) |Suvipohjanma (Seinjogi) |Suvipäivlaskmaine Suomenma (Turku) |Suvisavo (Mikoi) |Udenma (Hel'sinki)
1 Avtonomine agj.
Om sadud "https://vep.wikipedia.org/w/index.php?title=Pori&oldid=171630"
Kategorijad:
[8]ページ先頭
©2009-2025 Movatter.jp